1 Samuel 7:9 - Bible in Tzeltal de Oxchuc y Tenejapa

⁹ Te Samuel la stsac jcojt' alal chij, scojt'ol la yac'bey ta chic'bil smajt'an Cajwaltic, soc jajch' sc'oponbey Dios ta stojol te israeletique. Aiybot yu'un Cajwaltic te sc'ope.

Bible in Tzeltal Bachajón

⁹ Te Samuel la stsac jcoht alal-tuminchij te ya to schu'un, la ya'be scuenta scohtol chic'bil smahtan te Jehová; soc awon ta stojol Jehová ta scuenta Israel; a'iybot sc'op yu'un Jehová.

1 Samuel 7:9 ပူးပေါင်းရင်းမြစ်များ

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

Salmos 99:6

Te Moisés, Aarón soc ta spisil te sacerdoteetic yu'un Dios, soc te Samuel, jun ayic soc te mach'atic la yalbeyic yutsil te sc'oplale. Te Cajwaltic la sjac'bey sc'op ta spisilic te c'alal la sc'anbeyic te coltayel yu'une.

Jeremías 15:1

Te Cajwaltic la yalbon: —Manchuc me ya xtal stejc'an sbaic ta jtojol li'to te Moisés soc Samuel, te jo'one ma ja'uc ya jna'bey yo'bolil sba yu'un a te lume. Albeya, ac'a loc'uc bael ta jtojol, ac'a bajt'uquic.

Levítico 22:27

“Te c'alal ya xtojc' jcojt' wacax, chij, o tentsun, juqueb me c'aal ya sjoin sme', pero ta swaxaquebal c'aal stojq'uel, ya me xju' ya yich'ix chiq'uel swenta milbil jmajt'an.

Deuteronomio 9:26

Jich la calbey bayal wocol: “Cajwal, ma xalajin te lume, melel ja'at awu'un atuquel. Ja'at la acoltay loq'uel ta Egipto, la aloq'ues tel ta swenta smuc'ul yip awu'el.

Santiago 5:16

Jich yu'un albeya abaic ta jamal teme ay amul ataojique, soc c'oponbeya abaic Dios swenta yu'un jich me ya xlamaj te chamele. Te c'alal ya sc'opon Dios te mach'a toj yo'tane, bayal yip ya xc'ot.

Jueces 6:26

Ts'ajc'ubeya scajtijib smajt'an Cajwaltic te Dios awu'unic, ta bay mero sni'il anjibal q'uinal te inbaye. Tsaca te jcojt' toro, ja' me te xchebale, ac'bon jmajt'anin ta chiq'uel ta scojt'ol. Ja' me ya awac'bey si'ilin te sloc'omba Asera ya aboj loq'uel —xi' te Cajwaltique.

Jueces 6:28

Ta sab ta yan c'aal, te c'alal jajch'ic te ants-winiquetic, jinbilix te scajtijib milbil smajt'an Baal te c'o staique. Ja' nix jich bojbilix loq'uel te sloc'omba Asera te ay ta sts'eel te scajtijib ta chic'beyel smajt'an Baal. La yilic te chic'bilix jcojt' toro tey a ta bay yach'il scajtijib te majt'anile.

1 Samuel 10:8

Neelajan bael ta Gilgal, patil ya me xboon. Tey me ya xc'o jta jbajtic a, swenta yu'un ya me cac'bey chic'bil smajt'an soc milbil smajt'an Dios swenta seña te lamal-o'tanile. Ya me amaliyon juqueb c'aal tey a ja' to teme c'oone, soc teme la calbat te bila ya sc'an ya apase —xi' te Samuele.

1 Samuel 12:17

Yo'tic yorail set' trigo, ma yorailuc ja'alel q'uinal, jna'ojtic ta jpisiltic. Pero ya me jc'opon te Cajwaltic, ya me yac' tel buen tulan chawuquil ja'al, swenta yu'un jich me ya ana'ic xan, soc jich me ya awilic a te ma ba lequex ta sit Cajwaltic, yu'un te la ac'anic muc' ajwalil awu'unique —xi' te Samuele.

1 Samuel 16:2

La sjac' te Samuele: —¿Pero bi ya cut ya xboon? Teme ay bit'il ya yaiy te Saúl, ya smilon yu'un —xi'. Jich albot yu'un te Cajwaltic: —Tsaca jcojt' ch'in wacax. “Talon ta yaq'uel milbil smajt'an Cajwaltic”, xaat me.

1 Samuel 2:35

Ya me jtsa yan sacerdote te jun yo'tan ta jtojol te ja' ya spas te bila ya jmulan soc te bila ya sc'an te co'tane. Ya me cac'bey sts'umbal ta cajalcaj bael, ya me cac' at'ejuc ta stojol spisil ora te muc' ajwalil te jo'on ya jtsae.

1 Samuel 7:17

Patil ya sujt' xan bael ta Ramá te banti ay sna, te banti la xchajban te israeletique, soc la spasbey scajtijib smajt'an Dios tey a.

1 Samuel 9:12

Albotic yu'un: —Tey xanix ay bael to. Ya sc'an ya asuj abaic, melel julel to ta lum, yu'un yorail te ya yich' aq'uel milbil smajt'an Dios ta toyol ch'uunjibal.