1 Samuel 5:7 - Bible in Tzeltal de Oxchuc y Tenejapa

⁷ C'alal la yil te yajwal lum Asdod te bi yac ta c'oel ta pasele, jich la yalic: —Te scajonil trato te Dios yu'un israeletic, ma xju' ya xjil ta coliltic, melel te Dios yu'unique, yac yac'belotic buen tulan castigo soc te Dagón te dios cu'untique —xiic.

Bible in Tzeltal Bachajón

⁷ C'alal hich la yilic, hich la yalic te mach'atic ayic ta Asdod: Ma me xhil ta cohliltic te scaxahul te chapbil-c'op yu'un te Dios yu'un Israel, yu'un tulan yac'oj tal sc'ab ta jtojoltic soc ta stojol te Dagón te dios cu'untique, xchihic.

1 Samuel 5:7 ပူးပေါင်းရင်းမြစ်များ

2 Samuel 6:9

Jich ora te David bayal xiw yo'tan ta stojol te Cajwaltique. Jich la yal: —Yo'tic ma ba ya quich'ix bael te cajón yu'un Cajwaltic —xi'.

1 Crónicas 15:13

Te sbabial buelta ma ja'uquex te la apasique. Jich yu'un te Cajwaltic Dios cu'untic ay mach'a la spojbey xcuxlejal, yu'un ma neeluc la jojc'obeytic, jich te bit'il nix ay te mandal yu'une —xi'.

Éxodo 10:7

Ja'uc me to, c'opojic te sjo'tac te faraón, jich la yalic: —¿Bi to ora ya yijq'uitayotic ta woclajel te winique? Ac'aix loq'uel te ants-winiquetic, ac'a ba yich'ic ta muc' te Yajwalique. ¿Yu'un bal ma'yuc ta awo'tan te ayic to ta woclajel te yajwal Egipto? —xiic.

Éxodo 12:33

Te egipcioetic jajch'ic ta sujel loq'uel te israeletic te yacuc loc'uquic bael ta ora ta bay slumal, yu'un la scuyic teme ya xlajic ta spisilique.

Éxodo 8:28

Te faraón, jich la yal: —Lec ay, ya caq'uex bael ta muc'ul jochol taquin q'uinal, pero ja' te ma jc'axeluc najt' ya xbaexe. C'oponbonic Dios tey uuc a —xi'.

Éxodo 8:8

Te faraón la sticun ta iq'uel te Moisés soc Aarón, jich la yalbey: —C'opona te Awajwalique, ac'a sq'uejbon bael ta jtojol te xch'uch'etique, soc ta stojol te jlumale. Ya cac' loq'uel te alumale, ac'a ba yac'beyic smajt'an te Awajwalique —xi'.

Éxodo 9:28

Mero c'axem to xan te chawuc soc te bat te ay ta jtojoltique. Ja' yu'un c'anbotic a te Awajwale, ya me caq'uexix bael —xi'.

Jeremías 46:25

Te Cajwaltic te Spisil ya xju' yu'un, te Dios yu'un Israel, ya yal: —Ya cac'bey castigo te Amón, te dios yu'un Tebas ta Egipto, soc te lotil diosetic yu'un, te muc' ajwaliletic yu'un, soc te faraón soc nix te mach'atic smuc'ulinej yo'tane.

Jeremías 48:7

“Ja'at Moab, la awich' aba ta muc' soc awip soc ac'ulejal; ja'uc me to, ya me awich' tsaquel. Te Quemós te dios awu'une, ya xbajt' ta chuquel ta c'ubul, soc te sacerdoteetic yu'un, soc te mach'atic muc' sc'oplalique.

1 Samuel 4:8

Puersa me ay jwocoltic ya xc'ootic. ¿Mach'a ya xju' ya scoltayotic loq'uel ta sc'ab te Dios mero bayal yu'ele? Ja' te la yac'bey castigo egipcioetic ta jochol taquin q'uinal, te jayebuc ta jchajp castigoetic la yac'bey c'otuc ta swentaique.

1 Samuel 5:6

Patil te Cajwaltic la yac'bey buen tulan castigo soc bayal xiwel yu'un te yajwal Asdod soc ta spamal te sq'uinalique, ac'botic sijt'ubel wolajtic ta sbaq'uetalic.

1 Samuel 5:8

Jich la sticunic ta iq'uel tel te ajwalil-filisteoetic swenta yu'un ya me stsob sbaic soc. La sjojc'obeyic, jich la yalic: —¿Bi ya jpastic soc te scajonil trato te Dios yu'un Israel? —xiic. —Ich'aic bael ta lum Gat —xiic. Te filisteoetic la yich'ic bael tey a.

1 Samuel 6:20

Te yajwal lum Bet-semes, jich la yalic: —¿Mach'a ya xju' ya stoy sba ta stojol te Cajwaltic, te ja' mero ch'ul Dios stuquele? ¿Mach'a ya xc'ot ta swenta teme loc' bael ta jtojoltique? —xiic.