1 Samuel 28:3 - Bible in Tzeltal de Oxchuc y Tenejapa

³ Te Samuel lajix a. Spisilic la yoq'uetayic ta Israel te c'alal laje, patil la smuquic ta Ramá ta slumal te banti ayine. Te Saúl ayix c'aal te la snuts loq'uel ta sq'uinal Israel te mach'atic ay bila ya sna'ic syoljoltayel soc te mach'atic ya sc'oponic ch'ulelaletic.

Bible in Tzeltal Bachajón

³ Te Samuel chamenix a, spisil Israel la yoq'uetayiquix soc la smuquiquix ta Ramá ta slumal. Te Saúl stenojix loq'uel ta q'uinal a te j'ic'-ch'uhlelaletic soc te jna'ojeletique.

1 Samuel 28:3 ပူးပေါင်းရင်းမြစ်များ

Éxodo 22:17

Yan teme ma la yac' te stat te ya xnujbin soque, ya me stoj te jich yipal ya xc'anbot te bit'il ay stojol te ach'ix ma nujbinemuque.

Éxodo 22:18

“Ma me xawac' xcuxin jtuluc ants te ya sna' yaq'uel chamel.

Levítico 19:31

“Ma me xbaex ta stojolic te mach'atic ya sc'oponic ch'ulelale, soc ma me xbaex ta stojolic te mach'a ay bila ya sna' syoljoltayele. Ma me ayuc bila ya ajojc'obeyic, melel ma lecuc ya xc'oex yu'un. Jo'on Ajwalilon Dioson awu'unic.

Levítico 20:27

“Teme ay winic, o ants, te ya xc'opoj ta swenta xch'ulel te mach'atic lajemique, o te ya yac' sbaic ta yoljoltayel, ya me yich'ic milel ta ch'ojel ta ton, soc ja' ni me ta swenta smulic te ya xlajique.” Jich me ya xc'o awal ta stojolic —xi' te Cajwaltique.

Levítico 20:6

Teme ay mach'a bajt' ta stojol te mach'atic ya sc'oponic ch'ulelal soc te mach'atic ay bila ya sna'ic syoljoltayel, te ya xbolob ta scaj st'unele, ya me jcontroin te mach'a jich ya spase, ya me jloq'ues ta yolil te slumale.

1 Samuel 15:23

Te mach'a ya sta smul ta stojol Cajwaltic ta scaj stoybail, ja' pajal soc te mach'a ya sta smul ta scaj ay bi ya xju' yu'un sna'el ta sc'ope. Ja' pajal soc te mach'a ya xch'uun loc'ombaetic te mach'a ya xc'axintaybey te smandale. Te ja'ate la ach'aybey smandal te Cajwaltic, ja' yu'un ja' nix jich ch'aybil ya xc'oat soc awat'el ta muc' ajwalil —xi'.

1 Samuel 25:1

Laj te Samuele. Spisil israeletic la stsob sbaic ta yoq'uetayel, la smuquic ta sq'uinal ta Ramá. Patil te David bajt' ta muc'ul taquin q'uinal Parán.

1 Samuel 28:9

La sjac' te antse: —Ana'oj te bi la spas te Saúl, te la snuts loq'uel ta jq'uinaltic te mach'atic ay bila ya sna'ic syoljoltayel, soc te mach'atic ya sc'oponic te ch'ulelaletique. ¿Bi yu'un ya awac'on a te bi ya slajinbon te jcuxlejale? —xi'.

1 Samuel 7:17

Patil ya sujt' xan bael ta Ramá te banti ay sna, te banti la xchajban te israeletique, soc la spasbey scajtijib smajt'an Dios tey a.