1 Samuel 7:17 - Bible in Tzeltal de Oxchuc y Tenejapa

¹⁷ Patil ya sujt' xan bael ta Ramá te banti ay sna, te banti la xchajban te israeletique, soc la spasbey scajtijib smajt'an Dios tey a.

Bible in Tzeltal Bachajón

¹⁷ Patil ya suht xan bahel ta Ramá, yu'un tey ay sna a. Tey ya schahpan a te Israel, soc tey la spasbe scajtajib smahtan a te Jehová.

1 Samuel 7:17 ပူးပေါင်းရင်းမြစ်များ

1 Samuel 1:19

Ta buen sab ta xchebal c'aal, c'alal laj yo'tanic ta yalel wocol ta stojol Cajwaltic, sujt'ic bael ta snaic ta Ramá. Te Elcana la sta sba soc te yiname, ja' te Ana. Jich ora na'ot yu'un te Cajwaltic, tey c'ot ta pasel a te bi la sc'anbeye.

1 Samuel 8:4

Ja' yu'un, te mamaletic yich'oj yat'elic yu'un Israel la stsob sbaic ta spisilic, bajt'ic ta stojol Samuel ta lum Ramá.

1 Samuel 1:1

Ta switsul sq'uinal sts'umbal Efraín ay lum Ramá sbiil ta banti nain jtul winic Elcana sbiil, sts'umbal Zuf. Jeroham te state, Eliú sbiil te xcha'lamal smame. Te yoxlamal smame Tohu sbiil, snich'an Zuf, sts'umbalic Efraín.

1 Samuel 11:15

Ja' yu'un spisil yajwal lum bajt'ic ta Gilgal. Tey ta stojol te Cajwaltic la yac'beyic yich' xan yan buelta yat'el ta muc' ajwalil te Saule. Soc ora la yac'beyic milbil smajt'an swenta seña lamal-o'tanil te Cajwaltique. Te Saúl soc ta spisil te israeletic mero bayal yutsil yo'tanic yu'un.

Génesis 35:7

Tey c'o spasbey scajtijib ta chiq'uel milbil smajt'an a te Diose. El-betel sbiil c'ot yu'un te q'uinal te bit'il Dios la yac' sba ta ilel ta stojol tey a, te c'alal loq'uem tel ta anel ta stojol sbanquil a.

Génesis 33:20

La spasbey jun scajtijib ta chiq'uel smajt'an Dios tey a, soc la yac'bey sbiil: El-Elohe-Israel, xi' te sbiile.

1 Samuel 2:11

Patil sujt' bael ta sna ta Ramá te Elcana, pero te alalquerem jilix ta at'el ta stojol Dios, ja' abatinot yu'un te sacerdote Elí.

1 Samuel 9:12

Albotic yu'un: —Tey xanix ay bael to. Ya sc'an ya asuj abaic, melel julel to ta lum, yu'un yorail te ya yich' aq'uel milbil smajt'an Dios ta toyol ch'uunjibal.

1 Samuel 14:35

Te Saúl la spasbey scajtijib majt'anil yu'un te Cajwaltique. Ja' sbabial buelta spasbel a te scajtijib smajt'ane.

1 Samuel 15:34

Patil bajt' ta Ramá. Jich te Saúl sujt' bael ta sna ta Gabaa-yu'un-Saúl.

1 Samuel 28:3

Te Samuel lajix a. Spisilic la yoq'uetayic ta Israel te c'alal laje, patil la smuquic ta Ramá ta slumal te banti ayine. Te Saúl ayix c'aal te la snuts loq'uel ta sq'uinal Israel te mach'atic ay bila ya sna'ic syoljoltayel soc te mach'atic ya sc'oponic ch'ulelaletic.

Isaías 10:29

ya st'unic c'axel te chujc'ul beja', ya spas scampamentoic ta Geba. Te lum Ramá ya xnoj xiwel ta yo'tanic, te lum Gabaa-yu'un-Saúl ya xloq'uic ta anel.

Jueces 4:5

Te Débora spisil ora la snajc'an sba ta yet'al palma (ac'bot sbiil yu'unic “te palma yu'un Débora”), ay ta witstiquil yu'un Efraín. Te te' ay ta olilal yu'un te lumetic Ramá soc Betel. Te israeletic spisil ora talic ta stojol te ants ta xchajbanel te c'opetic yu'unique.

Jueces 6:24

Jich yu'un te Gedeón la sts'ajc'ubey scajtijib ta chiq'uel smajt'an tey a swenta yich'jibal ta muc' te Cajwaltique. “Lamal-o'tanil ya yac' Cajwaltic”, xi' sbiil c'ot yu'un. Te scajtijib majt'anile ay to ta Ofra ta sq'uinal yu'un te sts'umbal Abiezer.