1 Samuel 8:9 - Bible in Tzeltal de Oxchuc y Tenejapa

⁹ Ja' yu'un jiche, ich'beya ta wenta te sc'opique. Pero neel me xacholbey yaiyic soc ac'beya sna'ic ta lec te bit'il ya x'at'ej ta stojolic soc bit'il ya xwentainotic yu'un te muc' ajwalil ya sc'anique —xi'.

Bible in Tzeltal Bachajón

⁹ Ha yu'un ich'beya ta cuenta te sc'opique; pero halbeya ya'iyic ta lec soc a'beya sna'ic te bin ya xpasbotic yu'un te ajwalil te ya xcuentahinotic yu'une, xchi.

1 Samuel 8:9 ပူးပေါင်းရင်းမြစ်များ

Jeremías 11:7

C'alal la jloq'ues tel ta Egipto te antiguo ame'-atatique, la jultesbey yo'tanic te ja' nax ac'a yich'bonic ta muc' te trato. Ja' to tel yo'tic abi, asta c'alal ora yacon ta sjultesbeyel yo'tanic.

Ezequiel 3:18

Teme repente ay ya calbey sc'oplal yu'un ya xlaj jtul mach'a amen yo'tan, pero teme ma ba ya ac'opone soc teme ma ba ya awalbey yaiy te ya yijq'uitay te amen yat'ele swenta jich ya xju' ya xcuxin xane, ya me xlaj yu'un te smule, pero ja'at me ya quich'at ta c'op yu'un.

Ezequiel 46:18

Te ajwalil ma'yuc mach'a ya xju' ya spojbey sq'uinal. Teme ya yac'bey sq'uinal te snich'nabe, tey nix me ac'a sloq'uesbey ta sq'uinal. Jich me spisil ay sq'uinalic, soc jich ma xpujc' bael a te lum cu'une —xi' te Cajwaltique.

1 Samuel 10:25

C'alal laj yo'tanic, te Samuel la yalbey yaiyic te mandaliletic ya xtuun yu'un te ajwalile. La sts'ibuy ta jun, la spas ta libro, la yac' ta ch'ul templo ta stojol te Cajwaltique. Patil te Samuel la sticunlay bael ta sna spisil te israeletique.

1 Samuel 12:1

Te Samuel c'opoj ta stojol ta spisil te israeletique: —La awiliquix te spisil te bi la ac'anbonic, la quich'beyex ta wenta, soc la cac'beyex te muc' ajwalil awu'unique.

1 Samuel 14:52

Te jayeb c'aal cuxul ta balumilal te Saúl, mero tulan te guerra ta stojol te filisteoetique. Ja' yu'un te la yic' ochel ta soldadoil spisil buen tulan winiquetic te ma xiwique.

1 Samuel 2:13

soc ni ja'uc lec la spasic te at'el ta sacerdoteil ta stojol te lume. Teme ay mach'a ya yac'bey milbil smajt'an Dios, ora ya xc'ot jtul yabat sacerdote, yich'oj ya xc'ot jun trinche. Te c'alal yac ta tac'ajel a te ti'bale,

1 Samuel 8:8

Ja' to nix te bi c'aalil la jloq'uesic tel ta Egipto c'alal ora, jich yac spasbelic ta jtojol te bit'il yac spasbelic ta atojol ta ora in to. Ya xch'ayon ta yo'tanic ta scaj te ya xba xch'uunic te yan diosetique.