1 Samuel 6:4 - Bible in Tzeltal de Oxchuc y Tenejapa

⁴ —¿Bi ya jticunbeytic swenta yu'un ya xlecub yo'tan? —xiic ta sjojc'oyel te filisteoetique. Jich la yal te sacerdoteetic yu'unique: —Pasaic jo'eb sloc'ombail sijt'ubel pasbil ta oro, jujun yu'un ya xc'ot te juju-jtul ajwalil cu'untic; soc jo'eb sloc'ombail ch'o te pasbil nix ta oro, melel jun nax te chamel yacotic ta yaiyel soc te ajwaliletic cu'untique.

Bible in Tzeltal Bachajón

⁴ ¿Bin mahtanil yu'un stahel falta ya ca'becotic? xchihic. Hich la sjaq'uic: Ho'eb sloc'omba siht'el pasbil ta oro soc ho'eb sloc'omba ch'o pasbil ta oro, hich yipal te jaytuhl príncipaletic yu'un te filisteohetic, como junax te chamel awich'ojic ta apisilic soc te príncipaletic awu'unique.

1 Samuel 6:4 ပူးပေါင်းရင်းမြစ်များ

Éxodo 12:35

La sc'anbeyic bael egipcioetic te oro soc plata soc c'u'iletic jich bit'il pasotic ta mandal yu'un Moisés.

Josué 13:3

c'alal ta ja' Sihor te ay ta stojol sloq'uib c'aal yu'un Egipto, c'alal sq'uinal Ecrón ta stojol norte; ta spisil ja' sq'uinal cananeo ta alele. Ay jo'tul ajwalil filisteoetic yu'un te lumetic Gaza, Asdod, Ascalón, Gat soc Ecrón. Quechel xan jilel sq'uinal te aveoetic

Jueces 14:19

Ta ora tulan tal ta wentainel ta espíritu yu'un Cajwaltic te Sansón. Jich bajt' ta Ascalón, la smil lajuneb xcha'winic (30) ta jtul winiquetic tey a. La sloq'uesbey bael sc'u'ic, ja' ba stoj a te trato spasoj soc te mach'atic la sna'ic sujt'esel swentail te c'ope. Ta patil, c'ajc'uben yo'tan sujt' bael ta sna te state.

Jueces 3:3

Jilic te jo'tul ajwalil filisteoetic, soc spisil te cananeoetic, sidonetic, soc heveoetic te ainemic ta witstiquil yu'un Líbano, c'alal ta wits Baal-hermón, ja' to c'alal ta bay ya xju' c'axel beel ta witstiquil ta lum Hamat.

1 Samuel 5:12

Te yaw te yajwal lume c'ot c'alal ta toyol, melel te mach'atic ma ba lajique, ay swocolic ta sijt'ubel.

1 Samuel 5:6

Patil te Cajwaltic la yac'bey buen tulan castigo soc bayal xiwel yu'un te yajwal Asdod soc ta spamal te sq'uinalique, ac'botic sijt'ubel wolajtic ta sbaq'uetalic.

1 Samuel 5:9

Pero te c'alal la yich'ic c'axel, te Cajwaltic la yac' xan jajch'icuc ta buen xiwel. Spisil yajwal lum la yac' jajch'uc sijt'ubelic ta spisil, muc'-biq'uitetic.

1 Samuel 6:5

Pasaic jiche te sloc'ombail te sijt'ubel cu'untique, soc nix te ch'oetic yacal ta yuts'inel ta spamal te jq'uinaltique. Jich ac'a quich'tic ta muc' te Dios yu'un te israeletic, swenta jich ma ba ya yac'botiquix castigo te jo'otic, soc te diosetic cu'untic, soc ta spamal te jq'uinaltique.

1 Samuel 6:8

Tsacaic jajch'el ta ora te cajón yu'un te Yajwal israeletic, mojt'esaic ta carreta. Ac'aic ochel ta ch'in caja te bitic pasbil awu'unic ta oro, te ya xtuun awu'unic swenta slecubtesel yo'tane. Ac'aic bael ta xujc' te cajón yu'un te Yajwal israeletique. Patil coltayaic bael stuquel te wacaxetic soc te carreta.