1 Samuel 5:1 - Bible in Tzeltal de Oxchuc y Tenejapa

¹ Te c'alal och ta sc'ab filisteoetic te scajonil trato yu'un Dios, la yich'ic jajch'el ta Eben-ezer, bajt' yu'unic c'alal ta lum Asdod.

Bible in Tzeltal Bachajón

¹ Te filisteohetic, c'alal la spojic te scaxahul te chapbil-c'op yu'un Dios, la yich'ic hahchel ta Eben-ezer, bahtic soc ta Asdod.

1 Samuel 5:1 ပူးပေါင်းရင်းမြစ်များ

Salmos 78:61

La yac' te ya xpojbotic bael yu'un scontroic te seña yutsilal soc yu'ele.

Isaías 20:1

Ay jun buelta te muc' ajwalil ta Asiria, Sargón sbiil, la sticun bael jtul yabat te cajal sc'oplal c'alal ta lum Asdod. Te abat te cajal sc'oplale la yac'bey guerra te lume, la stsal jilel.

Amós 3:9

Te ja'exe albeya yaiyic tey ta bay muc'ul naetic yu'un te lum Asdod soc ta bay muc'ul naetic yu'un Egipto, jich me ya awalbey yaiyic: —La'ic ta witstiquil yu'un Samaria; ilawilic te bila soquemic tey a soc te uts'inel ay swocolic yu'une —xaex me.

Hechos 8:40

Yan te Felipe, tey taot ta lum Azoto. Jich been c'axel ta lumlumtic. Yac ta yalel bael te lec yach'il c'op yu'un te Jesuse. C'ot c'alal ta lum Cesarea.

Josué 11:22

Jich ma'yuc a jil ni jtuluc sts'umbal te muc'ul najt'il winic Anac ta spisil sq'uinal Israel. Ja' nax a jil sts'umbal stuquel te muc'ul najt'il winic Anac ta lum Gaza, ta lum Gat soc ta lum Asdod.

Josué 13:3

c'alal ta ja' Sihor te ay ta stojol sloq'uib c'aal yu'un Egipto, c'alal sq'uinal Ecrón ta stojol norte; ta spisil ja' sq'uinal cananeo ta alele. Ay jo'tul ajwalil filisteoetic yu'un te lumetic Gaza, Asdod, Ascalón, Gat soc Ecrón. Quechel xan jilel sq'uinal te aveoetic

1 Samuel 4:1

Patil te Samuel la yalbey yaiyic ta spisilic te israeletique. Ja' yorail a te jajch' guerra yu'un te filisteoetic, ja' la yac'bey sbaic soc te israeletique. Jich loc' bael te israeletic, ba sta sbaic soc te filisteoetique. C'o spas scampamentoic ta nopol Eben-ezer. Te filisteoetic c'o spas scampamentoic ta lum Afec.

1 Samuel 4:11

Soc la spojic bael te scajonil trato yu'un Dios, soc laj ta milel yu'unic xchebal te snich'nab Elí, ja' te Ofni soc Finees.

1 Samuel 6:1

Juqueb u jalaj ta sq'uinal filisteoetic te cajón yu'un te Cajwaltique.

1 Samuel 7:12

Patil te Samuel la stsac jun ton la yac' ta yolil Mizpa soc Sen, Eben-ezer sbiil la yac'bey. Jich la yal te Samuel: —Ta ora in to la scoltayotiquix te Cajwaltique —xi'.