1 Samuel 6:9 - Bible in Tzeltal de Oxchuc y Tenejapa

⁹ Pero ac'a asitic ta yilel. Teme toj ya xbajt' ta ch'in lum Bet-semes te wacaxetic soc te carreta, te banti slumal te cajone, yu'un ni me ja' a te Dios yu'un Israel te yac yac'bel bayal jwocoltique. Yan teme ma teyuc ya xbajt'ic a, yu'un ma ja'uc te yac yac'bel tulan castigo ta jtojoltic, yu'unix jich nax talem a te wocol julem ta jtojoltique —xiic.

Bible in Tzeltal Bachajón

⁹ Soc ya me awilic bahel; teme ya xmo bahel ta sbehlal te sq'uinal ta Bet-semes, yu'un ha nix la ya'botic te bayel jwocoltic ini; yan teme ma teyuc ya xbaht a, hich ya jna'tic a te ma ha'uc te sc'ab Dios te la ya'botic jwocoltic, yu'unix hich nax talem a, xchihic.

1 Samuel 6:9 ပူးပေါင်းရင်းမြစ်များ

2 Samuel 1:6

Jich la yal: —Jaal teq'uelon tey ta wits Gilboa, la quil te Saúl, yich'oj yip ta slanza. Te scontro te ayic ta carretaetic yu'un guerra soc te cajajtic ta caballo, nopol ya xtaotix yu'un.

1 Reyes 4:9

Ben-decar, la swentain lum Macaz, Saalbim, Bet-semes,Elón soc Bet-hanán;

2 Crónicas 25:21

Jich yu'un te Joás jajch' ta beel, ba situy sba soc te Amasías ta bay Bet-semes, ta sq'uinal nix Judá.

Éxodo 8:15

Ja'uc me to, te faraón c'alal la yil te ma'yuquix bi chicane, cha'tulanaj te yo'tane. Jich ma la yich'bey ta muc' sc'opic te Moisés soc te Aarón, jich bit'il yalojbey nix sc'oplal a te Cajwaltique.

Eclesiastés 9:11

Ta balumilal ay yan bila quiloj: Ma ja'uc te mach'a ya xju' yu'un animal te ya stsalawan ta animale, soc ni ja'uc te mach'atic ma sna'ic xiwel te ya tsalawanic ta guerra. Ma ja'uc spisil ora ay swe'el yu'un te mach'atic ay sp'ijilique, ni ja'uc jc'ulejetic te mach'atic ay snopjibal yu'unique, soc ni ja'uquic te mach'atic p'ijubtesbilic te buen maliybilique. Ta spisilic ta ch'in ajc' nax te jich ya xc'ot ta swentaique.

Isaías 26:11

Cajwal, chapalix awu'un te castigo; ja'uc me to, ma sc'an sna'ic stojol. C'alal ya yilic te yip xc'uxul awo'tan ta stojol te lum awu'une, ya me xjilic ta q'uexlal yu'un. Ayuc laj bit'il ya xlajic ta c'ajq'uel yu'un sc'aal te awilimbae.

Amós 3:6

Teme ya xc'opoj oq'ues ta yutil lum, te ants-winiquetic ya sjachic ch'inlajanel ta c'op yu'un. Teme ay bila amen ya xc'ot ta pasel ta lum, yu'un ja' la sticun tel te Cajwaltique.

San Lucas 10:31

Ja'uc me to, ay jtul sacerdote c'ax tey a ta banti chawale. C'alal la yil, la sc'al sba c'axel. Bajt'.

Josué 15:10

Jajch' bael ta Baala te mojone, la yac' buelta ta stojol smalib c'aal c'alal ta wits Seir, soc c'ax bael ta lum Quesalón ta xch'ujt' wits Jearim ta stojol norte, co tel c'alal ta lum Bet-semes, soc c'ax bael ta lum Timna.

Josué 21:16

Aín, Juta soc Bet-semes, ay baluneb ta jpam lum te ay aquiltic yu'unic ta bay ya xwe' te xchamsbalamique.

1 Samuel 6:10

Jich la spasic te winiquetique. La stsaquic cheb me' wacaxetic te tojquel to yalique, la yac'beyic ochel ta sna wacaxetic te yale. Patil la xchucbeyic te carreta.

1 Samuel 6:12

C'alal chajbaj, jajch' ta beel te me' wacaxetique. Tojic bael ta sbelal ch'in lum Bet-semes. Yacalic ta oq'uel bael, mero toj bajt'ic, ma'yuc banti la yaq'uic buelta. Te filisteoetic st'unojic bael c'alal ta raya yu'un te Bet-semes.

1 Samuel 6:3

La sjaq'uic, jich la yalic: —Teme ya asutic bael te scajonil trato te Dios yu'un Israel, ma me stuqueluc nax ya aticunic sujt'el. Ya me sc'an te ay bi ya aticunbeyic te Yajwalic, swenta stojol te amulic ataojic ta stojole. Jich me ya xlecubex ta chamel soc tey me ya ana'ic a, te bi swentail te ma ba acuxoj awo'tanic ta castigo yu'une —xiic.