1 Samuel 4:16 - Bible in Tzeltal de Oxchuc y Tenejapa

¹⁶ Jich c'o yalbey: —Julelon to, tojon tel ta campo ta banti yacal guerra. Colon loq'uel tel ta yolil te guerra —xi'. La sjojc'obey te Elí, jich la yal: —¿Bi c'oem ta pasel jiche, jnich'an? —xi'.

Bible in Tzeltal Bachajón

¹⁶ Te winic hich c'oht yalbe te Elí: Tojon tal ta banti ay te guerra, colonix loq'uel tal tey a, xchi. ¿Bin c'ohem ta pasel hiche, jnich'an? xchi te Elí.

1 Samuel 4:16 ပူးပေါင်းရင်းမြစ်များ

2 Samuel 1:4

—¿Bi c'ot ta pasel jiche? Wocoluc, albon caiy —xi' ta sc'anel yaiy te David. La yal te winique: —Te soldadoetic ma ba ju' yu'unic te guerra, loq'uic ta anel, soc bayal lajic ta milel. Lajic te Saúl soc te snich'ane, ja' te Jonatán —xi'.

Josué 7:19

Jich yu'un te Josué la yalbey te Acán: —Jnich'an, ac'a ta ilel yutsilal te Cajwaltic te Dios cu'untic te israelotique, ac'a ta ich'el ta muc'. Albon caiy te bila apasoje, ma me x'amuc ta awo'tan —la yut.

1 Samuel 3:6

Pero te Cajwaltic, la sc'opon xan: —Samuel —xi' xan. Te Samuel ora jajch', bajt' xan ta stojol Elí. —Tey ayon. ¿Bi yu'un ya awic'on? —xi' yan buelta. —Ma ba ya quic'at jo'on, jnich'an. Baan, mejts'ana xan aba —xi' te Elí.

1 Samuel 4:17

La sjac' te winique: —Te joytic ta israele, loq'uiquix ta anel ta stojol te filisteoetique. Soc mero bayal te milele. Tey lajix xchebal a te anich'nabe, ja' te Ofni soc Finees. Soc nix te scajonil trato yu'un Dios, ochix ta sc'abic te filisteoetique —xi'.