1 Samuel 4:12 - Bible in Tzeltal de Oxchuc y Tenejapa

¹² Pero ay jtul soldado sts'umbal Benjamín te ju' yu'un te loc' ta anel ta yolil te guerrae. Bajt' ta animal, jun nax c'aal c'ot c'alal ta Silo, jatsemtic sc'u' soc yac'oj lum ta sjol swenta seña mel-o'tan.

Bible in Tzeltal Bachajón

¹² Loc' ta ahnel ta guerra jtuhl winic yu'un Benjamín, c'oht ta Silo ta yorahil nix, ch'i'em sc'u' soc ay ts'u'lum ta sjol.

1 Samuel 4:12 ပူးပေါင်းရင်းမြစ်များ

2 Samuel 1:2

Pero ta yoxebal c'aal ay c'ot jtul winic jajch' ta campamento yu'un Saúl. Ch'i'umtic nax sc'u'-spac' soc la smuc sba ta ts'ubil lum, swenta seña mel-o'tan. C'alal jul ta stojol David, la spajc'an sba c'alal ta lum swenta yich'el ta muc' te David.

2 Samuel 13:19

Pero la yac' stanul c'ajc' ta sjol, la sjats te snajt'il c'u' slapoje. Xchebal sc'ab smojt'esej ta sjol, yac ta oq'uel bael ta xch'ixil be.

2 Samuel 15:32

C'alal c'ot ta ba wits te David te banti ya yich' ch'uunel Dios, loc' tel ta stojol te Husai te sts'umbal arquitaetic, jatsem sc'u' soc scojt'ol lum sjol.

Nehemías 9:1

Ta chaneb xcha'winic c'aal sjajch'el a te ue, te israeletic la stsob sbaic, yu'un ya scom swe'elic. La slapic ch'ixal pac' soc la yac' ts'ubil lum ta sjolic.

Job 2:12

Q'uejel to ayic a, la staic ta ilel te Job. Melel ma xna'bajix sba ta lec la yilic, ja' yu'un jajch'ic ta aw soc jajch'ic ta oq'uel. Mero bayal la smel yo'tanic. La xch'i' sc'u'ic yu'un, ta yoxebalic la swilesic moel ts'ubil lum ta toyol, soc la smojt'es ts'ubil lum ta sjolic.

Jeremías 26:6

ja' yu'un jich me ya jpasbey te templo te bit'il la jpasbey te templo ta Silo. Ja' in lum to te boloben sc'oplale, ja' seña ya xc'ot cu'un ta stojol spisil nacionetic ta balumilal, uta me —xi'.

Ezequiel 24:26

Te bi c'aalil ya xc'ot ta pasele, te mach'a ya xcol loq'uel ta lum, ya me xtal yalbat awaiy te bila c'otix ta pasele.

Ezequiel 27:30

Ya me xtoy sc'opic yu'un, ya me x'oq'uic yu'un xc'uxul ta awenta. Ya me smojt'es ts'ubil lum ta sjolic, soc ya me sbalan sbaic ta tan.

Josué 7:6

Te Josué soc te mamaletic yich'oj yat'elic yu'un Israel, la xch'i' sc'u'ic yu'un, la yaq'uic tan ta sjolic swenta seña xc'uxul mel-o'tan, soc la stinan sba coel c'alal ta lum ta stojol te cajón yu'un te Cajwaltic, ja' to c'alal ch'ay bael te c'aale.