1 Samuel 4:5 - Bible in Tzeltal de Oxchuc y Tenejapa

⁵ Te c'alal c'ot yu'unic ta campamento te scajonil trato yu'un Cajwaltic, xch'inlajanic jajch'el ta aw swenta yutsil yo'tanic, asta la stij sba te lumq'uinal yu'un yawique.

Bible in Tzeltal Bachajón

⁵ Te c'alal c'oht ta campamento te scaxahul te chapbil-c'op yu'un Jehová, spisil Israel hahchic ta tulan aw, la snihc sba te lum yu'un.

1 Samuel 4:5 ပူးပေါင်းရင်းမြစ်များ

2 Samuel 15:24

Soc tey ay bael a te Sadoc soc spisil te levitaetic te yich'ojic te cajón yu'un te trato yu'un Dios. La yaq'uic jilel soc Abiatar, ja' to te c'alal laj ta loq'uel spisil te swinictac David.

1 Reyes 1:40

Spisilic la st'unic bael, yacalic ta yoq'uesinel bael amay. Mero bayal te yutsil yo'tanique, jich yaiyel te bit'il ya xjatix ta olil te lumq'uinal yu'un te yawique.

Job 20:5

te yutsil q'uinal yaiy te j'amen-o'tane ma ba ya xjalaj bayal c'aal; te yutsil yo'tan ma ba najt'.

Jeremías 7:4

Ma me x'awich'ic ta wenta te mach'atic ya xlo'laywanic ta c'op te jich ya yalic: ‘Ilawil te templo yu'un te Cajwaltic. Li' ay to te templo yu'un te Cajwaltic, li' ay to te templo’, te xiic ta yalele.

Amós 6:3

Te ja'exe ma x'ac'anic te ya sta yorail te bila amene; ja'uc me to, ja' ya amulanic te ya xmandalajic te j'uts'inwanejetique.

Miqueas 2:11

Teme ay mach'a ya sle ta yo'tan lot te jich ya yal: “Jo'on ya calbey sc'oplal vino soc tulan uch'balil”, teme xie, ja' me j'alwanej te ya smulanic te lum abi —xi' te Cajwaltique.

Josué 6:20

Awunic te israeletic, oq'uesinot te xulubiletique. C'alal la yaiyic stojol sc'op te xulubiletic, jajch'ic ta buen tulan aw, jich jin coel te sts'ajc'ul te lume. Jich toj ochic bael ta sjinel te lume.

Josué 6:5

Te c'alal ya awaiybeyic stojol sc'op te xulubil yu'unic te ya xjalaj ta oq'uesinel yu'unique, tulan me ya x'awunex. Jich me ya xjin coel a te sts'ajc'ul te lum Jericó. Jich yu'un juju-jtul toj me ya x'animajex ochel ta yutil te lume —xi' te Diose.

Jueces 15:14

C'alal a c'otic ta Lehi, te filisteoetic loq'uic bael ta stael, bin nax yo'tanic ta yawtayel. Pero te Sansón tulan tal ta wentainel ta espíritu yu'un te Cajwaltique. Tuch' te lazoetic te chucajtic sc'ab a, jich nax c'ot yu'un te bit'il jlijc' sbuc'lel c'ajq'uem lino.

1 Samuel 4:6

Te c'alal la yaiyic te filisteoetic te mero awunic yu'un yutsil yo'tanic te israeletique, jich la yalbey sbaic: —¿Bi wan swentail te mero xch'inlajanic ta scampamentoic te hebreoetique? —xiic. Pero c'alal la yaiyic te ja' te scajonil trato yu'un Cajwaltic te julix yu'unic ta campamento,