1 Samuel 4:18 - Bible in Tzeltal de Oxchuc y Tenejapa

¹⁸ Te c'alal la sta ta alel te scajonil trato yu'un Dios te mach'a yacal yalel te c'ope, te Elí ora jawts'uj coel ta smuc'ul silla, jawal c'oel ta xujc' ti'nail. Mamalix, soc bayal yalal, jich toj waq'uel snuc' yu'un, jich laj te mamale. Cha'winic (40) ja'wil at'ejemix ta juecil ta stojol lum Israel.

Bible in Tzeltal Bachajón

¹⁸ Te c'alal la sta ta halel te scaxahul te chapbil-c'op yu'un Dios, te Elí jawts'uj cohel ta shuctajib ta ti' puerta, wac' snuc', hich cham, como mamalix soc bayel yalal. Ha juez ta Israel cha'winic (40) ha'bil.

1 Samuel 4:18 ပူးပေါင်းရင်းမြစ်များ

Salmos 26:8

Cajwal, mero toyol co'tan yu'un te templo awu'un ta bay nainemate, ja' te awilal te bay xojobajem te awutsilale.

Salmos 42:10

C'alal ta jbaquel c'oem xc'uxul te uts'inel yu'un te jcontrotaque; spisil ora ya sjojc'obonic: “¿Banti ay te Dios awu'une?” xiic.

Salmos 42:3

Ta c'aal, ajc'ubal, ja' jwe'el c'oem ya caiy te ya'lel jsite. Te c'alal jich ayon ae, spisil ora ya sjojc'obonic: “¿Banti ay te Dios awu'une?” xiic.

Salmos 69:9

Ya xlajon ya caiy yu'un te bayal sc'oplal ta co'tan te anae; jo'on yac ta c'oel ta jtojol te bolc'optayel ta awenta yu'un te mach'atic ya yutate.

Levítico 10:3

Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

Jueces 15:20

Te Sansón ay jtab ja'wil te ja' juez yu'unic te israeletic, ja' te c'alal ayic ta c'abal yu'un a te filisteoetique.

1 Samuel 4:13

Te c'alal c'ot, nacal ta muc'ul silla ta nopol ti'nail te Elí, t'ojol sit ta be, melel ja' bayal sc'oplal ta yo'tan la yaiy te scajonil trato yu'un te Diose. Te winic och bael ta lum, c'o yal te bi c'otix ta pasele. Ora jajch'ic ta aw ta spisil te yajwal lume.

1 Samuel 4:17

La sjac' te winique: —Te joytic ta israele, loq'uiquix ta anel ta stojol te filisteoetique. Soc mero bayal te milele. Tey lajix xchebal a te anich'nabe, ja' te Ofni soc Finees. Soc nix te scajonil trato yu'un Dios, ochix ta sc'abic te filisteoetique —xi'.

1 Samuel 4:19

Te yalibe, ja' te yinam Finees, yic'oj yal, nopol ya x'ayinix a te yale. Te c'alal la yaiy te ochix ta sc'ab filisteoetic te scajonil trato yu'un Dios, soc te lajix te yalib-mamale, soc te smamlale, jajch' xc'uxul la yaiy yu'un. Tal buen bayal xc'uxul la yaiy, jich ayin te yale.