1 Samuel 5:10 - Bible in Tzeltal de Oxchuc y Tenejapa

¹⁰ Ja' yu'un te filisteoetic la sticunic ta Ecrón te scajonil trato yu'un Dios. Pero c'alal c'ot tey a, spisil te yajwal Ecrón jajch'ic ta aw: —La yich'botiquix tel te scajonil trato te Dios yu'un Israel, swenta yu'un ya smilotic ta jpisiltic —xiic ta aw.

Bible in Tzeltal Bachajón

¹⁰ Ha yu'un la sticonic bahel ta Ecrón te scaxahul te chapbil-c'op yu'un Dios. Pero c'alal c'oht ta Ecrón, te mach'atic ayic ta Ecrón hich hahchic ta aw: La yich'botiquix tal te scaxahul te chapbil-c'op yu'un te Dios yu'un Israel scuenta yu'un ya smilotic soc te jlumaltic, xchihic ta xiwel.

1 Samuel 5:10 ပူးပေါင်းရင်းမြစ်များ

2 Samuel 7:9

Joinejat ta bayuc baat, la jlajinix te acontro loc' tel ta atojole. Bayal yutsil ac'oplal c'oat cu'un ta stojol spisil ants-winiquetic, jich te bit'il ay yu'un te winiquetic te bayal sc'oplalic ta balumilale.

2 Reyes 1:2

Te Ocozías ch'ay coel ta ventana ta xcha'cajal sna te ay ta Samaria, mero bayal yejch'en a jil yu'un. Jich la sticun abatetic yu'un ta sjojc'oyel te Baal-zebub, te lotil dios yu'un Ecrón, teme ya to xc'ax yu'une.

Amós 1:8

Ya jmil te mach'a ya xmandalaj ta lum Asdod, soc te mach'a ya xmandalaj ta lum Ascalón. Ya me cac' bael jc'ab ta scontroinel te lum Ecrón, asta ta slajibal te filisteoetic ya me xlajic —xi'.

Amós 6:2

Baan ilawilic te Calne, ya me xc'axat ta muc'ul Hamat, soc coanic bael ta yilel Gat yu'un te filisteoetique. ¿Yu'un bal ja' lequex xan yu'unic a te nacionetique? ¿Te alumalic, ja' bal lec xan stuquel a te slumalique?

Josué 13:3

c'alal ta ja' Sihor te ay ta stojol sloq'uib c'aal yu'un Egipto, c'alal sq'uinal Ecrón ta stojol norte; ta spisil ja' sq'uinal cananeo ta alele. Ay jo'tul ajwalil filisteoetic yu'un te lumetic Gaza, Asdod, Ascalón, Gat soc Ecrón. Quechel xan jilel sq'uinal te aveoetic

Josué 15:11

Bajt' xan ta moel ta stojol norte yu'un Ecrón, la yac' buelta ta lum Sicrón, c'ax bael ta wits Baala, c'ot ta lum Jabneel, tey c'ot ta comel ta Mar Mediterráneo.

Josué 15:45

Te jpam lum Ecrón soc te lumetic soc te ch'in lumetic yu'une,

Jueces 1:18

Ja'uc me to, ma ju' yu'unic te la yich'ic te lum Gaza, te lum Ascalón, soc te lum Ecrón, ni te sq'uinalic te nopol ayic soque.

1 Samuel 17:52

Jich te israeletic soc te mach'atic talemic ta Judá, tulan awunic ta swenta guerra ta spisilic. Jajch'ic ta snutsel, la snutsic bael c'alal ta yochibal lum Gat soc Ecrón. Bayuc nax chawajtic jilel te sbaq'uetalic te soldado-filisteoetique.

1 Samuel 5:11

Melel ta spamal lum pujc' buen tulan xiwel yu'un lajel, scaj te tulan castigo ticunbotic yu'un te Diose. Ja' yu'un la sticunic ta iq'uel te ajwalil-filisteoetique. Jich la yalbeyic: —Ich'aic bael te scajonil trato te Dios yu'un Israel. Sutaic bael ta yawil, swenta yu'un ma me ba ya smilotic jpisiltic a —xiic.

1 Samuel 5:9

Pero te c'alal la yich'ic c'axel, te Cajwaltic la yac' xan jajch'icuc ta buen xiwel. Spisil yajwal lum la yac' jajch'uc sijt'ubelic ta spisil, muc'-biq'uitetic.

1 Samuel 6:1

Juqueb u jalaj ta sq'uinal filisteoetic te cajón yu'un te Cajwaltique.