1 Samuel 3:18 - Bible in Tzeltal de Oxchuc y Tenejapa

¹⁸ Te Samuel la xcholbey yaiy spisil te bitic albot yu'un te Cajwaltic, ma'yuc la smuc ta yo'tan. Te Elí jich la yal ta spisil yo'tan: —Ja' Cajwaltic stuquel. Ac'a spas te bi lec ta pasel ya yaiye —xi'.

Bible in Tzeltal Bachajón

¹⁸ Ha yu'un te Samuel la yalbe ya'iy spisil te bintic halbot, mayuc bin la smuc ta yo'tan. La yal te Elí: Ha Jehová stuquel; ac'a spas te bin lec ya ya'iy, xchi.

1 Samuel 3:18 ပူးပေါင်းရင်းမြစ်များ

Génesis 18:25

Ma niwan jichuc ya apas te pajal ya amil te mach'atic ma'yuc smulic soc te mach'atic ay smulique, ma niwan jichuc awo'tan te pajal c'oem sc'oplalic awu'un. ¿Ma bal lecuc ya yaiy chajbanwanej te Mach'a swentainej chajbanwanej ta spamal te balumilale? —xi'.

2 Samuel 10:12

Ma me xiwat. Ta spisil me co'tantic ya cac'tic puersa ta guerra ta swenta scoltayel te nación cu'untique, ja' te lumetic yu'un te Dios cu'untique. Ja' me ac'a spas te bi lec ta pasel ya yil te Cajwaltique —xi'.

2 Samuel 15:26

Yan teme ya yalbon te ma lecucon ta stojole, ayon ta sc'ab, ac'a spasbon te bi ya sc'an ya spasbone —xi'.

2 Reyes 20:19

Te Ezequías la sna' ta yo'tan te lamal q'uinal te jayeb xan c'aal cuxule, soc te ma'yuc bay ya xtal scontro. Jich yu'un la yalbey te Isaías: —Te sc'op Cajwaltic la awich'bon tele, lec ya caiy —xi'.

1 Crónicas 19:13

Ac'a yip awo'tan, ac'a jpastic tulan yu'un te jlumaltic, te ja' lumetic yu'un te Dios cu'untique. Te Cajwaltic ac'a me spas stuquel te bila ya sc'an yo'tane —xi' te Joab.

Job 1:21

Jich la yal: —T'analon a julon ta balumilal yu'un te jme'e, t'anal ya xsujt'on bael. Ja' nix la yac'bon spisil te Cajwaltic, ja' nix la yich'bon sujt'el. Jelawen yutsil xch'ul-biil stuquel te Cajwaltique —xi'.

Job 2:10

La sjac' te Job: —Ants, ma x'ana' q'uinal. Teme jun co'tantic ya quich'tic te bila lec ya yac'botic te Diose, ¿bi yu'un ma ba ya quich'tiquix a jiche te bila amen ya yac'botic tele? —xi' yu'un te Job. Jich ma la sta smul ta stojol Dios te Job. Manchuc me ay swocol, pero ma ba loc' bol c'op ta ye stuquel.

Salmos 39:9

“La jcom jba, ma ba la jam que jichuc uma', melel ja'at jich la apasbon.

Éxodo 34:5

Te Cajwaltic coj tel ta tocal, tey la sta sba soc a te Moisese. Te Cajwaltic la yal te sbiile.

Isaías 39:8

Te Ezequías la yal ta yo'tan: “Te jayeb xan c'aal cuxulon lamal nax q'uinal, soc jun nax co'tan ya x'ainon”. Jich yu'un la sjac'bey sc'op te Isaías: —Te sc'op Cajwaltic la awich'bon tele, c'uxtayel ta jtojoltic yu'un —xi'.

Jeremías 34:6

Te j'alwanej Jeremías la yalbey spisil te muc' ajwalil Sedequías ta Jerusalén.

Jeremías 38:14

Te muc' ajwalil Sedequías la yal mandal ta iq'uel tel ta stojol te j'alwanej Jeremías, ta bay yoxebal yochibal templo. Te muc' ajwalil tey la yalbey a: —Ay bila ya jojc'obat jp'aluc, ya jc'an te yacuc asujt'esbon ta mero sjamalul ta jyalel —xi'.

Jeremías 42:4

Te Jeremías la sjac': —Lec ay. Ya calbey wocol te Cajwaltic Dios te bit'il la ac'anique, soc ya me cac'beyex ana'ic stojol spisil te bila ya yac'bon jna' stojole, ma ba ya jmucbat ta co'tan ni jtebuc —xi'.

Lamentaciones 3:39

Te jmulawil ta q'uinale, ¿bila te ya x'ajc'anaj yo'tan yu'une?

Levítico 10:3

Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

1 Pedro 5:6

Jich yu'un pejc'ana me abaic ta sc'ab Dios te bayal yu'ele. Jich me ya yaq'uex ta ich'el ta muc' teme la sta yorail yu'une.

Jueces 10:15

Jich yu'un te israeletic la sjac'beyic sc'op te Cajwaltic: —Jtaoj jmultic ta atojol. Pasbotic me ta jtojoltic te bitic lec ya sc'an awo'tan atuquele. Mero wocoluc ta jyalel, coltayawotic yo'tic —xiic.