1 Samuel 5:4 - Bible in Tzeltal de Oxchuc y Tenejapa

⁴ Pero ta xchebal c'aal c'otic yan buelta te yajwal Asdod. Ja' nix jich ch'ayem coel ta lum yan buelta a c'o staic, ta elawal yu'un te scajonil trato yu'un te Cajwaltique. Te sjole soc ta xchebal te sc'abe c'asemix, ayic ta sba te sts'ajc'ul scajtijib sti' te templo yu'une. Ja' xanix wolol jilel te smuc'ule.

Bible in Tzeltal Bachajón

⁴ Pero c'alal hahchic ta sab ta yan c'ahc'al pacal ta lum yan buelta te Dagón ta stojol te scaxahul te chapbil-c'op yu'un Jehová, soc te sjol te Dagón soc schebal sc'ab waq'uemic ta smarcohil te puerta; ha xanix wolol hilel smuc'ul te Dagón.

1 Samuel 5:4 ပူးပေါင်းရင်းမြစ်များ

Isaías 27:9

Ja'uc me to, ya spasbey perdón yu'un smul te Jacob, ya yich' ch'ayel faltaetic yu'un teme ya spas in to: Ac'a swuy ta spisil te scajtijib smajt'an te lotil diose, jich bit'il tan ya xbajt' ta loq'uel; soc ma me ayuc sloc'omba Asera ya xjil tey a, ni scajtijib xchic'jibal pom te yich'jibal ta muc' te lotil diosetic yu'unique.

Isaías 40:20

Te mach'a ya spas loc'omba, ya stsabey ste'el te ma xc'a'e, soc ya sle te mach'a p'ijuben ta spasel, te toj ya stejc'ane, swenta yu'un ma xyal.

Jeremías 10:11

(Ja'ex, israeletic, albeyaic te mach'atic ma'yuquic ta stojol te Diose: —Te diosetic, te ma ja'uc la spasic te ch'ulchan balumilal, ya me xch'ayic ta jc'axel ta balumilal; ni jtuluc ma xjilic ta yet'al ch'ulchan —xaex me.)

Jeremías 10:14

Bol yo'tanic, ma sna'ic q'uinal ta spisil te ants-winiquetique. Te mach'a ya spas te loc'ombaetic ya me sta q'uexlal yu'un; melel puro lo'laywanej te yat'ele, ma ba cuxul te loc'omba ya spase.

Jeremías 10:15

Ma'yuc sc'oplal stuquel, swenta tse'luyel ayic; ta yorail chajbanel yu'un Cajwaltic ya me sjin.

Jeremías 50:2

—Alaic ta bayuc te c'ope, ac'beyaic sna' stojol te nacionetique. Tejc'anbeyaic señail te c'ope; ma me xanaq'uic. Alaic jich bit'il to: “¡Te Babilonia ochix ta c'abal! Te lotil dios Bel la yich'ix tse'luyel; te lotil dios Merodac nojel nax q'uexlal ta stojol. Te loc'ombaetic yu'unic, ja' te diosetic yu'unique, la yich'ic jilel tse'luyel soc nojel q'uexlal ta stojolic”, xaex me.

Daniel 11:8

Soc ya me yich'ic bael ta Egipto te bitic cuybil ta diosetic yu'unique, ja' te loc'ombaetic yu'unic pasbilic ta ultesbil oro, soc yantic biluquetic pasbil ta oro soc ta plata. Te c'alal c'axix che'oxeb ja'wil a te ma'yuc guerra yu'unic ta xchebalic te nacionetique,

Miqueas 1:7

Spisil te yajcanane ya me xwuyic jilel; soc ya me xc'ajq'uic spisil te' sts'apojic ta ch'uunele. Melel pastaj ta puro stojol jmulawil antsetic te ayic ta templo yu'un te lotil diosetic. Ja' nix jich ta stojol jmulawil antsetic ya jc'atp'un ta yan buelta —xi'.

1 Samuel 6:5

Pasaic jiche te sloc'ombail te sijt'ubel cu'untique, soc nix te ch'oetic yacal ta yuts'inel ta spamal te jq'uinaltique. Jich ac'a quich'tic ta muc' te Dios yu'un te israeletic, swenta jich ma ba ya yac'botiquix castigo te jo'otic, soc te diosetic cu'untic, soc ta spamal te jq'uinaltique.