1 Samuel 3:6 - Bible in Tzeltal de Oxchuc y Tenejapa

⁶ Pero te Cajwaltic, la sc'opon xan: —Samuel —xi' xan. Te Samuel ora jajch', bajt' xan ta stojol Elí. —Tey ayon. ¿Bi yu'un ya awic'on? —xi' yan buelta. —Ma ba ya quic'at jo'on, jnich'an. Baan, mejts'ana xan aba —xi' te Elí.

Bible in Tzeltal Bachajón

⁶ Te Jehová la sc'opon yan buelta te Samuel. Hich hahch te Samuel, baht ta banti ay te Elí, hich la yalbe: Li' ayoni ¿bin yu'un la awic'on? xchi. Ma ba la jquic'at, jnich'an; bahan, mehtsana aba, xchi te Elí.

1 Samuel 3:6 ပူးပေါင်းရင်းမြစ်များ

Génesis 43:29

Te José la stoy sit, la yil tey ay a te Benjamín, te mero yijts'in te jun sme' soque. La yalbey: —¿Ja' bal axutil-ijts'inic te la awalbonic caiye? Querem, ac'a yac'bat bendición te Diose —la yut.

2 Samuel 18:22

Te Ahimaas ma ba laj yo'tan, jich la yalbey xan te Joab: —Ac'awon bael ta puersa. Ya xboon ta animal ta spat te etiope-winique —xi'. La sjojc'o te Joab: —¿Bi yu'un te ja'at ya ac'an ya xbaat, jnich'an? Melel ma'yuc amajt'an ya xc'o awich' yu'un te bila ya achicnantese —xi' sc'oplal.

San Mateo 9:2

Ay jtul winic tey a te chamen xchial yoc-sc'ab te la sq'uechic tel ta cajcante' ta stojol te Jesuse. C'alal la yil Jesús te bit'il ay xch'uunjel yo'tanique, jich la yalbey te jchamele: —Jnich'an, ac'a bujts'najuc awo'tan. Pasbilatix perdón yu'un te amule —xi'.

1 Samuel 3:5

Ora bajt' ta animal ta stojol Elí, jich c'o yal: —Li' ayon to. ¿Bi yu'un ya awic'on? —xi' c'oel. —Ma'yuc bay ya quic'at. Baan, mejts'ana aba —la yut. Jich bajt' te Samuel, la smejts'an xan sba.

1 Samuel 3:7

Te Samuel ma to sna'bey sba te Cajwaltic, ma to ayuc banti c'oponbil yu'un a.

1 Samuel 4:16

Jich c'o yalbey: —Julelon to, tojon tel ta campo ta banti yacal guerra. Colon loq'uel tel ta yolil te guerra —xi'. La sjojc'obey te Elí, jich la yal: —¿Bi c'oem ta pasel jiche, jnich'an? —xi'.