1 Samuel 4:3 - Bible in Tzeltal de Oxchuc y Tenejapa

³ Te c'alal c'otic ta scampamentoic te israeletic, jich la yal te mamaletic yich'oj yat'el yu'unique: —¿Bi yu'un te la yac'otic ta tsalel yu'un filisteoetic te Cajwaltique? Ya xba quich'tic tel te scajonil trato yu'un Cajwaltic te ay ta Silo, swenta yu'un ya me sjoinotic ta beel ta coliltic, soc jich me ya scoltayotic ta sc'ab a te jcontrotique —xiic.

Bible in Tzeltal Bachajón

³ Te c'alal suhtic ta campamento te winiquetic, hich la yalic te mamaletic yu'un Israel: ¿Bin yu'un te Jehová la yac'otic ta tsalel yo'tic ta stojol te filisteohetique? Conic ta Silo, ya quich'tic tal te scaxahul te chapbil-c'op yu'un Jehová, scuenta yu'un teme ay ta cohliltic ya me scoltayotic ta sc'ab te jcontratique, xchihic.

1 Samuel 4:3 ပူးပေါင်းရင်းမြစ်များ

2 Samuel 15:25

Pero te muc' ajwalil jich la yalbey te Sadoc: —Ich'a sujt'el ta lum te cajón yu'un te Diose. Teme la to sna'bon yo'bolil jba te Cajwaltique, ya me yac'on xan sujt'el tel, soc ya quil xan te cajón soc te banti aye.

1 Crónicas 17:1

C'alal nacalix ta spalacio a te David, jich la yalbey te Natán te j'alwanej yu'un Dios: —Aiya awaiy stojol, te jo'one nacalon ta jpalacio te pasbil ta cedro. Yan te scajonil trato yu'un te Cajwaltic, ma'yuc sc'oplal c'oem, pac' xanix macal stuquel a —xi'.

Salmos 74:1

Dios cu'un, ¿bi yu'un te jc'axel apijt'esejotique? ¿Bi yu'un te tilem slab awo'tan ta stojol te chijetic awu'un ta aq'uinale?

Salmos 74:11

¿Bi yu'un te anac'oj te ac'ab te bayal yipe? ¿Bi yu'un te ameyoj ac'ab ya xjilate?

Isaías 50:1

Te Cajwaltic ya yal: —Ma me xacuyic te jo'on la jticun sujt'el te Israele, te jich c'oem te bit'il ame' te ja'exe, jich bit'il jtul winic ya sticun sujt'el te yiname; o la jchonex bael ta mosoil scaj te ay mach'a ay jbet yu'une. Baex ta chonel ta scaj te la ale amulique; Israel te ame'ic te ja'exe, ijq'uitayot jilel ta scaj te toyol la awac' abaique.

Isaías 58:3

Ja'uc me to, ya yalic: “¿Bistuc ya jpastic ayuno? Melel ma xyil te Diose. ¿Bistuc ya cac' jwocoltic, teme ma'yuc ta wenta yu'une?” xiic ta yalel. Ja'uc me to, te bi c'aalil ya yich' pasel ayunoe, ja' ya awat'elinic chonbajel a, soc ya atenic xan ta at'el te awinictaque.

Isaías 59:1

Te yu'el te Cajwaltic ma ba pejc'ajem te ma xju' yu'un coltaywaneje; ma yu'unuc macal xchiquin te Cajwaltique te ma xyaiy stojol c'ope.

Isaías 59:2

Ja'uc me to, te amulic te c'oem ta pasel awu'unique, ja' smacojex ta stojol te Diose; smacojix sit yu'un te amulique, ja' ma xyaiybeyex stojol yu'un.

Jeremías 3:16

Te c'alal esmajexix a te alumalic te ja'exe, soc te ayix bayal anich'nabic a, ma me ayuc jtuluc ya yalbey xan sc'oplal te scajonil trato yu'un te Cajwaltique. Ma me ayuc mach'a ya xc'opoj yo'tan jtuluc, ni ma me ayuc mach'a ya sna' xan. Ma me ayuquix falta, ni ma me yich'ix pasel ta yach'il. Jo'on Ajwalilon te ya cal te jc'ope.

Jeremías 7:4

Ma me x'awich'ic ta wenta te mach'atic ya xlo'laywanic ta c'op te jich ya yalic: ‘Ilawil te templo yu'un te Cajwaltic. Li' ay to te templo yu'un te Cajwaltic, li' ay to te templo’, te xiic ta yalele.

Números 10:33

Jich la yijq'uitayic te wits yu'un Cajwaltic, beenic bael oxeb c'aal. Te scajonil trato yu'un Cajwaltic ja' neel bael yu'unic, yac ta sleel bael te banti ya xju' ya spas scampamentoic.

Números 10:35

Jujun buelta te c'alal ya xjajch'ic ta beel soc te cajón, te Moisés jich ya yal: —¡Jajch'an, Cajwal! ¡Ac'a spuc sbaic bael te acontrotaque! ¡Te c'alal ya yilat, ac'a anuquic bael! —xi' ta yalel.

Números 31:6

Te Moisés la sticun bael ta guerra. Sjoinej bael te Finees, snich'an te sacerdote Eleazar, te ja' yich'oj bael stuquel te ch'ul biluquetic soc te oq'uesetic te ya yac' ta na'el te bi ora ya xjajch' guerra.

Deuteronomio 29:24

“Ja' yu'un, spisil ants-winiquetic jich me ya sjojc'oyic: “¿Bi yu'un te jich pasbot yu'un Yajwal te lumq'uinal in to? ¿Bi yu'un te bayal til jajch'el sc'ajc'al yo'tan ta stojole?” xiic me.

Deuteronomio 31:26

—Ila, tsacaic te libro yu'un mandaliletic in to. Ac'aic ta xujc' te scajonil te trato yu'un te Cajwaltic Diose, swenta yu'un tey me ya x'ain a, soc swenta yu'un ja' me testigo ta atojolic.

2 Timoteo 3:5

Mero xch'uunejic Dios yilel, ja'uc me to, ta swenta yat'elic, ma xchicnaj ta smelelil te bila xch'uunejique. Ma me xajoin te mach'atic jich yo'tanic in to.

Hebreos 9:4

Ay scajtijib xchic'jibal pom tey a te pasbil ta oro, soc tey ay a te xcaxail trato pasbil ta ch'ujte' te potsbil ta oro. Tey q'uejbil ta yutil caxa te jarra te pasbil ta oro te nojel ta maná, soc te sbastón Aarón te puline, soc te cha'pejch' ton te ts'ibubil jilel tey a te tratoe.

Josué 4:7

jich me ya asujt'esbeyic te sc'opique: “Ja' te c'alal c'ax ta muc'ja' Jordán te scajonil trato yu'un Cajwaltic, la scom sba ta oquinel te ja'e, jich taquej bael te slumile. Ja' swentail te tonetic te ya xtuun cu'untic ta sna'el sbajt'el q'uinal te bila c'ot ta pasel li'to”, ya me awutic —xi'.

Josué 6:6

Te Josué la yic' tel te sacerdoteetic, jich la yalbey: —Q'uechaic bael te scajonil trato yu'un te Cajwaltique. Te ja'ex te juctulexe, neelajanic bael yu'un te cajón soc xulubil tat chij —xi'.

Josué 7:7

Jich la yal te Josué: —¿Cajwal, bistuc la ac'asesotic tel soc spisil te lum ta muc'ja' Jordán? ¿Yu'un bal li' ya awac'otiquix ta sc'ab a te amorreoetic te ya smilotic ta jyalele? ¡Teyuc laj jilucotic a ta bay jejch' ja' Jordane!

Josué 7:8

Cajwal, ¿bi ya caltic yo'tic? Melel te jlumal israeletic aniquix loq'uel tel ta stojol te jcontrotique.

1 Pedro 3:21

Pajal c'oem sc'oplal soc te ja' te ya x'ac'bototic quich'tique, melel ja' ta swenta ich'ja' te ya quich'tic coltayel yu'un ta ora to. Ma yu'unuc ya spocbotic loq'uel xch'ailel jbaq'uetaltic te ja'e. Ja' nax ya calbeytic wocol Dios te yacuc stup'botic ta co'tantic spisil te jmultique. Jich ya quich'tic coltayel ta swenta bit'il cha'cux tel te Jesucristoe.

Judas 1:5

Ya jc'an te yacuc xjul ta awo'tanic, manchuc teme ana'ojic stojol, te bit'il c'ot ta loq'uel ta namey te israeletique. Ja' bi, ja' te ac'otic ta lajel yu'un Cajwaltic te jich yipal ma la xch'uunique, manchuc teme la scoltay loq'uel tel ta banti sq'uinal Egipto.

1 Samuel 1:24

Te c'alal la yijq'uitay te xchu'e, manchuc me alal to a, pero la yic' bael ta templo yu'un Cajwaltic ta Silo. Soc la yic' bael oxeb toroetic, cheb xcha'winic (22) litro trigo, soc jpojc' nujc'ul pulbil ta vino.

1 Samuel 14:18

Te efod yu'un Dios tey ora ay ta campamento yu'un te soldado-israeletique. Ja' yu'un te Saúl jich la yalbey te Ahías: —Ich'a tel te efod, yu'un ay bi ya jojc'obey Dios. Li' x'awich' tel —xi'.

1 Samuel 4:2

La xchajban sbaic jajch'el, ba staic te israeletique. Jich jajch' te guerra yu'unique. Ja' ju' yu'unic te filisteoetique, ja' tsalotic te israeletic, chanmil (4,000) ta jtul laj te swinic ta campo te banti la stsac sbaic ta guerra.