1 Samuel 7:10 - Bible in Tzeltal de Oxchuc y Tenejapa

¹⁰ Te c'alal yac ta yaq'uel a te chic'bil smajt'an Dios te Samuel, te filisteoetic yacalic ta noptsajel bael ta stojol te israeletique. Pero te Cajwaltic la yac'bey coel tel buen tulan chawuc ta stojol swenta xiwteselic, jich la yaiyic tsalaw te israeletique.

Bible in Tzeltal Bachajón

¹⁰ Te c'alal yac ta yaq'uel a te scohtol chic'bil mahtanil te Samuel, tal te filisteohetic ta ya'beyel guerra te snich'nab Israel. Pero te Jehová ha nix yorahil a te la yac' buen tulan chahwuc ta stojol te filisteohetic, la xiwtes, hich la yich'ic tsalel ta stojol te snich'nab Israel.

1 Samuel 7:10 ပူးပေါင်းရင်းမြစ်များ

Salmos 18:15

Chicnaj jilel ta ilel te slumil mar; chicnaj jilel ta ilel te snactijib te balumilale ta scaj te ay tulan c'opoj te Cajwaltic, ja' te tulan ic' la yac' baele.

Salmos 29:3

Te sc'op Cajwaltic ya xchicnaj ta aiyel ta sba mar; te Dios jelawen yutsil ya st'omes chawuc; te Cajwaltic ay ta sba sjamalul te mare.

Salmos 29:4

Te sc'op Cajwaltic tulan ta jyalel; te sc'op Cajwaltic ay yu'el;

Salmos 78:66

Jich la stsal te scontrotaque, loq'uic ta anel yu'un; jich la yac' ta q'uexlal sbajt'el q'uinal.

Zacarías 4:6

Te ch'ul abat c'opoj xan: —Ja' in to ja' te sc'op ya yal Cajwaltic ta stojol Zorobabel: “Ma ta swentauc bayal soldadoetic soc ma ta swentauc awip. Jo'on ta swenta Espíritu cu'un jtuquel”, xi' te Cajwaltic te Spisil ya xju' yu'une.

Deuteronomio 28:7

“Te Cajwaltic ya me yac'bat ta ac'ab te acontrotac te c'alal ya yac'bat guerra. Ya me xnoptsajic tel ta atojol, mero chapalic ya xtalic, pero ya me xloq'uic ta anel ta atojol, ya me xpujc' bael ta anel.

Josué 10:10

Te Cajwaltic la yac'bey te bayal xiwic ta stojol te israeletique. Ja' yu'un te Josué mero bayal la smil te amorreoetic te scontroinej sba soc te lum Gabaón. Patil ay la snutsic bael ta sbelal Bet-horón, la smilic bael te amorreoetique c'alal ta lum Azeca, soc ta lum Maceda.

Jueces 4:15

Te Cajwaltic la yac'bey muc'ul xiwel ta yo'tanic te yajwal carretaetic soc te soldadoetic yu'un Sísara, ja' te bi ora la sta sba ta guerra soc te Barac. Te Sísara ora co ta scarreta, an bael ta yacan.

Jueces 5:20

C'alal ta ch'ulchan, c'alal ta sbeic, te eq'uetic la yac'beyic tulan guerra te Sísara;

Jueces 5:8

“C'alal la stsaic yantic diosetic, ay guerra ta sti'il te lume; pero ma'yuc bay chicnaj smajq'uil sbaq'uetalic soc ni junuc lanza ta yolil te cha'winic ta jmil (40,000) te israeletique.

1 Samuel 12:17

Yo'tic yorail set' trigo, ma yorailuc ja'alel q'uinal, jna'ojtic ta jpisiltic. Pero ya me jc'opon te Cajwaltic, ya me yac' tel buen tulan chawuquil ja'al, swenta yu'un jich me ya ana'ic xan, soc jich me ya awilic a te ma ba lequex ta sit Cajwaltic, yu'un te la ac'anic muc' ajwalil awu'unique —xi' te Samuele.

1 Samuel 14:15

Jajch'ic ta buen xiwel spisil te mach'atic jayeb ayic ta campamento yu'un te filisteoetic, soc te ma ba ayic ta campamentoe. Xiwic uuc te soldadoetic xchajbanej sbaic yu'un guerra soc te soldadoetic te loq'uemic ta spojel sbiluc te israeletic. Jajch' tulan nijq'uel, nijc' te lumq'uinale, jich och xan buen tulan xiwel ta yo'tanic.

1 Samuel 2:10

Te Cajwaltic ya me swuy te scontro; c'alal ta ch'ulchan ya yac'bey coel tel chawuc ta stojolic. Te Cajwaltic ya me yalbey bi yilel yat'el te mach'atic ayic ta swolol te balumilale; ya me yac'bey xan yip te muc' ajwalil tsabil yu'une, ya me yac' muc'ubuc xan te yip yu'ele —xi' te Ana.

1 Samuel 7:11

Ora loq'uic bael ta Mizpa te israeletic, ba snutsic te filisteoetique. Xch'ixil be coel la smilic c'alal ta ye'tal Bet-car.