1 Samuel 27:8 - Bible in Tzeltal de Oxchuc y Tenejapa

⁸ Ya xloc' soc te swinictac ta spojbeyel biluc yu'unic te gesuretic, gezritaetic soc te amalequetic te nainemic ta bay Telaim ta stojol Shur, c'alal ta Egipto.

Bible in Tzeltal Bachajón

⁸ Te David ya xmo bahel soc te winiquetic yu'un ta spojbeyel sbiluquic te gesuretic, gezrahetic soc te amalequetic; como nameyix te nahinemic tey ta q'uinal c'alal Shur ha to ta sq'uinal Egipto.

1 Samuel 27:8 ပူးပေါင်းရင်းမြစ်များ

2 Samuel 14:23

Te Joab ora bajt' ta Gesur ta yiq'uel tel te Absalón, la yic' tel ta Jerusalén.

2 Samuel 14:32

La sjac' te Absalón: —La jticunat ta iq'uel tel li'to yu'un ya jticunat bael ta yilel te muc' ajwalile, soc te ya awalbey te tojol c'oem te talon ta Gesur, ja' lec yaiyel te teyuc jilon a. Co'tanuc ya xba quil te muc' ajwalile. Teme ay bi jmulinej ya yaiye, ac'a smilon —xi'.

2 Samuel 15:8

Te c'alal nainemon ta Gesur ta Siria a te jo'on te abaton awu'une, la cal ta stojol te Cajwaltic, teme ya yac'on sujt'el tel ta Jerusalén, ya me calbey wocol —xi'. La sjac' te muc' ajwalil:

2 Samuel 3:22

Te Joab soc mach'atic st'unojic te David jich ora julic tel ta poj-biluquetic, bayal bi yich'ojic tel te la spojbey te scontroique. Te Abner ma ba sjoinix a te David ta Hebrón, melel jun yo'tan bajt' te c'alal la spatbey bael yo'tane.

2 Samuel 3:3

te xchebale, Quileab, yal Abigail te me'ba ants yu'un Nabal te talem ta Carmel; te yoxebale, Absalón, yal Maaca te snich'an Talmai, muc' ajwalil yu'un Gesur;

2 Samuel 8:12

ja'ic te Edom, Moab, Amón, filisteoetic, soc te amalequetic, soc te la spojbey ta guerra Hadad-ezer te snich'an Rehob, te muc' ajwalil ta Soba.

1 Crónicas 2:23

Ja'uc me to, te Gesur soc Aram la yu'uninbeyic te campamentoetic yu'un Jair, soc la yu'uninbeyic te campamentoetic yu'un Kenat soc te ch'in lumetic yu'une. Ta spisil ay oxwinic (60) ta jpam te lumetique. Ja' sts'umbal Maquir ta spisilic, ja' te stat Galaad.

Éxodo 15:22

Te Moisés la yac'bey yijq'uitay jilel Mar Rojo te israeletic, bajt'ic ta muc'ul jochol taquin q'uinal Shur sbiil. Oxeb c'aal beenic ochel, ma'yuc bay la staic ja' yuch'ic.

Éxodo 17:8

Te amalequetic bajt'ic ta Refidim, ba yac'beyic guerra te israeletique.

Números 13:29

Ta sq'uinal Néguev nainemic te amalequetic, soc ta witstiquil nainemic te hititaetic, te jebuseoetic soc te amorreoetique. Ta nopol mar soc ta ti'ti'muc'ja' Jordán, nainemic te cananeoetique —xiic.

Números 14:45

Jich yu'un loq'uic tel te sts'umbal Amalec soc te cananeoetic te nainemic tey a. La snutsic te israeletic ja' to c'alal ta lum Horma. Jc'axel la yich'ic tsalel.

Josué 12:5

Ja' mandalaj c'alal ta wits Hermón, ja' to ta lum Salca soc spisil te sq'uinal Basán, ja' to ta bay c'axem sti'il sq'uinal Gesur soc Maaca, soc ja' to ta olil xan sq'uinal Galaad, te ja' yu'un te Sehón ta neelal, te muc' ajwalil yu'un lum Hesbón.

Josué 13:13

Te mach'atic ayic ta Gesur soc Maaca ma la yich' loq'uesel stuquelic, sjoinej sbaic soc te israeletic asta c'alal ora yo'tic.

Josué 13:2

Quechel jilel spisil in to: te sq'uinal filisteoetic soc te gesuretic,

Josué 16:10

Te sts'umbal Efraín ma la stenic loq'uel ta lum Gezer te cananeoetic te tey ayic a. La yac' cuxinuc ta yolilic, ja' nax la sujic ta stojel spatanic. C'alal ora yo'tic, tey ayic a.

Jueces 1:29

Te sts'umbal Efraín, ja' nix jich ma ju' yu'un sloq'uesel ta Gezer te cananeoetic te ainemic tey a, jich ainic jilel ta yolilic.

1 Samuel 29:6

Ja' yu'un te Aquis la sticun ta iq'uel te David, jich la yalbey: —Mero melel yiloj te Awajwal te tojat ta winiquil, bayal ya jmulanbat te awat'el ta scampamento te soldadoetique. Ma'yuc bi amen jtaojbat ta awenta c'alal a julat tel, pero ma sc'anic te ajwalil-filisteoetic te tey ayate.

1 Samuel 30:1

Ta yoxebal c'aal te David soc te swinictac c'otic ta Siclag. C'alal c'otic, la yilic te yich'ojix ochintayel yu'un amalequetic te Neguev. Soc la yuts'inic te yajwal lum Siclag, la sjinic jilel, la yac'bey jilel sc'aal.