1 Samuel 7:6 - Bible in Tzeltal de Oxchuc y Tenejapa

⁶ Te israeletic la stsob sbaic ta Mizpa, la slupic loq'uel ja' tey a, la smalic ta lum swenta smajt'an Dios. Ja' nix sc'aalelal a la scom swe'elic soc la yalic ta jamal te staoj smulic ta stojol te Cajwaltique. Tey ora ta Mizpa och ta juez yu'un israeletic te Samuele.

Bible in Tzeltal Bachajón

⁶ Ha yu'un la stsob sbahic ta Mizpa, la sliquic tal ha', la smalic ta stojol Jehová; ha nix sc'ahc'alel a la scom swe'elic, soc hich la yalic: La jta jmultic ta stojol Jehová, xchihic. Te Samuel ha juez yu'un te snich'nab Israel ta Mizpa.

1 Samuel 7:6 ပူးပေါင်းရင်းမြစ်များ

Génesis 31:49

soc Mizpá c'ot te yan sbiile, yu'un la yal xan te Labán: —Dios ac'a yilbotic bi yilel cat'eltic juju-jtulotic te bit'il ya quijq'uitay jbajtique.

2 Samuel 14:14

Jna'ojtic te jpisiltic ya xlajotic, jichotic te bit'il ja' te ya xmal ta lum, ma spasix ta tsobel. Pero te Diose ma'yuc mach'a ya slajinbey xcuxlejal, ya slebey bi ya yut ya yac' sujt'uc tel ta stojol, swenta yu'un te mach'a ch'ayem baele ma ba spisil ora c'ubul ay ta stojol a.

1 Reyes 8:47

teme tey ta nación te banti bajt'ic te ic'otic loq'uel ta slumalic, teme ya sujt'es yo'tanic ta atojol soc teme ya yalbat bayal wocol ta atojole, teme ya sna'ic te la sta smulic ta atojol soc te la spasic ta asit te bitic amene,

1 Crónicas 11:18

Jich yu'un te oxtulic te tulanic ta jyalele, la sleic bit'il ochic bael ta scampamento te filisteoetique. La sloq'uesic ja' ta pozo te ay ta yochibal Belén, la yich'beyic bael te David. Ja'uc me to, te David ma la sc'an la yuch', la smal bael swenta smajt'an ta stojol te Cajwaltique.

2 Crónicas 20:3

Te Josafat xiw yo'tan yu'un, la snop te ya sjojc'obey te Cajwaltique. La spucbey sc'oplal te ya scom swe'elic ta spamal Judá.

Nehemías 9:27

Ja' yu'un la awac'bey ta sc'ab te scontrotaque, te ac'bot swocolic yu'une. Patil te c'alal ayix swocolic ae, la sc'anic scoltayelic ta atojol. Ja'at, ta swenta te bit'il mero bayal te xc'uxul te awo'tane, la awaiybey sc'opic c'alal ta ch'ulchan. La awac'bey winiquetic swenta yu'un ya xcoltayotic loq'uel ta sc'abic a te mach'atic ay swocolic yu'une.

Job 16:20

te ya yalbon ta jamal ta stojol Dios te bila snopoj te co'tane, swenta yu'un ya me yilbon te ya'lel jsite;

Job 3:24

“Ja' jwe'elix c'oem te jic'jic'-o'tanile; te cuch'bale ja' te xc'uxul te ajc'ane.

Job 33:27

Jich me ya yal ta c'ayoj: “La jta jmul, la jpas te bila ma stojiluc, pero Dios ma ba la sc'an la yac'bon castigo yu'un stuquel;

Job 40:4

—¿Bi ya xju' ya cal ta sjaq'uel te bit'il mero jxujt'on te jo'one? Ja' mero lec ya caiy te ma ba ya xc'opojone.

Job 42:6

Ja' yu'un jc'axel me ya jsujt'esix co'tan, ya me jnajc'an jba ta tan soc ta ts'ubil lum —xi' te Job.

Salmos 106:6

Pajal jtaojtic jmultic ta atojol, jich nix bit'il te antiguo jme'-jtatique; jowejemotic, la jpastic te bila ma lecuque.

Salmos 119:136

Pajalix soc yocja' te ya'lel jsit yac ta loq'uel, yu'un ma x'ich'ot ta muc' te p'ijubtesel awu'une.

Salmos 42:3

Ta c'aal, ajc'ubal, ja' jwe'el c'oem ya caiy te ya'lel jsite. Te c'alal jich ayon ae, spisil ora ya sjojc'obonic: “¿Banti ay te Dios awu'une?” xiic.

Salmos 6:6

Lubenonix yu'un te oq'uele. Jujun ajc'ubal bayal yacon ta oq'uel, te jts'anjole ts'ajalix ta ya'lel jsit.

Salmos 62:8

Jlumal, ja' ac'a smuc'ulin awo'tanic spisil ora stuquel; albeyaic wocol ta stojol ta mero spisil awo'tanic. Ja' anjibal stuquel te Dios cu'untique.

Jeremías 31:19

La jq'uej jba bael ta atojol, bayal ya jna' ta ora to; la jna'ix te jmule, ya jmajulay co'tan yu'un; ay q'uexlal ya caiy ta co'tan soc peq'uelon ta swenta te muliletic cu'un te c'alal jch'ielon to ae”, xi' ta ajc'an.

Jeremías 36:9

Ta sbalunebal u ta yo'ebal ja'wil yat'el ta ajwalil a te Joacim, snich'an Josías, te muc' ajwalil yu'un Judá, la yich' pucbeyel sc'oplal te ya spasic ayuno ta stojol Cajwaltic ta spisilic te mach'atic yajwal Jerusalén soc mach'atic ay talemic ta yantic lumetic yu'un Judá.

Jeremías 9:1

Te ja'uc sloq'uibja' te jsite, te jichuque, tulan ya x'oquin te ya'lel jsit, ta swenta yoc'tayel c'aal ajc'ubal te animaetic yu'un te jlumale.

Lamentaciones 2:11

Ya xtup'ix jsit yu'un te oq'uele; soc ya slajinbon ya caiy te co'tane. C'alal ta lum bajt' sbujts' te q'uinale, yu'un te la yich'ix jinel ya quil te lum cu'une, yu'un te la quil te muc'-biq'uit yacalic ta lajel ta calleetic yu'un te wi'nale.

Lamentaciones 3:49

Xujt' ma xcom ta oq'uel te jsite, ma'yuc bay ya xcux yo'tan

Lamentaciones 5:16

Ch'ay coel ta joltic te corona; ¡obol nax jbatic te jtaoj jmultique!

Ezequiel 20:4

Ja'at winic, albeya te smulique, ac'beya sna'ic te bila ilaybil sba spasoj te sme'-statique.

Oseas 5:1

“Sacerdoteetic, aiya awaiyic stojol, ac'a tel achiquinic, lum Israel, aiya awaiyic, ja'ex te sts'umbalex te muc' ajwalile: Ja' ay ta awentaic te ya x'ac'botex castigo. Melel jich c'oemex te bit'il pejts' te la awich'ic aq'uel ta Mizpa; jich c'oemex te bit'il chojac' lijch'anbil yu'un stsaquel chambalam ta wits Tabor;

Joel 2:12

Ya yal te Cajwaltic: —Pero yo'tic in to, sujt'anic tel ta jtojol, sujt'anic ta jtojol ta spisil awo'tanic. Coma awe'elic, awunanic, oq'uetaya abaic —xi' te Cajwaltique.

Levítico 16:29

“Ja' in to, ja' me mandalil ta atojolic te stalel aye: ta lajuneb c'aal sjajch'el te sjuquebal u, ja' me sc'aalelal awu'unic te ya acom awe'elic soc ma me xapas awat'elic a; jich me ya spas spisil israeletic soc nix te jyanlumetic nainem ta awolilique.

Levítico 26:40

“Manchuc me ya ana'ic te amulique, soc te smulic te ame'-atatique, soc nix te ma junuc awo'tanic ta jtojole, soc te la atoy abaic ta jtojole,

San Lucas 15:18

Ya me sujt'on bael ta sna te jtate. Jich me ya xc'o calbey: ‘Jtat, jtaoj jmul ta stojol Dios soc ta atojol uuc.

Josué 18:26

Mispa, Cafira, Mozah,

Jueces 10:10

Jich la sc'anbeyic coltayel te Cajwaltic, jich la yalbeyic: —Cajwaltic Dios cu'untic, jtaoj jmultic ta atojol, melel la quijq'uitayat ta co'tantic, ja' bajt' ta co'tantic xch'uunel te lotil diosetique —xiic.

Jueces 10:15

Jich yu'un te israeletic la sjac'beyic sc'op te Cajwaltic: —Jtaoj jmultic ta atojol. Pasbotic me ta jtojoltic te bitic lec ya sc'an awo'tan atuquele. Mero wocoluc ta jyalel, coltayawotic yo'tic —xiic.

Jueces 2:4

C'alal laj yo'tan ta c'op te ch'ul abat yu'un Cajwaltic, spisil te israeletic jajch'ic ta tulan aw ta oq'uel.

Jueces 20:26

Jich yu'un ta spisil te soldadoetic yu'un Israel soc spisil te lume, cha'bajt'ic ta Betel ta oq'uel ta stojol te Cajwaltique. Sjunal c'aal c'ax yu'unic, ma ba we'ic, soc la yac'beyic majt'anil la xchic'beyic Cajwaltic, soc la smilic majt'anil swenta lamal-o'tanil.

Jueces 3:10

Te espíritu yu'un Cajwaltic jul ta wentainel yu'un te Otoniel, ja' juez c'ot yu'un te israeletique. Loc' bael ta guerra, te Cajwaltic la yac'bey yaiy tsalaw ta stojol Cusan-risataim.

1 Samuel 1:15

Te Ana la yal: —Ma jichuc, tatic, ma yu'unuc cuch'oj vino, soc ma yu'unuc cuch'oj tulan uch'balil. Scaj te mero c'ux obol jba ya caiy, ja' yu'un yacon ta sc'anel c'uxtayel ta stojol te Cajwaltique.

1 Samuel 10:17

Patil te Samuel la stsob ta spisil te israeletic, yu'un la stsob sbaic ta Mizpa ta xch'uunel te Cajwaltique.

1 Samuel 12:10

Pero la sna'ic te staoj smulic ta stojol Cajwaltic te bit'il la yijq'uitayic, ta scaj xch'uunel sloc'ombail Baal soc sloc'ombail Astarté. La xcha'albeyic xan wocol te yacuc xcoltayotic loq'uel ta sc'ab te scontroique. La yal sbaic ta jamal te ja' xanix stuquel te Cajwaltic te ya xch'uunique.

1 Samuel 7:15

Te Samuel stalel ay ta juecil yu'un a te sjoy ta israelil te jayeb c'aal cuxule.