1 Samuel 27:1 - Bible in Tzeltal de Oxchuc y Tenejapa

¹ Pero te David la yal ta yo'tan: “Puersa ya sta yorail te ya smilon te Saule. Ja' yu'un te bila lec ya jpase, ya xboon ta anel ta sq'uinal filisteoetic, swenta yu'un jich me jun co'tan ya x'ainonix a, soc jich ma ba ya x'och sleonix ta sq'uinal Israel te Saule. Jich me ya xcolon loq'uel ta sc'ab a”, xi' te David.

Bible in Tzeltal Bachajón

¹ Hich la yal ta yo'tan te David: Ya me sta yorahil te ya xlajon ta sc'ab te Saúl. Ha lec ya xbohon ta ahnel ta sq'uinal filisteohetic, scuenta yu'un hich ma ba ya sna'onix a te Saúl, soc ma ba ya slehonix ta sjoyobal sq'uinal Israel, hich me ya xcolon ta sc'ab a, xchi.

1 Samuel 27:1 ပူးပေါင်းရင်းမြစ်များ

1 Reyes 12:26

Pero la yal ta yo'tan: “Te sts'umbal David ya xju' ya yich' xan yip yu'unic te mandalteswanej

1 Reyes 12:28

C'alal la yaiybey sc'op yantic te muc' ajwalil, la snop te ya spas cheb alal toroetic ta oro. Jich la yalbey te yajwal lum: —Ja'ex israeletic, bayal buelta c'oemex ta Jerusalén. Yo'tic li' ayix te adiosic te la sloq'uesex tel ta Egipto —xi' te Jeroboam.

1 Reyes 19:3

Elías la yaiy te nopol ya xlajix ta milele. Swenta yu'un jich ma xlajinbot xcuxlejal a, bajt' ta lum Beerseba te ay ta sq'uinal Judá. Tey la yijq'uitay a te yabate.

2 Crónicas 25:17

Ja'uc me to, te Amasías te muc' ajwalil yu'un Judá, ja' la spas bael te bi la yal te yantic mach'a tojtesot yu'une. Soc la sticunbey ta alel Joás, te snich'an Joacaz, te muc' ajwalil yu'un Israel te ja' smam te Jehú, “La' me, ya quilbey jba jsitic”, xi' bael sc'op.

Salmos 116:11

Ayonix ta lajel la caiy, ja' swentail te jich la cale: “Jpas-lotetic ta spisil te ants-winiquetique”, xoon.

Salmos 55:7

Ya me xboon ta wilel ta mero c'ubul, ya me xjilon ta nainel ta jochol taquin q'uinal te jichuque.

Éxodo 14:12

Ja' swentail te jich la caltic ta atojol ta Egipto: “Ac'a at'ejucotic ta swentaic te egipcioetique”, xootic. Melel ja' lec xan a te mozoinele, te talotic ta lajel ta muc'ul jochol taquin q'uinale —xiic.

Proverbios 13:12

Teme ma xtal te bila ay ta maliyele, ya xwoclaj o'tanil yu'un; yan teme ya xc'ot ta pasel te bila sc'anoje, jich c'oem te bit'il te' yu'un cuxinel.

Isaías 51:12

Ya yal te Cajwaltic: —Jo'on nix me ya jmuc'tesbat awo'tan. ¿Mach'a ya awaiyic a te ya axi'e? ¿Ja' bal te winiquetique? ¿Ja' bal te winiquetic ya xlajic, te jich nax c'oemic te bit'il aque?

Números 14:3

¿Bi yu'un la yic'otic tel Cajwaltic li' ta lumq'uinal to? ¿Swenta bal yu'un ya xlajotic ta guerra? Te quinamtic soc te jnich'nabtic ya x'ochic ta sc'ab te jcontrotique. Ja' lec xan te ya sujt'otic bael ta Egipto —xiic.

San Mateo 14:31

Te Jesús la stsacbey sc'ab ta ora. Jich la yalbey: —Winic, ma'yuc xch'uunjel awo'tan ya quil. ¿Bi yu'un ayan awo'tan? —la yut.

San Marcos 4:40

Te Jesús la sc'opon te jnopojeletique: —¿Bi yu'un te ya xiwexe? ¿Bit'il ay a te ma'yuc xch'uunjel awo'tanique? —la yut.

2 Corintios 7:5

Te c'alal julotic ta bay te sq'uinal Macedoniae, ma'yuc bay la jtajtic te ya jcux co'tantic soc te jbaq'uetaltique. C'axix jwocoltic ta bayuc. Bayuc nax la jtajtic c'op, soc bayal la jtajtic xiwel.

1 Samuel 16:1

Te Cajwaltic jich la yalbey te Samuele: —¿Jayeb xan c'aal te yacat ta mel-o'tan yu'un te bi c'oem ta swenta te Saule? Ma jc'anix te ja' ochem ta muc' ajwalil ta Israel. Baan nojesa ta aceite te xulubil awu'une. Ya jc'an te yacuc xbaat ta sna Isaí ta Belén, yu'un la jtsabeyix jtul snich'an te ja' ya x'och ta muc' ajwalile —xi'.

1 Samuel 16:13

Jich ora la stsac te xulubil nojel ta aceite te Samuele. Q'uelel sitic a te sbanquiltac, la smalbey aceite ta sjol. Jich tsabil c'ot ta muc' ajwalil te querem David. Jich ora tal ta stojol yip yu'el te Cajwaltique. Te Samuel la sc'opon jilel te mach'atic tey ayic a, bajt' xan ta Ramá.

1 Samuel 20:3

Pero te David c'opoj xan: —Te atat sna'oj te lec awo'tan cu'une. Ma sc'an ya yalbat awaiy, yu'un ya xi' ya x'ilinat yu'un. Pero ya calbat ta jamal ta stojol te Cajwaltic soc ta atojol, te mero tec' xanix ta acanil quiloj jba soc te lajele —xi'.

1 Samuel 22:5

Te Gad, te j'alwanej yu'un Dios, la yac'bey consejo te David: —Ma me x'ainat li' ta anjibal ch'en ta banti ayotique. Jajch'an ta beel, baan ta sq'uinal Judá —xi'. Jich bajt' te David, c'ot ta toyem te'tiquil Haret.

1 Samuel 23:17

jich albot yu'un: —Ma xiwat, te jtat Saúl ma xju' ya staat. Ja'at me ya x'ochat ta muc' ajwalil yu'un Israel; yan te jo'on ja' nax ya joinat ta at'el. Jich nix sna'ojix te jtat Saule —xi'.

1 Samuel 25:30

Ja' yu'un, te c'alal ya xc'ot ta pasel yu'un Cajwaltic te bi bayal yutsil albil ta atojol yu'une, soc te c'alal ya yac'at ochel ta ajwalil yu'un Israel,

1 Samuel 26:19

Wocoluc, cajwal, yacuc awaiybon jc'op jo'on te abaton awu'une. Teme ja' te Cajwaltic te ya yac'bat acontroinone, yacuc lamajuc yo'tan yu'un teme ya cac'bey smajt'an. Pero teme swenta nax winiquetic, jc'axel ch'aybil ac'a c'otuc yu'un te Cajwaltique. Melel ya stenoniquix loq'uel li' ta q'uinal yac'ojbotic te Cajwaltique, jich ya sticunonic bael ta spasel yat'el yan diosetic ya caiy.

1 Samuel 29:2

Te capitanetic yu'un te soldado-filisteoetic yacalic ta marcha loq'uel ta chajbalchajp swenta compañía soc ta swenta batallón. Te David soc te swinictac yacalic ta marcha ta patil soc Aquis stuquelic.

1 Samuel 29:3

Te ajwalil-filisteoetic la sjojc'obeyic te Aquis: —¿Ja' xan te hebreoetic, bi ya spasic li'to? —xiic. Jac'botic yu'un te Aquis: —Ja' te David te ay ta abatinel yu'un Saúl ta neelal to, te muc' ajwalil yu'un Israel, pero ayix ja'wil te li' joineje. Ja' to nix te c'alal jul tel ta jtojol, c'alal ora ma'yuc bi falta jtaojbey —xi'.