1 Samuel 6:3 - Bible in Tzeltal de Oxchuc y Tenejapa

³ La sjaq'uic, jich la yalic: —Teme ya asutic bael te scajonil trato te Dios yu'un Israel, ma me stuqueluc nax ya aticunic sujt'el. Ya me sc'an te ay bi ya aticunbeyic te Yajwalic, swenta stojol te amulic ataojic ta stojole. Jich me ya xlecubex ta chamel soc tey me ya ana'ic a, te bi swentail te ma ba acuxoj awo'tanic ta castigo yu'une —xiic.

Bible in Tzeltal Bachajón

³ Hich la yalic: Teme yac asutic bahel te scaxahul te chapbil-c'op yu'un te Dios yu'un Israel, ma me jocholuc yac aticonic suhtel, ya me awa'beyic mahtanil yu'un stahel falta; hich ya xlecubex soc tey yac ana'ic a te bin scuentahil ma ba loq'uem ta atojolic te sc'ab te Diose, xchihic.

1 Samuel 6:3 ပူးပေါင်းရင်းမြစ်များ

Job 10:2

Dios cu'un, ma me xaucat ta jtojol: “Ay amul”. Albon te bila jmulinej awu'un.

Éxodo 23:15

Ya me apasbon jq'uin swenta te waj ma ba yich'oj levadura. Ja' yu'un juqueb c'aal ya me awe' waj te ma ba yich'oj levadura, jich me te bit'il calojbat mandale. Ja' me yuil te Abib te jich u te loq'uex tel ta Egipto. Ma me xtal awilonic teme ma'yuc bila ya awich'bonic tel jmajt'anine.

Éxodo 34:20

Te sba yal me' burra ya me awac'bey sjelolin jcojt' chij, o teme jcojt' tentsun. Teme ma jichuc ya awaq'uique, ya me amilic ta c'asbeyel snuc' te ch'in burroe. Yan te sba anich'anic, lebeyaic me sjelol te ja' ya awac'bonic jmajt'anine. Ma me ayuc mach'a ya xtal yilon teme ma'yuc bila ya yich'bonic tel jmajt'anin.

Éxodo 8:15

Ja'uc me to, te faraón c'alal la yil te ma'yuquix bi chicane, cha'tulanaj te yo'tane. Jich ma la yich'bey ta muc' sc'opic te Moisés soc te Aarón, jich bit'il yalojbey nix sc'oplal a te Cajwaltique.

Levítico 5:6

soc ya me yac'bon ta jtojol jo'on te Ajwalilon jcojt' sme' chambalam, swenta milbil jmajt'an yu'un te mulil la stae; teme me' chij, o teme me' tentsune, pero ta swenta nax te milbil majt'anile, te sacerdote ya me stabey perdón yu'un smul te mach'a la sta smule.

Levítico 6:6

Te milbil majt'anil ya yac' ta jtojol jo'on te Ajwalilon, ya me sc'an ya yac' jcojt' chij te ma'yuc bila boloben ta sbaq'uetal. Te stojol te chije, ja'at ni me ya atsajtaybey. Te chije ya me yic' loq'uel tel ta yolil te chijetic yu'une. Ja' me ya yic'bey bael ta stojol te sacerdote swenta milbil majt'anil yu'un te smule.

Deuteronomio 16:16

“Spisil te winiquetic puersa me ya xtal stejc'an sbaic oxeb buelta ta stojol Cajwaltic Dios ta jujun ja'wil, tey me ta yawil te banti tsabil yu'un te Cajwaltique, ta yorail te q'uinetique: te q'uin yu'un Waj te ma ba yich'oj levadura, te q'uin yu'un Semanaetic, soc te q'uin yu'un Nailwamal. Ma me ayuc jtuluc te jochol sc'ab ya xtal stejc'an sbaic ta stojol te Cajwaltique.

1 Samuel 5:11

Melel ta spamal lum pujc' buen tulan xiwel yu'un lajel, scaj te tulan castigo ticunbotic yu'un te Diose. Ja' yu'un la sticunic ta iq'uel te ajwalil-filisteoetique. Jich la yalbeyic: —Ich'aic bael te scajonil trato te Dios yu'un Israel. Sutaic bael ta yawil, swenta yu'un ma me ba ya smilotic jpisiltic a —xiic.

1 Samuel 5:7

C'alal la yil te yajwal lum Asdod te bi yac ta c'oel ta pasele, jich la yalic: —Te scajonil trato te Dios yu'un israeletic, ma xju' ya xjil ta coliltic, melel te Dios yu'unique, yac yac'belotic buen tulan castigo soc te Dagón te dios cu'untique —xiic.

1 Samuel 5:9

Pero te c'alal la yich'ic c'axel, te Cajwaltic la yac' xan jajch'icuc ta buen xiwel. Spisil yajwal lum la yac' jajch'uc sijt'ubelic ta spisil, muc'-biq'uitetic.

1 Samuel 6:8

Tsacaic jajch'el ta ora te cajón yu'un te Yajwal israeletic, mojt'esaic ta carreta. Ac'aic ochel ta ch'in caja te bitic pasbil awu'unic ta oro, te ya xtuun awu'unic swenta slecubtesel yo'tane. Ac'aic bael ta xujc' te cajón yu'un te Yajwal israeletique. Patil coltayaic bael stuquel te wacaxetic soc te carreta.

1 Samuel 6:9

Pero ac'a asitic ta yilel. Teme toj ya xbajt' ta ch'in lum Bet-semes te wacaxetic soc te carreta, te banti slumal te cajone, yu'un ni me ja' a te Dios yu'un Israel te yac yac'bel bayal jwocoltique. Yan teme ma teyuc ya xbajt'ic a, yu'un ma ja'uc te yac yac'bel tulan castigo ta jtojoltic, yu'unix jich nax talem a te wocol julem ta jtojoltique —xiic.