1 Samuel 3:9 - Bible in Tzeltal de Oxchuc y Tenejapa

⁹ Jich la yal: —Baan, mejts'ana aba. Teme ya to sc'oponat xan te Cajwaltic, jac'beya: “C'opojan, ya caiy stojol jo'on te awabatone”, uta me —xi' te Elí. Jich te Samuel bajt' xan ta yawil nix, c'o smejts'an sba.

Bible in Tzeltal Bachajón

⁹ Ha yu'un hich la yalbe te Samuel: Bahan, mehtsana aba. Teme ya sc'oponat xan, jac'beya: C'opojan, Jehová, yac ya'iybelat te a'bat awu'un, xchi te Elí. Hich baht te Samuel, c'oht smehtsan sba ta lugar yu'un.

1 Samuel 3:9 ပူးပေါင်းရင်းမြစ်များ

Salmos 85:8

Ya me caiytic te bi ya yal te Cajwaltique; melel ya me yalbey sc'oplal lamal q'uinal ta stojol te lum yu'une, ja' me te mach'a jun yo'tanic ta stojol, swenta yu'un ma ba ya xcha'pasic xan bitic swenta jowejel.

Salmos 85:9

Ta mero melel, nopol ay te Diose, ya me scoltay te mach'atic ya x'ich'ot ta muc' yu'une; te yutsilal ya me xchicnaj xan ta jlumaltic.

Éxodo 20:19

Jich la yalbeyic te Moisés: —Ja'at xac'oponotic atuquel, ya me jch'uuntic. Ma xju' cu'untic te ya sc'oponotic te Diose, repente ya xlajotic yu'un te sc'ope —xiic.

Isaías 6:8

Ja'uc me to, la caiybey stojol sc'op te Cajwaltique, jich yac ta yalel: —¿Mach'a ya jticun bael? ¿Mach'a ya x'och ta j'alwanej cu'untic? —xi'. Jo'on la jac'bey sc'op: —Li' ayon te jo'one, ticunawon bael —la cut.

Daniel 10:19

Jich la yalbon: —Ma me xiwat, soc ma jc'axeluc tey ya xbajt' awo'tan a. C'uxat ta yo'tan te Diose. Ac'a xan puersa, ayuc me yip awo'tan —xi'. Te c'alal yac sc'oponbelon ae, yac yich'bel jajch'el yip jbaq'uetal, jich la calbey: —Cajwal, c'oponawon, melel la acha'ac'bonix xan quip ya caiy —xoon.

Hechos 9:6

Te Saulo jajch' ta nijq'uel yu'un xiwel. Jich la yal: —Cajwal, ¿bila ya sc'an awo'tan te ya jpase? —xi'. La yal te Cajwaltique: —Jajch'an, ochan bael ta lum. Tey me ya xc'o awich' alel a te bila ya sc'an ya apase —la yut.

Josué 5:14

—Ni ya joinat, ni ya jcontroinat. Ja' nax talon ta jtsobwanej yu'un soldadoetic ta swenta te Cajwaltique —xi' te winique. Jich yu'un te Josué la stinan sba coel c'alal ta lum, la sjojc'obey: —¿Bi mandal ya awalbon, Cajwal, jo'on te awabatone? —xi'.

1 Samuel 3:10

Patil c'ot xan te Cajwaltic, la stejc'an sba tey a, jich nix la yalbey te bit'il ta neelal to: —Samuel, Samuel —xi'. —C'opojan, ya caiy stojol te awabatone —xi' te Samuele.

1 Samuel 3:8

Pero ta swenta yoxebal buelta c'oponot xan yu'un Cajwaltic te Samuel. Ba yalbey xan te Elí, jich c'o yalbey: —Tey ayonix ta atojol, ¿bi yu'un ya awic'on? —xi' c'oel. Te Elí tey la sna'ix a te ja' Cajwaltic yac ta c'oponel yu'un te querem Samuel.