1 Samuel 6:5 - Bible in Tzeltal de Oxchuc y Tenejapa

⁵ Pasaic jiche te sloc'ombail te sijt'ubel cu'untique, soc nix te ch'oetic yacal ta yuts'inel ta spamal te jq'uinaltique. Jich ac'a quich'tic ta muc' te Dios yu'un te israeletic, swenta jich ma ba ya yac'botiquix castigo te jo'otic, soc te diosetic cu'untic, soc ta spamal te jq'uinaltique.

Bible in Tzeltal Bachajón

⁵ Pasahic sloc'ombahil te siht'el awu'unic soc te ch'ohetic yac sjimbelic te q'uinale, soc halbeyahic yutsilal te Dios yu'un Israel; ya wan sloq'ues sc'ab ta atojolic, ta stojol te diosetic awu'unic soc ta stojol te aq'uinalique.

1 Samuel 6:5 ပူးပေါင်းရင်းမြစ်များ

1 Crónicas 16:28

“Ac'a yich' ich'el ta muc' awu'unic te Cajwaltic, ja'ex te yal-snich'anex te lumetique; ac'a yich' ich'el ta muc' yu'un te yip soc te yutsil yo'tane;

1 Crónicas 16:29

ac'a yich' ich'el ta muc' awu'unic, jich nix te bit'il ya sc'ane; soc me majt'anil ya atejc'an abaic ta stojol, albeya wocol ta stojol te Cajwaltic ta ch'ul templo te t'ujbile.

Salmos 18:44

Te c'alal ya yaiybonic stojol te jc'ope ya xch'uunic; te jyanlumetic ya yich'onic ta muc'.

Salmos 32:4

c'aal ajc'ubal la caiybat yalal te ac'abe. Jich taquejon te bit'il nichim te ya xtaquej ta yorail verano, jich lubajon la caiy.

Salmos 39:10

Ma me xamajonix, Cajwal, comaix te ac'abe, ayonix ta lajel yu'un.

Salmos 66:3

Jich xawalbeyic te Diose: “Spisil te bitic apasoj mero jchajp yutsilal. Ta swenta te smuc'ul awu'el ya me xyalic ta lum ta atojol te acontrotaque;

Éxodo 12:12

Te ajc'ubal ya cale ya me xc'axon ta spamal Egipto ta yejch'entesel ta lajel sba-nich'aniletic ta juju-jchajp sna te egipcioetic, soc te sba yalatac te xchamsbalamique. Castigo ya xc'ot ta stojolic spisil te diosetic yu'un Egipto. Jo'on Ajwalilon jtuquel te la cale.

Éxodo 8:17

Jich la spas te Aarón. La stoy te sbastón, la smajbey stanul te lume. Spisil te stanul lum ta spamal Egipto, c'atp'ujic ta us. Uts'inotic yu'un te ants-winiquetique soc te chambalametique.

Éxodo 8:24

Jich la spas te Cajwaltique. Sbosbonax jajch'el te jaetique, ochic bael ta muc'ul palacio yu'un te faraón, soc ta snaic te sjo'tac ta ajwalil, soc ta spamal lum Egipto. Uts'inotic ta jyalel.

Éxodo 8:5

Te Cajwaltic jich la yalbey te Moisés: —Albeya te Aarón ac'a stoy bael sc'ab soc te sbastone ta stojol te ja'etique, ta bay bebeja'etic soc pamal ja'etic. Ya me xloq'uic tel tey a te xch'uch'etic te ya snojesic spamal te Egipto —xi' te Diose.

Isaías 19:1

J'alwanej c'op ta stojol Egipto: Ilawilic, ya xtal ta Egipto te Cajwaltique, cajal ta tocal ya xtal ta animal. Ya me xnijq'uic ta stojol te loc'ombaetic ta Egipto, te egipcioetic ya me xnoj bayal xiwel ta yo'tanic.

Isaías 42:12

Albeyaic yutsilal Cajwaltic soc pucbeyaic yutsil sc'oplal ta lumetic ta ti'ti'mar.

Jeremías 13:16

Ich'aic ta muc' te Cajwaltic te Dios awu'unique, te c'alal ma to xtal yu'un te ijc' q'uinal te ya ac'ojch'in awacanic ta bay ijc' q'uinal ta witstiquil; c'alal ma to sc'atp'un ta ijc' q'uinal, c'alal ma to sc'atp'un ta mero pimil ajc'ubal te saquil q'uinal ya amaliyic te ja'exe.

Jeremías 3:13

Ja' nax te yacuc ana' te amule, soc te la acontroin yu'un atoybail te Awajwal te Dios awu'une; te animajat ta sleel te mach'atic la ac'opon aba soc ta bay yet'al spisil te'etic te pim sc'abique, soc ma la ac'an la ach'uun te bila la cale. Jo'on Ajwalilon te jich ya cale”, uta me —xi' te Cajwaltique.

Joel 2:25

Ya yal te Cajwaltic: —Jo'on me ya jeltaybeyex te ja'wiletic te ch'ay awu'unic te ja'exe, te ch'ay ta swenta c'ulubetic, te jlajinwanej-soldadoetic c'oem cu'un la jticunbeyex ta atojolique.

Jonás 3:9

Repente jich ya xlecub yo'tan cu'untic a te Diose, jich ma ba ya yac'otic ta lajel —xi' te ajwalile.

Malaquías 2:2

Ja'ex ay ta awentaic te ya ach'uunbonic te jc'ope; soc ja' ya sc'an te ayuc sc'oplal ta awo'tanic te ya awich'onic ta muq'ue. Teme ma xapasic, ya me jch'ayex ta co'tan. Teme ma'yuc jc'oplal ta awo'tanic te ya awich'onic ta muq'ue, ya me jch'aybeyex te bila ya ataic ta awat'elic ta sacerdoteile —xi' te Cajwaltic te Spisil ya xju' yu'une.

Números 33:4

ja' yorail a te yacalic ta smuquel sba snich'anic a te egipcioetique. Jich te Cajwaltic la yac' ta ilel te cajal yu'el yu'un te diosetic yu'un Egipto.

San Juan 9:24

Jich yu'un te judioetique la xcha'yiq'uic xan tel te winic te ma'sit ta neelale. Jich la yalbeyic: —Albotic ta jamal ta stojol Dios te mach'a la sjambat te asite, yu'un jna'ojtic stojol jo'otic te jmulawil te winic ya awale —xiic.

Josué 7:19

Jich yu'un te Josué la yalbey te Acán: —Jnich'an, ac'a ta ilel yutsilal te Cajwaltic te Dios cu'untic te israelotique, ac'a ta ich'el ta muc'. Albon caiy te bila apasoje, ma me x'amuc ta awo'tan —la yut.

Apocalipsis 11:13

Ora nax a tal tulan nijq'uel. Jin xejt' ta slajunxejt'el te muc'ul lume, soc jucmil (7,000) ta jtul ants-winiquetic laj yu'un te tulan nijq'uele. Jich te ants-winiquetic te cuxulic jilele, och xiwel ta yo'tanic yu'un. Caj yalbeyic yutsilal te Dios te ay ta ch'ulchane.

Apocalipsis 14:7

Tulan jich yac ta yalel ta c'op: “Xi'aic me te Diose. Albeyaic yutsil sc'oplal, yu'un c'otix yorail te ich'el ta c'ope. Lajina me abaic ta stojol te Mach'a la spas ch'ulchan soc te balumilale soc te mare soc te sloc'ja'etique”, xi' la caiy.

Apocalipsis 16:9

Ja'uc me to, ma ba la sujt'es yo'tanic yu'un te smulique, soc ma la yalbeyic yutsil sc'oplal te Diose. Ja' nax caj stoybac'optayic a te Dios te ya xju' yu'un yaq'uel te tulan castigoe.

1 Samuel 5:11

Melel ta spamal lum pujc' buen tulan xiwel yu'un lajel, scaj te tulan castigo ticunbotic yu'un te Diose. Ja' yu'un la sticunic ta iq'uel te ajwalil-filisteoetique. Jich la yalbeyic: —Ich'aic bael te scajonil trato te Dios yu'un Israel. Sutaic bael ta yawil, swenta yu'un ma me ba ya smilotic jpisiltic a —xiic.

1 Samuel 5:9

Pero te c'alal la yich'ic c'axel, te Cajwaltic la yac' xan jajch'icuc ta buen xiwel. Spisil yajwal lum la yac' jajch'uc sijt'ubelic ta spisil, muc'-biq'uitetic.

1 Samuel 6:8

Tsacaic jajch'el ta ora te cajón yu'un te Yajwal israeletic, mojt'esaic ta carreta. Ac'aic ochel ta ch'in caja te bitic pasbil awu'unic ta oro, te ya xtuun awu'unic swenta slecubtesel yo'tane. Ac'aic bael ta xujc' te cajón yu'un te Yajwal israeletique. Patil coltayaic bael stuquel te wacaxetic soc te carreta.