1 Samuel 5:3 - Bible in Tzeltal de Oxchuc y Tenejapa

³ C'alal sacub q'uinal, c'otic ta stemplo te yajwal Asdod, ch'ayem coel ta lum a c'o staic te Dagón, ta elawal yu'un te scajonil trato yu'un Dios. La stamic jajch'el te Dagón, tey la yaq'uic ta banti yawil nix.

Bible in Tzeltal Bachajón

³ C'alal hahchic ta sab ta yan c'ahc'al te mach'atic ayic ta Asdod, pacal ta lum a te Dagón ta stojol te scaxahul te chapbil-c'op yu'un Jehová. La stamic hahchel te Dagón, la yaq'uic ta yawil.

1 Samuel 5:3 ပူးပေါင်းရင်းမြစ်များ

1 Reyes 18:26

Jich la yiq'uic te toro ac'bot ta swentaic, la spasic. Ta sab c'alal ta olil c'aal yacal sc'oponbelic te Baal. Jich yacalic ta yalel: “¡Baal, jac'a jc'optic!” xiic. Xwilawetic ta sjoyobal ta scajtijib ta chiq'uel majt'anil yu'unic te la spasique, pero ma'yuc ya xchicnaj sc'op ta sjaq'uel te Baal.

Salmos 115:7

ay sc'abic, pero ma'yuc bi ya stsaquic; ay yacanic, pero ma xbeenic; mero ma'yuc bay chican sc'op ya xloc' ta yeic.

Salmos 97:7

Ma'yuquic ta q'uinal ya yaiyic te mach'atic xch'uunejic te loc'ombaetic, ja' te mach'atic stoyoj sbaic yu'une. Spisil te bitic cuybil ta Dios ya stinan sbaic ta stojol.

Éxodo 12:12

Te ajc'ubal ya cale ya me xc'axon ta spamal Egipto ta yejch'entesel ta lajel sba-nich'aniletic ta juju-jchajp sna te egipcioetic, soc te sba yalatac te xchamsbalamique. Castigo ya xc'ot ta stojolic spisil te diosetic yu'un Egipto. Jo'on Ajwalilon jtuquel te la cale.

Isaías 19:1

J'alwanej c'op ta stojol Egipto: Ilawilic, ya xtal ta Egipto te Cajwaltique, cajal ta tocal ya xtal ta animal. Ya me xnijq'uic ta stojol te loc'ombaetic ta Egipto, te egipcioetic ya me xnoj bayal xiwel ta yo'tanic.

Isaías 40:20

Te mach'a ya spas loc'omba, ya stsabey ste'el te ma xc'a'e, soc ya sle te mach'a p'ijuben ta spasel, te toj ya stejc'ane, swenta yu'un ma xyal.

Isaías 41:7

Te mach'a carpintero ya yac'bey smuc'ul yo'tan te mach'a ay bila ya sna' spasel ta oro; te mach'a ya yac' martillo ya yac'bey smuc'ul yo'tan te mach'a ya sten taq'uin ta stenjibale, soc jich ya yal te lec te spac'jibal taq'uine. Soc ya yac'bey xan tejc'ajuc ta lec yu'un lawuxetic te loc'ombae, swenta yu'un ma sts'eunajuc ya xc'ot a.

Isaías 46:7

Ya scajan bael ta snejq'uelic, ya xbajt'ic soc; ya xc'o snajc'anic ta scajtijib, tey ya x'ain a, ni ma stij sba ta yawil. Manchuc me ya yawtayic bayal ta sc'anbeyel coltayele, jc'axel ma sjac', soc ma xju' yu'un ya scoltay ta xc'uxulil te swocolique.

Jeremías 10:8

Spisilic, bol yo'tanic, ma'yuc ni jtebuc sp'ijilic. Ma xju' ya sp'ijubtesex te smajc'alel te'e.

Sofonías 2:11

Te Cajwaltic xiweltic nax me sba ta stojolic. Ya me sjin spisil te lotil diosetic ta lumq'uinale; soc ja' me ya yich' ch'uunel yu'un spisil ants-winiquetic ta bayuc, asta te mach'atic ayic ta q'uinal joytaybil ta mar.

San Marcos 3:11

Te pucujetic te ochem ta yo'tan te ants-winiquetique, ora la squejan sbaic ta stojol te c'alal la yilic te Jesuse. Cajic ta aw: —Ja'at Snich'anat te Diose —xiic.

1 Samuel 6:1

Juqueb u jalaj ta sq'uinal filisteoetic te cajón yu'un te Cajwaltique.

1 Samuel 6:5

Pasaic jiche te sloc'ombail te sijt'ubel cu'untique, soc nix te ch'oetic yacal ta yuts'inel ta spamal te jq'uinaltique. Jich ac'a quich'tic ta muc' te Dios yu'un te israeletic, swenta jich ma ba ya yac'botiquix castigo te jo'otic, soc te diosetic cu'untic, soc ta spamal te jq'uinaltique.