1 Samuel 3:2 - Bible in Tzeltal de Oxchuc y Tenejapa

² Jun buelta te Elí ay ta wayel te banti nainem. Staojix yorail a te ya xjajch' ta bolobel sit, ma ba ya yilix q'uinal ta lec.

Bible in Tzeltal Bachajón

² Jun buelta te Elí metsel ta stsalul sna, yaquix ta maquel sit a, ma ba ya yilix q'uinal ta lec.

1 Samuel 3:2 ပူးပေါင်းရင်းမြစ်များ

Génesis 27:1

Te Isaac mamalix ta lec a, ma xyilix q'uinal yu'un bolobenix te site. Ta yorail la sticun ta iq'uel snich'an, ja' te Esaú te banquilale, la yalbey: —Jnich'an —xi'. —¿Bila, jtat? —xi' te Esaú.

Génesis 48:10

Te mamal Israel bolobenix sit te bit'il mamalixe, ma ba mero ya yilix te q'uinale. Jich yu'un te José la stejc'an te snich'nab ta sts'eel te state. Te mamal Israel la smey te queremetic, soc la sbujts'iy.

Génesis 48:19

Ja'uc me to, ma la sc'an te state, jich la yalbey te José: —Ya jna' stojol, jnich'an, ya jna' stojol. Ya x'esmaj soc sts'umbal uuc, soc muc' ya xc'ot ta loq'uel. Ja'uc me to, ja' c'ax jich ya xc'ot stuquel te yijts'ine, soc bayal ta jchajp nación ya xloc' a te sts'umbale —xi' sc'oplal yu'un.

1 Reyes 14:4

Jich la xchajban sba te yinam Jeroboam. Bajt' ta Silo, c'ot ta sna Ahías. Te Ahías ma ba ya yilix q'uinal, yu'un c'unc'un yaquix ta majq'uel sit ta scaj te mamalixe.

Salmos 90:10

Lajuneb xchanwinic (70) ja'wil te cuxlejale; te mach'atic ay yip sbaq'uetalic, ya xc'otic c'alal ta chanwinic (80) ja'wil. Pero te toybail yu'un te cuxlejal bayal c'aal, ja' nax ya yac' wocol soc ya yac' at'el. Te ja'wiletic ora ya xc'axic, ja' nix jich te jo'otique.

Eclesiastés 12:3

Ya xc'ot yorail te ya xjajch'ic ta nijq'uel te ac'abe, soc ya xlaj yip te awacane. Ya xc'ot yorail te wocol ya xwe'at yu'un ma'yuquix sbaq'uel te awee; soc ma xchicnajix q'uinal yu'un boloben te asite.

1 Samuel 2:22

Yan te Elí mero mamalix a, pero spisil yaiyoj te bi yacalic ta spasel ta stojol spisil israeletic te snich'nabe, soc yaiyoj te ya xwayic soc te antsetic yac'oj sbaic ta abatinel ta yochibal te Nailpac' te banti ya yich' c'oponel te Cajwaltique.

1 Samuel 4:15

Te Elí ayix waxaclajuneb yo'winic (98) ya'wilal a, mero ma xyilix q'uinal.