1 Samuel 7:14 - Bible in Tzeltal de Oxchuc y Tenejapa

¹⁴ Te lumetic yu'un Israel te pojbilic yu'un filisteoetic, ya xjajch' ta Ecrón c'alal ta Gat, cha'sujt' xan ta swenta israeletic. Jich col loq'uel ta sc'ab filisteoetic te sq'uinal israeletique. Te israeletic ma ba la yuts'in sbaic soc te amorreoetique, lamal q'uinal yu'unic.

Bible in Tzeltal Bachajón

¹⁴ Cha'suhtic xan ta stojol Israel te pueblohetic pojbotic yu'un te filisteohetic, c'alal Ecrón ha to ta Gat. Hich te Israel la scoltay loq'uel ta sc'ab filisteohetic te sq'uinale. Soc lamal q'uinal ta stojol Israel soc te amorreohetique.

1 Samuel 7:14 ပူးပေါင်းရင်းမြစ်များ

1 Crónicas 18:1

Ta patil te David la stsal te filisteoetique. La spejc'an ta xch'uunel mandal, soc la spojbey ta sc'abic te lum Gat soc te ch'in lumetic yu'une.

Salmos 106:34

Ma la slajinic te lumetic te la yal mandal Cajwaltic ta lajinele.

Números 13:29

Ta sq'uinal Néguev nainemic te amalequetic, soc ta witstiquil nainemic te hititaetic, te jebuseoetic soc te amorreoetique. Ta nopol mar soc ta ti'ti'muc'ja' Jordán, nainemic te cananeoetique —xiic.

Deuteronomio 7:16

Yan te ja'exe ya me alajinic spisil te lumetic te ya yac'beyex ta ac'abic Cajwaltic te Dios cu'untique. Ma me xtal xc'uxul ta awo'tanic, soc ma me xach'uunic te diosetic yu'unique. Melel teme jich ya apasique, ja' me ch'aybil ya xc'oex yu'un abi.

Deuteronomio 7:2

Te c'alal bi ora ya yac'beyex ta ac'abic te Cajwaltic te Dios cu'untic te nacionetic, soc te bi ora ya atsalique, jc'axel me ya ajinic, ma me ayuc bila ya achapic soc te nacionetique. Ma me x'ana'beyic yo'bolil sbaic.

Josué 10:5

Jich yu'un ta yo'ebal te ajwaliletic yu'un te amorreoetic, ja' te ajwaliletic yu'un Jerusalén, Hebrón, Jarmut, Laquis soc Eglón, la stsob sbaic bael, jajch'ic ta beel soc te swinictaquique. Ba spas scampamentoic ta swenta guerra ta stojol te lum Gabaón.

Josué 15:11

Bajt' xan ta moel ta stojol norte yu'un Ecrón, la yac' buelta ta lum Sicrón, c'ax bael ta wits Baala, c'ot ta lum Jabneel, tey c'ot ta comel ta Mar Mediterráneo.

Jueces 4:17

Te Jabín te ajwalil yu'un Hazor, jun yo'tan sba soc te mach'atic ay yu'un Heber te quenita-winique. Te Sísara, te bit'il an bael ta yacan, c'ot c'alal ta snailpac' Jael, te yinam Heber.