1 Samuel 8:8 - Bible in Tzeltal de Oxchuc y Tenejapa

⁸ Ja' to nix te bi c'aalil la jloq'uesic tel ta Egipto c'alal ora, jich yac spasbelic ta jtojol te bit'il yac spasbelic ta atojol ta ora in to. Ya xch'ayon ta yo'tanic ta scaj te ya xba xch'uunic te yan diosetique.

Bible in Tzeltal Bachajón

⁸ Hich ya spasbat te bin ut'il la spasbonic c'alal bin ora la jloq'uesic tal ta Egipto c'alal ora ini, ha te la yihquitayonic soc la yac' sbahic ta a'batinel yu'un yantic diosetic.

1 Samuel 8:8 ပူးပေါင်းရင်းမြစ်များ

Salmos 78:8

Jich ma me pajaluc ya xc'otic soc te antiguo sme'-statique, te ma x'ich'awanic ta muc' soc te ma sna'ic q'uinal, te ma spisiluc yo'tan la yac' sbaic ta stojol te Diose; ja'ic te c'axic ta q'uinal te mero ma junuc yo'tanic la yac' sbaic ta stojol te Diose.

Éxodo 16:3

Jich la yalic: —¡Teyuc la smilotic a te Cajwaltic ta Egipto! Tey joinejtic ta naclej te yoxmal jti'baltic, we'otic ta lec ja' to c'alal la sc'an co'tantic. Yan te ja'exe la awic'otic tel yu'un ya amilotic ta wi'nal jpisiltic ta jochol taquin q'uinal —xiic.

Éxodo 17:2

Jajch'ic ta yutel te Moisés, jich la yalic: —¡Ac'botic ja' cuch'tic! —xiic. —¿Bistuc ya awutonic te jo'one? ¿Bistuc ya awil-o'tantayic te Diose? —xi' te Moisese.

Éxodo 32:1

Ja'uc me to, c'alal la yil te israeletic te ma ba coj tel ta wits ta ora te Moisés, la stsob sbaic tel ta stojol Aarón, jich la yalbeyic: —Jajch'an, pasbotic diosetic cu'untic te ya xneelaj bael cu'untic, melel te Moisés te la sloq'uesotic tel ta Egipto ma jna'tic bila la spas —xiic.

Jeremías 34:14

Ta sjuquebal ja'wil ya yaq'uic ta libre te mach'auc hebreoil te xchonoj sba ta stojolique, teme la yac' sbaiquix ta abatinel c'alal ta waqueb ja'wile. Ja'uc me to, te antiguo ame'-atatic ma la yich'bonic ta muc', ni ma la sc'an xch'uunbonic.

Ezequiel 2:3

jich la yalbon: —Ja'at winic, ya me jticunat bael ta stojol israeletic, ja'ic te lum te stoyoj sbaic ta jtojole, soc te ma xyich'onic ta muq'ue. Ja'ic soc te antiguo sme'-static te stoyoj sbaic ta jtojol c'alal ora.

Números 16:41

Ta yan c'aal spisil te lum Israel jajch'ic ta scontroinel ta c'op te Moisés soc te Aarón, jich la yalbey: —Te ja'exe yacalex ta smilel te lum yu'un Cajwaltic —xiic.

Deuteronomio 9:24

¡Ja' to te c'alal la jna'beyex abaique, spisil ora tulan awac'oj abaic ta stojol te Cajwaltique!

Jueces 13:1

Ja'uc me to, te israeletic la spasic xan te bi ma lecuc ta sit Cajwaltic, ja' swentail te la yac' ta sc'ab filisteoetic cha'winic (40) ja'wil.

Jueces 2:20

Ja' swentail te ilin yo'tan Cajwaltic ta stojol Israel. Jich la yal: “Te lume, ma xyich'ic ta muc' te trato jchapoj soc te antiguo sme'-statique, soc ma sc'an xch'uunbonic te jc'ope.

Jueces 4:1

C'alal laj bael te Aod, te israeletic jajch'ic xan ta spasel te bila amen ta sit te Cajwaltique.

Jueces 6:1

Te israeletic bolob yat'elic ta sit te Cajwaltique. Jich yu'un te Cajwaltic la yac'bey ta sc'ab juqueb ja'wil te madianetique.

1 Samuel 8:7

Pero jich albot yu'un te Cajwaltic: —Spisil te bi ya sc'anbat te lume, pasbeya; melel ma ja'ucat te ma sc'anat, jo'on te ma sc'anonique. Ja' ma sc'anic te ya x'at'ejon ta ajwalil ta stojolic.

1 Samuel 8:9

Ja' yu'un jiche, ich'beya ta wenta te sc'opique. Pero neel me xacholbey yaiyic soc ac'beya sna'ic ta lec te bit'il ya x'at'ej ta stojolic soc bit'il ya xwentainotic yu'un te muc' ajwalil ya sc'anique —xi'.