1 Samuel 5:9 - Bible in Tzeltal de Oxchuc y Tenejapa

⁹ Pero te c'alal la yich'ic c'axel, te Cajwaltic la yac' xan jajch'icuc ta buen xiwel. Spisil yajwal lum la yac' jajch'uc sijt'ubelic ta spisil, muc'-biq'uitetic.

Bible in Tzeltal Bachajón

⁹ Pero te c'alal la yich'ic bahel tey a, tulan la yac' tal sc'ab te Jehová ta scontrahinel te pueblo, la yac' buen xiwel; soc la ya'be swocolic te mach'atic ayic ta pueblo, muc' biq'uit hahch siht'el yu'unic.

1 Samuel 5:9 ပူးပေါင်းရင်းမြစ်များ

Salmos 78:66

Jich la stsal te scontrotaque, loq'uic ta anel yu'un; jich la yac' ta q'uexlal sbajt'el q'uinal.

Amós 5:19

Jich me ya xc'ot te bit'il mach'a ya x'an bael yu'un te león-choje; ja'uc me to, ora ya sta sba soc oso. O jich bit'il te mach'a ya x'och bael ta sna te ya xijc'an sba ta pajc', te tey ya sta ti'el ta chan a.

Deuteronomio 2:15

Jul ta stojolic yu'el te Cajwaltic, jich laj spisilic.

1 Samuel 12:15

Yan teme ma ba ya ach'uunbeyic smandal, teme ya ac'axintaybey smandal, ya me yac'beyex castigo te ja'exe, soc ya me yac'bey castigo te muc' ajwalil awu'unique.

1 Samuel 5:10

Ja' yu'un te filisteoetic la sticunic ta Ecrón te scajonil trato yu'un Dios. Pero c'alal c'ot tey a, spisil te yajwal Ecrón jajch'ic ta aw: —La yich'botiquix tel te scajonil trato te Dios yu'un Israel, swenta yu'un ya smilotic ta jpisiltic —xiic ta aw.

1 Samuel 5:11

Melel ta spamal lum pujc' buen tulan xiwel yu'un lajel, scaj te tulan castigo ticunbotic yu'un te Diose. Ja' yu'un la sticunic ta iq'uel te ajwalil-filisteoetique. Jich la yalbeyic: —Ich'aic bael te scajonil trato te Dios yu'un Israel. Sutaic bael ta yawil, swenta yu'un ma me ba ya smilotic jpisiltic a —xiic.

1 Samuel 5:6

Patil te Cajwaltic la yac'bey buen tulan castigo soc bayal xiwel yu'un te yajwal Asdod soc ta spamal te sq'uinalique, ac'botic sijt'ubel wolajtic ta sbaq'uetalic.

1 Samuel 6:11

Ora la smojt'esic te cajón yu'un Cajwaltic, soc te ch'in caja te banti ay te ch'oetic pasbil ta oro, soc nix te loc'ombaetic yu'un te sijt'ubel pasbilic ta oro.

1 Samuel 7:13

Te filisteoetic mero tsalbilic jilel, jich ma ba la yochintaybeyic xan te sq'uinal israeletique. Te jayeb c'aal cuxul te Samuel, spisil ora controinbil yu'un Cajwaltic te filisteoetique.