1 Samuel 7:3 - Bible in Tzeltal de Oxchuc y Tenejapa

³ Ja' yu'un te Samuel jich la yalbey te israeletic: —Teme mero spisil awo'tanic ya sujt'ex ta stojol te Cajwaltic, ya me sc'an jiche te ya ach'ojic loq'uel te diosetic yu'un jyanlumetic soc te loc'ombaetic yu'un Astarté te awich'ojique. Ja' xan meix ya sc'an ya awac' yabatinbeyex acuxlejalic te Cajwaltic, ja' nax ya sc'an ya ach'uunic. Jich to me ya scoltayex loq'uel ta sc'ab te filisteoetic te Cajwaltique —xi'.

Bible in Tzeltal Bachajón

³ Te Samuel hich la yalbe spisil te Israel: Teme spisil awo'tanic ya suhtex tal ta stojol Jehová, loq'uesahic ta awohlilic te jyanlum diosetic soc te Astarot, a'beya awo'tanic te Jehová soc ac'a abahic ta a'batinel yu'un, hich me ya scoltayex loq'uel ta sc'ab te filisteohetic, xchi.

1 Samuel 7:3 ပူးပေါင်းရင်းမြစ်များ

Génesis 35:2

Jich te Jacob la spas ta mandal mach'a jayeb ay ta sna soc te mach'a jayeb sjoineje: —Ch'ojaic loq'uel te jayeb bitic acuyojic ta Dios te awich'ojique, soc poca abaic, lapa yan ac'u'ic.

1 Reyes 11:33

Melel te Salomón la yijq'uitayonix ta yo'tan, ochix ta xch'uunel Astarté, antsil-dios yu'un sidonetic; te Quemos, dios yu'un moabetic; soc Milcom te dios yu'un amonetique. Ma lecuc ta jsit te bitic spasoje. Ma ba la yac' c'otuc ta pasel yu'un te mandaliletic cu'un soc te c'op chapal cu'une. Ma jichuc la spas te bit'il la spas te David, ja' te state.

1 Reyes 8:48

teme ya sujt'es yo'tan ta atojol ta spisil yo'tanic soc ta spisil xch'ulelic ta nación yu'un scontroic te banti ic'otic bael ta chuquele, teme ya sc'oponat tel ta stojol ta lumq'uinal to te la awac'bey te antiguo me'il-tatiletic cu'untic soc te lum te atsaoj in to, soc te templo la jpasbate,

2 Reyes 17:39

Jo'on nax me ya ach'uunonic te Ajwalilon te Dioson awu'unique. Jich me jo'on ya jcoltayex ta sc'ab a te acontroique”, xi' sc'oplalic.

2 Reyes 23:15

Ja' nix jich te scajtijib ta chiq'uel majt'anil soc te toyol ch'uunjibal ta Betel te la spas Jeroboam snich'an Nabat te la yac'bey sta smulic te israeletique, la swuy te Josías, jc'axel ts'ubiltic bajt' yu'un. Patil la yac'bey sc'aal, soc la xchic' uuc te sloc'omba Asera.

1 Crónicas 22:19

Jich yu'un pasaic yo'tic te jun awo'tanic ta sna'ulayel te Cajwaltic Dios awu'unique. Ac'a abaic ta spasel te ch'ul templo yu'un te Cajwaltic, swenta yu'un ya me yich' c'asesel ta templo te scajonil trato yu'un, soc te bitic ch'ultesbil yu'un te Diose —xi' te David.

1 Crónicas 28:9

Te ja'at Salomón, te jnich'anate, ma me xch'ay ta awo'tan te Dios yu'un te atate. Ac'a aba ta abatinel ta stojol ta spisil awo'tan. Junuc me awo'tan ta stojol, melel te Cajwaltic ya sna'botic ta lec te co'tantique, ya sna'botic bitic ya snop co'tantic soc bitic ay ta co'tantic. Jich yu'un teme jun awo'tan ya ale, jich me ya yac'bat te ya ata ta leele. Yan teme ya ach'ay ta awo'tane, ya me sloq'uesat ta jc'axel ta sbajt'el q'uinal.

2 Crónicas 19:3

Ja'uc me to, ay nix bitic lequic te apasoj, melel la ajinix te sloc'ombaetic Asera te ayic ta spamal te lume, soc te awac'ojix awo'tan ta sleel te Diose —xi' te j'alwaneje.

2 Crónicas 20:33

Ja'uc me to, te toyol ch'uunjibaletic, ma ba la yich'ic loq'uesel, melel te lume ma junuc yo'tanic ta st'unel te Dios yu'un te antiguo sme'-statique.

2 Crónicas 30:19

ja'at Cajwal Diosat yu'un te antiguo sme'-static, pasbeya perdón, manchuc me ma ba xchajbanej sbaic jich te bit'il ya sc'an ya yich' pasel ta ch'ul templo —xi' ta sc'oponel Dios.

Proverbios 16:1

Ay bila ay ta swentaic xchapel te ants-winiquetique; pero Cajwaltic, ay ta swenta yalel ta slajibal teme ya xc'ot ta pasele.

Isaías 55:7

Te mach'a amen yo'tane ya sc'an te ya yijq'uitay te sbee; te mach'a ay mulil ta yo'tan, ya me yijq'uitay te bitic sna'oje. Sujt'anic tel ta stojol te Cajwaltique, jich me ya sna'beyex yo'bolil abaic stuquel; sujt'anic tel ta stojol te Dios cu'untique, te ma p'isbiluc nax yutsil yo'tan ta spasel perdón.

Jeremías 24:7

Ya cac'bey sna'ic q'uinal ta lec, swenta yu'un ya me sna'bonic jba te jo'on Ajwalilon. Ja'ic me te lum cu'un, soc jo'on me Dioson yu'unic; melel ya me sujt'es yo'tanic ta jtojol ta spisil yo'tanic.

Jeremías 36:3

Te ayuc bit'il ya xc'ot ta yo'tanic te mach'atic ayic ta Judá spisil te woclajel te jnopoj ya jticunbey tele, te yacuc yijq'uitay te bila amen ya spasique, jich ya jpasbey perdón yu'un —xi'.

Jeremías 4:1

Te Cajwaltic jich ya yalbat: —Teme ya ac'an sujt'at tel, Israel, ja' me ya sujt'at tel ta jtojol. Teme ya aloq'ues bael te loc'ombaetic awu'un te ilaybile soc te ma q'uejeluc ya awac' aba ta jtojole,

Ezequiel 14:6

Ja' yu'un, albeya te israeletique: “Jich ya yal te Cajwaltique: ‘Sujt'aniquix tel ta jtojol. Loc'anic tel ta stojol te loc'ombaetic awu'unique. Ijq'uitayaiquix jilel ta spisil te bitic ilaybil sbae’, xi' me”, uta me.

Ezequiel 18:31

Ijq'uitayaic jilel ta jc'axel ta spisil te bitic amen ya apasic ta jtojole. Pasa ta yach'il awo'tanic, pasa ta yach'il acuxlejalic. ¿Bi yu'un ya xlajat, lum Israel?

Oseas 14:1

Israel, sujt'esa awo'tan ta stojol Cajwaltic te Dios awu'une, te ja'at scaj amul te yalate.

San Mateo 15:8

“Ja' in lum to sba nax sti'ic yich'ojonic ta muc', yan te yo'tanique q'uejel to ay stuquel.

San Mateo 4:10

Jesús la yalbey: —Baan, q'ueja aba, Satanás. Melel jich ts'ibubil ta Sjun Dios: “Ja' nax me x'awich' ta muc' te Cajwaltic te Diose, soc ja' nax me ya awac' aba ta abatinel ta stojol stuquel”, te xie —xi'.

San Mateo 6:24

“Ma'yuc jtuluc abat te ya xju' yu'un te ya yac' sba ta abatinel yu'un te cheb yajwale. Teme jiche, ja' ya sp'aj te jtule; yan te yane, c'ux ya yaiy ta yo'tan stuquel. Jun yo'tan ta stojol te jtule; ja'uc me to, te yane ma'yuc sc'oplal ta yo'tan ya xc'ot. Ja' nanix jich te ja'exe, ma xju' awu'unic te ya awac' abaic ta abatinel yu'un Dios, teme ja' baem ta awo'tanic te ac'ulejalique.

San Lucas 4:8

Te Jesús jich la yalbey: —Loc'an ta jtojol, Satanás, melel jich ya yal te Sc'op Dios ts'ibubil jilele: “Ja' nax me ya aquejan aba ta stojol te Cajwaltic Diose, soc ja' nax me ya awac' aba ta abatinel ta stojol stuquel”, te xie —xi'.

San Juan 4:24

Espíritu te Diose. Jich yu'un te mach'atic ya slajin sbaic ta stojol, ya sc'an ya slajin sbaic ta mero melel ta swenta te Espiritue —xi'.

Deuteronomio 10:20

“Ich'aic ta muc' te Cajwaltic te Dios cu'untique, ch'uunaic ta mero stuquel nax, junuc me awo'tanic ta stojol. Teme ay bila jc'axel ya awalique, ja' me xachapic ta swenta stuquel.

Deuteronomio 13:4

Ja' nax xat'unic soc ja' nax x'awich'ic ta muc' stuquel te Cajwaltic te Dios cu'untique. Ch'uunaic spasel te mandaliletic yu'une, aiybeyaic te sc'ope, ch'uunaic. Jun me xawac' abaic soc te Cajwaltic, ac'a me swentainbeyex acuxlejalic.

Deuteronomio 4:29

Yan teme spisil awo'tanic soc spisil ach'ulelic ya aleic te Dios awu'unic te c'alal tey ayex a, ya me ataic ta leel.

Deuteronomio 6:13

Ch'uunaic me te Cajwaltic te Dios cu'untique, ja' nax me xawac' abaic ta abatinel yu'un stuquel. Teme ay bi ora ya ac'anic te ay bi jc'axel ya awalic ta jamale, ja' nax me xapasic ta swenta te Cajwaltique.

Josué 13:31

olil te Galaad soc te lumetic Astarot soc Edrei. Spisil ja' la yich'ic te olil sts'umbal Maquir te snich'an Manasés, chican te jayeb ta jchajbe.

Josué 24:14

—Ja' yu'un ya calbeyex, ich'aic ta muc' te Cajwaltique, soc ac'a abaic ta abatinel ta stojol soc yutsil awo'tanic ta mero melel. Ijq'uitayaic te diosetic yu'un te antiguo ame'-atatic, te la xch'uunic ta ti'ti'ja' Éufrates soc ta sq'uinal Egipto. Ja' xawac' abaic ta abatinel ta stojol te Cajwaltique.

Josué 24:23

La to yalbey xan te Josué: —Loq'uesaic spisil te yantic diosetic te ay awu'unique, sujt'anic tel soc spisil awo'tanic ta stojol te Cajwaltic Dios cu'untic te israelotique —xi'.

Jueces 10:16

Jich te israeletic la yijq'uitayic te diosetic yu'un jyanlumetic te xch'uunejique, swenta yu'un ja' ya xch'uunic xan te Cajwaltique. Te Cajwaltic ma la sc'anix te ya xc'ax xan swocol te israeletique.

Jueces 10:6

Ja'uc me to, te israeletic la xcha'pasic te bila ma lecuc ta sit Cajwaltic, la xch'uunic loc'ombaetic yu'un Baal soc yu'un Astarté, soc diosetic yu'un Siria, diosetic yu'un Sidón, diosetic yu'un Moab, diosetic yu'un Amón, soc diosetic yu'un te filisteoetique. Ja' la yijq'uitay ta yo'tanic te Cajwaltic, ma'yuc bay ya squejan sbaiquix ta stojol.

Jueces 2:11

Te israeletic la spasic bi amen ta sit te Cajwaltic, ja' te bit'il jajch'ic ta xch'uunel loc'ombaetic yu'un Baal.

Jueces 2:13

La yijq'uitayic ta yo'tanic ta scaj xch'uunel te Baal, soc te jayeb ta jchajp loc'ombaetic yu'un te Astarté te antsil-diose.

1 Samuel 31:10

Ta templo yu'un Astarté la yaq'uic te yat'ejib ta guerra te Saule. Te sbaq'uetal la sjijp'anbeyic ta sts'ajc'ul te lum Bet-sán.