1 Samuel 9:4 - Bible in Tzeltal de Oxchuc y Tenejapa

⁴ Jich bajt' te Saúl, c'ax bael ta switsul sq'uinal Efraín, soc c'ax bael ta sq'uinal Salisa. Ma ba la sta te burraetique. C'axic xan bael ta sq'uinal Saalim, soc ta sq'uinal sts'umbal Benjamín. Ja' nix jich, ma ba chican te burraetique.

Bible in Tzeltal Bachajón

⁴ Hich te Saúl c'ax bahel ta witsiltic yu'un Efraín soc c'ax bahel ta sq'uinal Salisa, ma ba la sta te burrahetique. Soc c'axic xan bahel ta sq'uinal Saalim, ma ba tey ayic a. Patil c'axic bahel ta sq'uinal Benjamín, ma ba la stahic.

1 Samuel 9:4 ပူးပေါင်းရင်းမြစ်များ

Génesis 33:18

Te Jacob lec a jul ta sq'uinal Canaán c'alal sujt' tel ta Padan-aram, c'ot ta nopol lum Siquem. La stejc'an snailpac' tey a ta stojol te lume.

2 Reyes 4:42

Patil c'ot jtul winic talem ta Baal-salisa. Yich'ojbey c'oel jtab ta pejch' waj pasbilic ta cebada te loq'uelic to ta samet, soc yach'il trigo ta morral. Te Eliseo la yalbey mandal te abat yu'une: —Ac'beya te mach'atic li' ayique, ac'a swe'ic —xi'.

San Juan 3:23

In te Juane yac ta yaq'uel ich'ja' uuc ta bay Enón te nopol yiloj sba soc te Salime, yu'un ay bayal ja'etic tey a. Te ants-winiquetic talic ta stojol, jich la yac'bey yich'ic ja'.

Josué 19:42

Saalabín, Ajalón, Jetla,

Josué 24:33

C'alal laj te Eleazar snich'an Aarón, la smuquic ta ch'in wits te ja' yu'un Finees te snich'ane, te ac'bot ta witstiquil yu'un Efraín.

Jueces 17:1

Ta witstiquil yu'un Efraín nainem jtul winic, Micaía sbiil.

Jueces 19:1

Te c'alal ma'yuc ajwalil ta Israel, ay jtul levita-winic te c'ubul to nainem ta witstiquil yu'un Efraín. Te levita-winic la yic' yantsin jtul ants ay ta Belén ta sq'uinal Judá.

1 Samuel 1:1

Ta switsul sq'uinal sts'umbal Efraín ay lum Ramá sbiil ta banti nain jtul winic Elcana sbiil, sts'umbal Zuf. Jeroham te state, Eliú sbiil te xcha'lamal smame. Te yoxlamal smame Tohu sbiil, snich'an Zuf, sts'umbalic Efraín.

1 Samuel 9:3

Te Cis ay ch'ay burraetic yu'un. Ja' yu'un jich la yalbey te snich'an, ja' te Saule: —Chajbana aba, baan, lea te burraetique. Ic'a bael jtuluc abat —la yut.