1 Samuel 8:7 - Bible in Tzeltal de Oxchuc y Tenejapa

⁷ Pero jich albot yu'un te Cajwaltic: —Spisil te bi ya sc'anbat te lume, pasbeya; melel ma ja'ucat te ma sc'anat, jo'on te ma sc'anonique. Ja' ma sc'anic te ya x'at'ejon ta ajwalil ta stojolic.

Bible in Tzeltal Bachajón

⁷ Te Jehová hich la yalbe te Samuel: A'iya me awa'iy spisil bintic ya yalbat te pueblohe; como ma ha'ucat te ma sc'anat, ho'on me te ma sc'anonic te ya jcuentahinic.

1 Samuel 8:7 ပူးပေါင်းရင်းမြစ်များ

Éxodo 16:8

La yal Moisés: —Ta xmal c'aal yo'tic, ya me yac'beyex ati'ic ti'bal. Yan ta sab ya me yac'beyex bayal waj. Melel te Cajwaltic la yaiy stojol te bila la awalic ta ch'inlajanel ta c'op ta stojole. Melel ¿mach'aotic ya awaiy a te jo'otique? Ma me ja'uc la abolc'optayotic, ja' me la abolc'optayic te Cajwaltique —xi'.

Isaías 66:4

Jo'on ya jtsabey te woclajel ta swentaique, soc ya me cac'bey tel ta stojolic te bila bayal ya xi'ique. Melel la quic', ma'yuc mach'a la sjac'bon jc'op; c'opojon, ma'yuc mach'a la yaiybon jc'op. Ja' la spasic te bay ma jichuc co'tane; ja' la stsaic ta pasel te bay ma smulan co'tane —xi' te Cajwaltique.

Jeremías 34:14

Ta sjuquebal ja'wil ya yaq'uic ta libre te mach'auc hebreoil te xchonoj sba ta stojolique, teme la yac' sbaiquix ta abatinel c'alal ta waqueb ja'wile. Ja'uc me to, te antiguo ame'-atatic ma la yich'bonic ta muc', ni ma la sc'an xch'uunbonic.

Ezequiel 2:3

jich la yalbon: —Ja'at winic, ya me jticunat bael ta stojol israeletic, ja'ic te lum te stoyoj sbaic ta jtojole, soc te ma xyich'onic ta muq'ue. Ja'ic soc te antiguo sme'-static te stoyoj sbaic ta jtojol c'alal ora.

Ezequiel 3:7

Yan te lum Israele, ma ba ya sc'an ya yich'bat ta muc' ac'op, melel ma sc'an ya yich'onic ta muc' jo'on. Ta spisil te lum Israel mero tulan yo'tanic soc mero tulan te sjolique.

Números 22:20

Ta ajc'ubal chicnaj Dios ta stojol te Balaam, jich la yalbey: —Ja' te winiquetic teme talem yu'un ya yic'at baele, jajch'an, baan soc. Pero ja' nax me ya apas te bila ya calbate —xi' sc'oplal yu'un.

San Mateo 10:40

“Te mach'a ya yiq'uex ta snae, jo'on la yic'onix ta sna uuc, soc te mach'a ya yic'on ta snae, ja' la yiq'uix ta sna uuc te Mach'a sticunejon tele.

San Lucas 10:16

“Te mach'atic ya yaiybeyex stojol te ac'opique, jo'on la yaiybonic stojol jc'op abi. Te mach'atic ya sp'ajexe, jo'on la sp'ajonic abi. Teme ya sp'ajonic te jo'one, ja' ya sp'ajic uuc te Mach'a sticunejon tele —xi' te Jesuse.

San Lucas 19:14

“Ja'uc me to, te winique mero ilaybil yu'un te slumale. Jich yu'un te c'alal baemix a, ta spat nax la sticunic bael abat te jich ba yale: “Ma jc'antic te ya yich' yat'el ta muc' ajwalil ta jwentatic te winique”, xiic.

San Lucas 19:27

Yan te mach'atic scontroinejone te ma la sc'anic te ya x'ochon ta muc' ajwalil ta swentaique, ic'bonic tel ta jtojol. C'ocbeyaic loq'uel sjol”, xi' te muc' ajwalile —xi' ta yalel te Jesuse.

San Juan 13:16

Jamal ya calbeyex, te abate ma ja'uc cajal ya xc'ot ta stojol te yajwale. Soc te mach'a ticunbil tel, ja' peq'uel sc'oplal ya xc'ot ta stojol te mach'a ticunwanej.

Jueces 8:23

Ja'uc me to, te Gedeón la sjac': —Ni te jo'on, ni te jnich'an, ma ajwaliluc ya xc'ootic awu'unic. Ja' me ajwalil cu'untic te Cajwaltique.

1 Samuel 10:19

Pero yo'tic ma'yuquix sc'oplal ta awo'tanic te Dios awu'unic, te la scoltayex te c'alal ay bitic ay awocolic yu'un a, soc te ay bitic c'ux obol abaic yu'une. Ma ba la ac'aniquix, melel ya ac'anic te ya jlebeyex muc' ajwalil yu'un ya x'och swentainex. Ja' yu'un, yo'tic tejc'ana abaic ta stojol Cajwaltic ta juju-jchajp ats'umbalic, soc ta juju-jchajp te mach'atic ay awu'unique —xi' te Samuele.

1 Samuel 12:1

Te Samuel c'opoj ta stojol ta spisil te israeletique: —La awiliquix te spisil te bi la ac'anbonic, la quich'beyex ta wenta, soc la cac'beyex te muc' ajwalil awu'unique.

1 Samuel 12:12

Pero te ja'exe, te c'alal la awaiyic te ya xtal yac'beyex guerra te Nahas te muc' ajwalil yu'un amonetic, la ac'anbonic muc' ajwalil yu'un ya swentainex, manchuc me ja' muc' ajwalil awu'unic stuquel te Cajwaltic te Dios cu'untique.

1 Samuel 8:22

Albot yu'un te Cajwaltique: —Ac'beya te bila ya sc'anique, ac'beya ochel jtul muc' ajwalil yu'unic —xi' te Cajwaltique. Ja' yu'un te Samuel la sticunlan sujt'el ta slumalic ta banti talemic ta juju-jtul.

1 Samuel 8:8

Ja' to nix te bi c'aalil la jloq'uesic tel ta Egipto c'alal ora, jich yac spasbelic ta jtojol te bit'il yac spasbelic ta atojol ta ora in to. Ya xch'ayon ta yo'tanic ta scaj te ya xba xch'uunic te yan diosetique.