1 Samuel 23:3 - Bible in Tzeltal de Oxchuc y Tenejapa

³ Pero te swinictac David jich la yalic: —Te li' to ayotic ta sq'uinal Judá yacotic ta xiwel, ¿ja'uc to balix a te ya xbootic ta lum Keila ta yaq'uel guerra te filisteoetique? Ya xtoy xan te xiwel ya caiytique —xiic.

Bible in Tzeltal Bachajón

³ Pero te winiquetic sjoquinejic te David hich la yalbeyic: Li' ta sq'uinal Judá ayotcotic ta xiwel, ¿ha'uc to balix a teme ya xbohotic ta Keila ta ya'beyel guerra te soldadohetic yu'un te filisteohetique? xchihic.

1 Samuel 23:3 ပူးပေါင်းရင်းမြစ်များ

Salmos 11:1

Jo'on ya jle canjib ta stojol te Cajwale. Tojol te bila ya awalbonique: “Anan bael ta witstiquil jich bit'il te ja'mal mutetique.

Jeremías 12:5

Te Cajwaltic la yalbon: —Teme ya xlubat yu'un animal soc winiquetic te ya xbeenic ta yacane, ¿ya to bal xju' awu'un stsalel te mach'atic ya xbeenic ta caballo? Ta bay senel nax te q'uinale, jun nax awo'tan ya awaiy tey a; ¿ja'uc me to, bila ya apas yu'un te pimil ja'mal ta Jordán?

1 Samuel 23:15

Pero te David puersa bayal la xi' te Saúl ta scaj te loq'uem ta leel yu'un ya xmilote. Ja' yu'un jil ainuc ta Hores ta taquin q'uinal Zif.

1 Samuel 23:2

la sjojc'obey te Cajwaltic: —¿Ya bal awac'on bael te ya xba cac'bey guerra te filisteoetique? —xi' ta stojol. Jac'bot yu'un te Cajwaltic: —Yacuc, baan ac'beya guerra, coltaya ta sc'ab filisteoetic te lum Keila —xi' sc'oplal yu'un te Cajwaltique.

1 Samuel 23:23

Ila me awilic ta lec te nac'ojibaletic ta banti ya x'oche. Patil ya me sujt'ex tel ta jtojol te c'alal mero ana'ojiquix ta lec a, jich me ora ya joinexix bael. Teme mero melel te bay ya awalique, xtiq'uet me ya jle ta juju-jchajp sts'umbal Judá —xi'.

1 Samuel 23:26

Ta jejch' wits yac ta beel te Saúl soc te swinictaque. Ta yan jejch' wits yac ta beel te David soc te swinictac, yac'ojic puersa yu'un ya sc'an ya xc'ubic bael ta stojol te Saule. Pero te Saúl soc te swinictac la sjoytayic te David soc te swinictaque. Te c'alal nopol ya stsajq'uix yu'unic a,

1 Samuel 23:4

Te David bajt' xan ta sjojc'obeyel te Cajwaltique. Te Cajwaltic jich la yal: —Jajch'an ta beel, baan ta Keila, jo'on ya cac'bat ta ac'ab te filisteoetique —xi'.