1 Samuel 8:4 - Bible in Tzeltal de Oxchuc y Tenejapa

⁴ Ja' yu'un, te mamaletic yich'oj yat'elic yu'un Israel la stsob sbaic ta spisilic, bajt'ic ta stojol Samuel ta lum Ramá.

Bible in Tzeltal Bachajón

⁴ Ha yu'un spisil te mamaletic yu'un Israel la stsob sbahic tal ta Ramá ta stojol Samuel,

1 Samuel 8:4 ပူးပေါင်းရင်းမြစ်များ

2 Samuel 3:17

Patil te Abner la sc'opon te mamaletic yich'oj yat'elic ta Israel, jich la yalbey: —Nameyix te yacalex ta sna'el te ja'uc ya x'och ta muc' ajwalil awu'unic te David.

2 Samuel 5:3

Jich c'ot spisilic te mamaletic yich'oj yat'elic yu'un Israel, c'o sc'oponic te muc' ajwalil David ta Hebrón. Te David ay bila la xchap soc. Ja' la yaq'uic ta testigo te Cajwaltique. La yac'beyic yich' yat'el ta muc' ajwalil yu'un Israel te David.

Éxodo 24:1

Te Cajwaltic, jich la yalbey te Moisés: —Moan tel soc Aarón, Nadab soc Abiú, soc xan te lajuneb xchanwinic (70) mamaletic ich'bilic ta muc' yu'un te israeletique. Li' xtalex te banti ayon to, ja'uc me to c'ubul me ya x'ainex, soc ya me aquejan abaic.

Éxodo 3:16

Baan, tsoba te mamaletic ich'bilic ta muc' yu'un te alumal, albeya yaiyic: “Te Cajwaltic Dios yu'un te antiguo jme'-jtatique, te Dios yu'un Abraham, Isaac soc Jacob, la yac' sba ta ilel ta jtojol. La yalbon te stsacojbeyexix te ac'opique. Yiloj lajix te bila ya spasbeyex te egipcioetique.

1 Samuel 1:19

Ta buen sab ta xchebal c'aal, c'alal laj yo'tanic ta yalel wocol ta stojol Cajwaltic, sujt'ic bael ta snaic ta Ramá. Te Elcana la sta sba soc te yiname, ja' te Ana. Jich ora na'ot yu'un te Cajwaltic, tey c'ot ta pasel a te bi la sc'anbeye.

1 Samuel 11:3

Te mamaletic yich'oj yat'elic ta Jabes, jich la yalic: —Ac'botic juquebuc c'aal, swenta yu'un ya me jpuctic ta alel ta spamal sq'uinal israeletic. Teme ma'yuc mach'a tal scoltayotic, ja' to me ya cac' jbajtic ta atojol a —xiic.

1 Samuel 7:17

Patil ya sujt' xan bael ta Ramá te banti ay sna, te banti la xchajban te israeletique, soc la spasbey scajtijib smajt'an Dios tey a.

1 Samuel 8:10

Te Samuel la yalbey yaiy te lum te bi albot yu'un te Cajwaltic, te bit'il yac ta c'anbeyel muc' ajwalile.