1 Samuel 26:5 - Bible in Tzeltal de Oxchuc y Tenejapa

⁵ Patil te David bajt' c'alal ta banti la spas scampamento te Saule. La yil ta lec te banti ya xway, soc te banti ya xway te Abner snich'an Ner, te ja' general yu'un spisil te soldadoetic yu'une. Te Saúl wayal ta yolil te campamento, joytabil yu'un spisil te swinictaque.

Bible in Tzeltal Bachajón

⁵ Hich hahch bahel te David, baht ta banti spasoj scampamento te Saúl. La yil banti wayal te Saúl soc te Abner snich'an Ner, te jtsobaw yu'un te soldadohetic yu'une. Te Saúl wayal ta yohlil te campamento, joytaybil yu'un te winiquetic yu'une.

1 Samuel 26:5 ပူးပေါင်းရင်းမြစ်များ

2 Samuel 3:27

C'alal c'ot ta Hebrón te Abner, te Joab la yic' bael ta jejch' ta sti' yochibal te lume, swenta yu'un ya xc'opoj ta stuquel soc. Tey la yejch'entes ta xch'ujt', jich laj te Abner. Jich la sujt'esbey spacol te milbot te yijts'in Asael.

1 Crónicas 9:39

Ja' snich'an Ner te Cis; ja' snich'an Cis te Saúl; ja' snich'an Saúl te Jonatán, Malquisúa, Abinadab soc Es-baal.

1 Samuel 17:20

C'alal sacub, buen sab jajch' te David. La yac'bey jilel ta swenta yan winic te chijetic, bajt' stuquel, yich'oj bael te we'eliletic ac'bot yu'un te Isaí. C'alal c'ot ta scampamento te soldadoetic, yacal xchajbanbel sbaic, yacalic ta aw swenta yu'un ya xbajt'iquix ta guerra.

1 Samuel 17:55

Ta neelal to, te c'alal la yilic te loc' bael te David te ba sta sba soc te filisteo, te Saúl la yalbey te Abner, te general yu'un soldadoetic: —Abner, ¿mach'a snich'an te quereme? —xi'.

1 Samuel 26:4

Ja' yu'un la sticun j'il-q'uinaletic ta yilel banti julem.

1 Samuel 9:1

Ta sts'umbal Benjamín ay jtul winic Cis sbiil, Abiel te state, Zeror te xcha'lamal smame; te stat te yoxlamal smame Becorat sbiil, snich'an Afía. Te Cis mero ich'bil ta muc'.