1 Samuel 8:6 - Bible in Tzeltal de Oxchuc y Tenejapa

⁶ Te Samuel ma lecuc la yaiy te yac ta alel te ya sle muc' ajwalil te ya xwentainotic yu'une; ja' yu'un bajt' ta sc'oponel te Cajwaltic.

Bible in Tzeltal Bachajón

⁶ Pero ma lecuc la ya'iy te Samuel te hich halbot yu'unic: A'botcotic jtuhl ajwalil te ya scuentahinotcotic, te xchihique, ha yu'un la sc'opon te Jehová.

1 Samuel 8:6 ပူးပေါင်းရင်းမြစ်များ

Salmos 109:4

Te xc'uxul co'tan ya sujt'esbonic ta guerra; ja'uc me to, ya jc'oponat yu'unic.

Éxodo 32:21

Te Moisés la yalbey te Aarón: —¿Bi la apas soc te lume? Mero muc' mulil la apas soc —la yut.

Éxodo 32:32

Ya me calbat wocol te ya apasbey perdone. Teme ma xapasbey perdone, tup'bon jbiil ta libro te la ats'ibuye —xi'.

Oseas 13:10

Melel ¿banti ay yo'tic te muc' ajwalil awu'une, te ya scoltaybat spisil te lumetic awu'une? ¿Banti ay te jtsobwanejetic awu'une, te la ac'anic te ay muc' ajwalil soc ch'in ajwaliletic awu'unique?

Números 16:15

Jich yu'un te Moisés bayal ilin, jich la yalbey te Cajwaltique: —¡Ma me x'atsacbey te majt'anil yu'unique! Ma'yuc bay jpojojbey ni jcojt'uc sburro, ni ma'yuc bila amen jpasojbey jtuluc —xi'.

Números 16:22

Ja'uc me to, la spajc'an sbaic, la stinan sba coel c'alal ta lum, jich la yalic: —Ja'at Diosat, te ya awac'bey xcuxlejal spisil ants-winiquetic, ¿tic' bal ya awilintay spisil lum a ta scaj nax smul te jtul winique? —xiic.

Números 16:46

te Moisés, jich la yalbey Aarón: —Ich'a tel te xchic'jibal apom, ac'beya ac'al yu'un te scajtijib majt'anile, ac'beya ochel pom. Baan me ta bay te lum, soc c'anbeya perdón Dios ta stojolic, melel tilemix te yilimba Cajwaltic soc jajch'emix te tulan chamel ya yac' lajel —xi'.

Filipenses 4:6

Ma me ayuc bila ya awac' woclajuc awo'tanic yu'un xujt'uc. Ja' ya sc'an ya ac'oponic Dios yu'un ta spisil. C'anbeyaic Dios te bila ya sc'an te awo'tanique, soc albeyaic me wocol yu'un.

Santiago 1:5

Teme ay ma'yuc sp'ijil awo'tanique, c'anbeyaic te Diose, jich me ya yac'beyex. Ma p'isbiluc ya yac' stuquel, soc ma ba amen ya yaiy te bit'il ya yich' c'anbele.

1 Samuel 10:19

Pero yo'tic ma'yuquix sc'oplal ta awo'tanic te Dios awu'unic, te la scoltayex te c'alal ay bitic ay awocolic yu'un a, soc te ay bitic c'ux obol abaic yu'une. Ma ba la ac'aniquix, melel ya ac'anic te ya jlebeyex muc' ajwalil yu'un ya x'och swentainex. Ja' yu'un, yo'tic tejc'ana abaic ta stojol Cajwaltic ta juju-jchajp ats'umbalic, soc ta juju-jchajp te mach'atic ay awu'unique —xi' te Samuele.

1 Samuel 12:12

Pero te ja'exe, te c'alal la awaiyic te ya xtal yac'beyex guerra te Nahas te muc' ajwalil yu'un amonetic, la ac'anbonic muc' ajwalil yu'un ya swentainex, manchuc me ja' muc' ajwalil awu'unic stuquel te Cajwaltic te Dios cu'untique.

1 Samuel 12:17

Yo'tic yorail set' trigo, ma yorailuc ja'alel q'uinal, jna'ojtic ta jpisiltic. Pero ya me jc'opon te Cajwaltic, ya me yac' tel buen tulan chawuquil ja'al, swenta yu'un jich me ya ana'ic xan, soc jich me ya awilic a te ma ba lequex ta sit Cajwaltic, yu'un te la ac'anic muc' ajwalil awu'unique —xi' te Samuele.

1 Samuel 12:19

Ja' yu'un, jich la yalbeyic te Samuel: —Albeya wocol te Cajwaltic te Dios awu'un, te manchuc ya xlajotic jo'otic te abatotic awu'un, melel bayal jmultic ta jpisiltic, soc ja' jmultic xan te la jc'antic muc' ajwalil cu'untique —xiic.

1 Samuel 12:23

Jich te jo'one, ac'a me scoltayon te Cajwaltic te manchuc ya jquejch'an yalel wocol ta stojol ta awentaique, melel teme jich ya jpase, ja' me jmul ta stojol te Cajwaltique. Ja' lec ya me cac'beyex anopic bit'il ya sc'an ya awac' abaic, soc te bit'il mero toj ya x'ainexe.

1 Samuel 15:11

—Ma lecuc ya caiy te ja' och ta muc' ajwalil te Saúl. Melel la spijt'esix sba, ma ba la xch'uunbon te bi la calbey spase —xi'. Te Samuel mero ma ba lec la yaiy, sjunal ajc'ubal la yalbey bayal wocol te Cajwaltic yu'une.

1 Samuel 7:5

Patil te Samuel la yal mandal: —Ya me jtsob jbajtic te jayeb israelotic ta Mizpa, yu'un ya me jc'oponbeyex Dios tey a —xi'.