1 Samuel 26:9 - Bible in Tzeltal de Oxchuc y Tenejapa

⁹ Pero la sjac' te David: —Ma'uc, ma xamil. Te mach'a ya smil te muc' ajwalil tsabil yu'un te Cajwaltic, puersa me ya yich' castigo.

Bible in Tzeltal Bachajón

⁹ Pero la sjac' te David: Ma me xamil. Como ¿mach'a c'an shach sc'ab ta scontrahinel te mach'a tsahbil yu'un te Jehová, te mayuc smul ya xhile? xchi.

1 Samuel 26:9 ပူးပေါင်းရင်းမြစ်များ

2 Samuel 1:14

La yal te David: —¿Bit'il ay a te ma ba la axi' te yal ac'ab ta smilel te muc' ajwalil te ja' tsabil yu'un te Cajwaltique? —xi'.

2 Samuel 1:16

Te David jich yac ta yalel: —Ja'at nix ta amul te lajate, melel ja'at nix la awal ta jamal te amul, te ja'at la amil te muc' ajwalil tsabil yu'un te Cajwaltique —xi'.

2 Samuel 19:22

La sjac' te David: —Ma awentauc, yalatac Sarvia. ¿Bi yu'un ya atoy abaic ta jtojol? Yo'tic ya jna' ta lec te jo'on te muc' ajwalilon yu'un te Israele. Ja' yu'un ma'yuc mach'a ya xju' ya xlaj ta Israel ja' in c'aal to —xi'.

Salmos 105:15

“Ma me xacontroinic te mach'atic tsabil cu'une, ma me x'awuts'inbonic te j'alwanejetic cu'une”, xi'.

Salmos 17:4

jich bit'il ya spasic te yantique. Jilem cu'un sbelal te c'ajc'ubele, jich bit'il ya yal te mandaliletic awu'une.

Salmos 57:1

Na'bon yo'bolil jba, Dios cu'un, na'bon yo'bolil jba, melel ta atojol ya me jle canantayel. Ya jc'an ya jnac' jba ta ye'tal axic' c'oem, ja' to teme c'axix bael a te woclajele.

Salmos 7:4

¿Yu'un bal jpasoj te bila amen ta stojol te mach'a lec bila spasojbone? ¿Yu'un bal yacon ta sleel yuts'inel te jcontroe?

1 Samuel 10:1

Te Samuel la stsac jun ch'in oxom aceite, la smalbey ta sjol te Saule. Te c'alal yac ta smalbeyel ta sjol a, jich la yal: —Yo'tic la awich'ix aseña yu'un Cajwaltic, swenta yu'un ya me awich'ix awat'el ta ajwalil ta stojol te lum Israel yu'une. Ja'at me ya awentainotic, soc ya me acoltayotic ta sc'ab te jcontrotic te ay ta sjoylejal. Jich me ya ana' te la yalatix ta jamal te Cajwaltic te ya x'ochat ta ajwalil ta stojol te lum yu'une:

1 Samuel 12:3

Yo'tic li' ayon ta atojolic. Teme ay mach'a la jpojbey swacax o sburro, teme ay mach'a ay swocol cu'un, teme ay mach'a la jtojol-lebey smul, teme ay ma tojuc la jchajban ta swenta sbic'tal co'tan yu'un taq'uin, ya xju' ya awalbonic jmul ta stojol te Cajwaltic soc ta stojol te muc' ajwalil te ja' nix stsaoje. Ya me jtojbey te mach'a ay jbet yu'une —xi'.

1 Samuel 26:8

Jich la yalbey te David te Abisai: —Dios la yac'batix ta ac'ab te acontro. Ac'awon bael, ya jmil ta ora, ya jts'ap ta lum soc te slanzae, ta jun nax buelta tic' ya xlaj a —xi'.