1 Samuel 22:8 - Bible in Tzeltal de Oxchuc y Tenejapa

⁸ melel ma'yuc mach'a la yalbon teme xchapoj sc'op te jnich'an soc te snich'an Isaí. Ma'yuc jtuluquex te ay jc'oplal ta awo'tanique. Ma'yuc mach'a la yalbon caiy teme ja' nix te jnich'an te yac ta aq'uel yip yo'tan yu'un te ya scontroinon te jcuch-at'ejibal ta guerra cu'une, swenta yu'un ya xchajban sba smaclibelon, jich te bit'il yac ta spasel ta ora in to —xi'.

Bible in Tzeltal Bachajón

⁸ ¿Ha bal scuentahil te yac achap ac'opic te yac acontrahinonique? Mayuc mach'a la yalbon ca'iy te bin ut'il te jnich'an la schap sc'op soc te snich'an Isaí, soc mayuc jtuhluquex te yac ana'bonic yo'bolil jba soc yac awalbonic te bin ut'il te jnich'an la sjuc sba soc te ca'bat te ya smacliyon, hich te bin ut'il yac spasbel ta ora ini, xchi.

1 Samuel 22:8 ပူးပေါင်းရင်းမြစ်များ

2 Reyes 6:11

Te muc' ajwalil yu'un Siria mero jowejem sjol ta scaj te jich la spasic te israeletique. Ja' yu'un la yic' te capitán-soldadoetique, jich la yalbey: —¡Albonic mach'a a te li' ay cu'untic te jun yo'tan soc te muc' ajwalil yu'un Israel! —xi'.

Job 33:16

Te ants-winique, Dios ya xc'opoj ta xchiquin, ya spas ta mandal, soc bayal ya xiwtes

1 Samuel 18:1

Te c'alal laj yo'tan ta c'op Saúl soc te David, te Jonatán mero jun xch'ulel la yaiy sba soc David, jich c'ux la yaiy ta yo'tan te bit'il c'ux ya yaiy sba stuquele.

1 Samuel 18:3

Jich te Jonatán soc David, jc'axel la xchapic te c'ux ya yaiy sba ta yo'tanic sbajt'el q'uinal, melel te Jonatán mero jun yo'tan la yaiy sba soc ta mero melel te David.

1 Samuel 20:2

La sjac' te Jonatán: —Ma jichuc ya sc'an te Diose, ma ba ya smilat. Ja' me x'ana' te ma'yuc bi ya spas ta stuquel nax, puersa me ya yalbon, manchuc me tulan sc'oplal o ma ba tulan sc'oplal. ¿Yu'un bal ma sc'an ya yalbon caiy te jtate? Ma wan —xi' te Jonatán.

1 Samuel 20:42

Swenta slajibal, te Jonatán la yalbey te David: —Lec ay, baan, jun awo'tan xbaat. Te bila jc'axel jchapojtic jchebaltic, ja' jchapojtic ta swenta te Cajwaltique. Jc'anojbeytic te yacuc swentainotic ta jchebaltic soc cal-jnich'an soc awal-anich'an ta cajalcaj ta sbajt'el q'uinal —xi'. Jich jajch' ta beel, bajt' te David. Te Jonatán sujt' bael ta lum stuquel.

1 Samuel 20:8

Lec ay jiche, pasbon te bila ya calbate, wocoluc. Melel jo'on te awabaton te jamal calojtic ta stojol Cajwaltic te c'ux ya caiy jbajtique. Yan teme jo'on ay jmule, milawon ja'at, ma puersauc ya awic'on bael ta stojol te atate —xi' te David.

1 Samuel 22:13

Jojc'obot yu'un: —¿Bi yu'un te la apaj awo'tan soc te snich'an Isaí acontroinbelon soc? Ja'at la awac'bey we'elil soc puñal, soc ay bi la ajojc'obey Dios ta stojol, swenta yu'un ya scontroinon, ya xchajban sba yu'un ya smacliyon jich te bit'il yac ta spasel ta ora in to —xi'.

1 Samuel 23:21

Jich albotic yu'un te Saúl: —Ac'a yac'beyex bendición te Dios te bit'il la ana'bonic yo'bolil jba.