1 Samuel 24:9 - Bible in Tzeltal de Oxchuc y Tenejapa

⁹ Jich la yalbey: —Cajwal, ¿bi yu'un ya ach'uun te mach'atic ya yalbat te yac jlebelat awocole?

Bible in Tzeltal Bachajón

⁹ Hich la yalbe te Saúl: ¿Bin yu'un yac awa'iybe sc'op te mach'atic hich ya yalic: Te David ya sc'an ya ya'bat wocol, te xchihique?

1 Samuel 24:9 ပူးပေါင်းရင်းမြစ်များ

Salmos 101:5

Ya me jcom te mach'atic muquen ya slebeyic smul te spat-xujq'ue; ma jc'an te mach'a toyba, soc te muc' ya yac' sbae.

Salmos 141:6

Te jwentainwanejetic yu'un te mach'atic amen yo'tanique ya me yich'ic ch'ojel coel ta wits; ya me yilic te lume te melel te jc'op ya cale.

Proverbios 16:28

Te j'ixta-o'tane ya sjach c'op; te mach'a jle-c'ope ya sjajch'es controinel.

Proverbios 17:4

Te mach'a amen soc te mach'a ya spas lote, muc' sc'oplal ya xbajt' yu'unic te bol c'opetique.

Proverbios 18:8

Te le-c'op bujts'an ta aiyel, jichuc c'unil we'elil; ja'uc me to, ya xc'ub swocolil c'alal ta yutil o'tanil.

Proverbios 25:23

Teme ya xtal ta norte te iq'ue, jich ya xtal te ja'ale; ja' nix jich te bol c'opetic ya xloc' ta quejtic, ya xchicnaj ta quelawtic.

Proverbios 26:28

Te mach'a ya spas lot ya yilay te bila melele; lamal nax te sc'ope, pero ya xjowej yu'un te lume.

Proverbios 29:12

Te ajwalil te ya xch'uunbey sc'op te jpas-lote, amen ya xc'ot spisil te abatetic yu'une.

Jeremías 37:18

Ja'uc me to, te Jeremías la yalbey te muc' ajwalil Sedequías: —¿Ay bal bila ma lecuc jpasoj ta atojol, muc' ajwalil, soc ta stojol te yantic te ay yat'elic awu'une, o ta stojol te lum, te ochemon ta chuquel yu'une?

Levítico 19:16

“Ma me x'ochat ta le-c'op soc te alumale. “Ma me xawac' aba a teme ay ya yich' milel te alumale. Jo'on Ajwalilon.

Santiago 3:6

Te cac'tique jich bit'il c'ajc'. Ja' jun yawil te nojel ta mulil te ay ta jbaq'uetaltique te ya sboltes spisil te jbaq'uetaltique. Ja' nix ya xtilesbot jach'el yu'un spisil te jcuxlejaltic soc te c'ajc' te tilem tel ta bay infierno.

1 Samuel 20:1

Te David loc' jajch'el ta anel ta Naiot ta Ramá, bajt' ta banti ay Jonatán, yu'un ay bi ba yalbey: —¿Bila jpasoj te jo'one? ¿Bila jmulinej? ¿Bila jmul jtaoj ta stojol te atat, te yac slebelon te ya smilon yu'une? —xi' te David.

1 Samuel 20:41

Te c'alal bajt' te abate, ora loc' tel ta spat busul ton te David. C'alal c'ot ta stojol te Jonatán, oxeb buelta la stinan sba coel c'alal ta lum ta stojol. Patil la sbujts'i sbaic, pajal la yoq'uetay sbaic, pero ja' bayal oc' te David.

1 Samuel 24:10

Yo'tic ya me ana' ta lec te ma jichuque, melel te Cajwaltic nax la yac'atix ta jc'ab ta nailch'en. Te winiquetic la yalbonic te ya jmilate, pero la jpasbat perdón. Jich la cal: “Ma me ba ya xyal jc'ab ta stojol te cajwal, melel tsabil yu'un Cajwaltic”, xoon.

1 Samuel 24:8

Pero te David ta spat nax loc' bael ta nailch'en, jajch' yawtay: —¡Cajwal, cajwal! —xi'. Te Saúl la sut sit ta spat. Jich te David ora la stinan sba coel c'alal ta lum swenta seña yich'el ta muc'.

1 Samuel 26:18

Pero ¿bi yu'un ya anutson te abaton awu'une? ¿Bi jpasoj? ¿Bi amen jpasoj?

1 Samuel 26:19

Wocoluc, cajwal, yacuc awaiybon jc'op jo'on te abaton awu'une. Teme ja' te Cajwaltic te ya yac'bat acontroinone, yacuc lamajuc yo'tan yu'un teme ya cac'bey smajt'an. Pero teme swenta nax winiquetic, jc'axel ch'aybil ac'a c'otuc yu'un te Cajwaltique. Melel ya stenoniquix loq'uel li' ta q'uinal yac'ojbotic te Cajwaltique, jich ya sticunonic bael ta spasel yat'el yan diosetic ya caiy.