2 Juan 1:12 - Bible in Tzeltal de Oxchuc y Tenejapa

¹² Ay bayal te bila c'an jts'ibubeyexe, ja'uc me to, ma jc'an ya jts'ibubeyex xan ta jun soc ta tinta. Yu'un jnopoj te ya xtal quilexe. Jich me ya x'ayanotic soc ya quilbey jba jsitic, swenta yu'un jich me pajal ya xbujts'naj co'tantic ta melel a.

Nuevo Testamento Tzeltal de Amatenango

¹² Bayal tut ya jkꞌan kalbeyex te jaꞌexe, pero ma jkꞌan ya jpas ta karta. Yuꞌun ay ta koꞌtan te ya xtal kilexe, y ya jkꞌoponex ta atekꞌlejalik. Yuꞌun jich me tsꞌakal a kichꞌtik te bujtsꞌan kꞌinale.

Bible in Tzeltal Bachajón

¹² Ay bayel bin ya jc'an ya jts'ihbabeyex, pero ma jc'an ya jpas ta hun soc ta tinta, como co'tanuc ya xtal jc'oponex soc ya quilbe jba sitic scuenta yu'un ts'acal ya xc'oht te stse'elil co'tantique.

2 Juan 1:12 ပူးပေါင်းရင်းမြစ်များ

Números 12:8

melel ya join jba ta c'op soc, chican ta lec te jc'op soque, ma ta señailuc nax. Jich yu'un te bit'il ya yilbon jsit, ¿bistuc ya atoy abaic ta slabanel? —xi' te Cajwaltique.

San Juan 15:11

“La calbeyex awaiyic in to, swenta yu'un ya me awich'bonic te sbujts' co'tane, jich me ts'acal ya ataic te sbujts' awo'tanique.

San Juan 16:12

“Ay to bayal xan te bila c'an calbeyexe, ja'uc me to, ma to xju' awu'unic sna'el stojol ta ora to.

San Juan 16:24

Ma to ayuc bila ac'anojic ta jwenta. C'anaic, jich me ya yac'beyex, swenta yu'un jich me ya xbujts'naj ta lec awo'tanic yu'un.

San Juan 17:13

“Ta ora to ya xtalonix ta atojol. La calix jilel ta balumilal spisil in to, swenta yu'un ya me xbujts'naj yo'tanic ta jc'axel yu'un.

San Juan 3:29

Jich bit'il te nujbinele. Te mach'a ya xnujbin soc te ach'ixe, ja'ix te smamlale. Yan te mach'a sjoy nax sba soque, ja' nax ya xbujts'naj yo'tan yu'un te ya yaiybey te sc'ope. Jich c'oemon ta stojol te Jesuse. Bayal ya xbujts'naj co'tan ta swenta.

Romanos 15:24

Te c'alal ya xboon ta España ay ta co'tan te ya xc'ax quilex te ja'exe. Teme la joinex che'oxebuc c'aale, co'tanuc ya awac'bonic jbeib te c'alal ya xboon tey a.

2 Timoteo 1:4

Spisil ora ya xjul ta co'tan te bit'il bayal oc'at cu'une. Toyol co'tan te yacuc quilbat xan asit. Jich me ya xbujts'naj xan ta lec co'tan awu'un.

Filemón 1:22

Soc ya me achajbanbon uuc te banti ya xc'o ainucon awu'une, melel ay ta co'tan te ya stsacbeyex ac'opic te Dios swenta yu'un ya xtal quilexe.

Hebreos 13:19

Ya jc'anbeyex te ya me ac'oponbon Dios te yacuc yac'on bael ta ora tey a ta banti ayexe.

Hebreos 13:23

Soc ya calbeyex awaiyic te bit'il ayix ta libre te quermanotic Timoteo. Teme ya xtal ta orae, ya me join bael teme ya xju' cu'un te ya xtal quilexe.

1 Juan 1:4

Jich la jts'ibubeyex spisil in to swenta yu'un ts'acal ya xbujts'naj awo'tanic ta lec yu'un.

3 Juan 1:10

Jich yu'un teme talone, ya me calbey ta jamal te bila amen ya spase. Yu'un ma tic'uc ya yaiy a te ya slotbon jc'oplal, melel ma sc'an yic' ta stojol te quermanotactic te ya xtalic ta q'uejele. Soc teme ay te jch'uunjeletic te toyol yo'tanic ya xnajc'anwanique, ya yich'ic comel ta ora yu'un soc ya xtenotic loq'uel ta xch'uunel Dios yu'un.