1 Samuel 22:4 - Bible in Tzeltal de Oxchuc y Tenejapa

⁴ Jich la stejc'an ta stojol muc' ajwalil yu'un Moab te sme'-stat. Tey ainic soc a te jayeb c'aal te jalaj ta anjibal te David.

Bible in Tzeltal Bachajón

⁴ Hich la yic'ticlan tal ta stojol te ajwalil yu'un Moab te sme'stat, tey ayinic soc a te jayeb c'ahc'al halaj ta ahnibal te David.

1 Samuel 22:4 ပူးပေါင်းရင်းမြစ်များ

2 Samuel 24:11

C'alal sacub q'uinal ta xchebal c'aal, jajch' te David. Te Cajwaltic jich la yalbey te j'alwanej Gad, ja' te ay bitic ya yalbey te David:

2 Samuel 8:2

Soc la stsal te moabetique. La yac'bey sliman sbaic ta lum, la sp'is ta lazo. Cha'p'is te mach'atic la yac' ta lajele, jp'is te mach'atic ma ba la yac' ta lajele, asta ja' to loc' ta p'isel spisilic. Jich jilic te moabetic, u'uninotic yu'un David, soc la stoj spatanic ta stojol.

1 Crónicas 11:16

Te David ay ta anjibal ch'en te bi c'aalil te ay soldado-filisteoetic ta lum Belén.

1 Crónicas 12:16

Soc ay winiquetic ta sts'umbal Benjamín soc ta sts'umbal Judá, te jun ba yac' sbaic soc David ta yanjib ch'en.

1 Crónicas 21:9

Jich yu'un te Cajwaltic la yalbey te Gad, ja' te j'alwanej yu'un Dios te ay ta stojol David:

1 Crónicas 29:29

Te sc'oplal te muc' ajwalil David, c'alal ta xjajch'ibal soc ta slajibal, tey ts'ibubil ta sjun te j'alwanej Samuel, ta sjun te j'alwanej Natán, soc ta sjun te j'alwanej Gad.

2 Crónicas 29:25

Te muc' ajwalil Ezequías la yac' ta templo yu'un Cajwaltic te levitaetic te ya stijic te platilloetic, salterioetic soc cítaraetic, jich nix bit'il chapal yu'un te namey q'uinal muc' ajwalil David, soc Gad te j'alwanej yu'une, soc te j'alwanej Natán, melel jich mandal yu'un Cajwaltic te yac'ojbey ta swentaic te j'alwanejetic yu'une.

Nehemías 6:11

Pero jich la calbey: —Te jo'one ma x'anon, soc ma x'ochon ta templo yu'un ya jxi' milel. Te jo'one, ma ba ya jnac' jba ta templo —la cut.

Salmos 11:1

Jo'on ya jle canjib ta stojol te Cajwale. Tojol te bila ya awalbonique: “Anan bael ta witstiquil jich bit'il te ja'mal mutetique.

San Mateo 10:23

Te c'alal ya snutsex in lum to, ananic bael ta yan lum. Jamal ya calbeyex, ma to xnup' ta ilel awu'unic spisil a te lumetic yu'un israeletic te c'alal ya xtal te Nich'anile.

1 Samuel 22:3

Jajch' bael tey a te David, bajt' ta Mizpa ta sq'uinal Moab. Jich c'o yalbey te muc' ajwalil yu'un Moab: —Ya calbat wocol, ayuc bit'il ya awic'bon jilel ta atojolic te jtat soc te jme'e, ja' to ya quil te bila ya spas mandal ta jtojol te Diose —xi'.

1 Samuel 22:5

Te Gad, te j'alwanej yu'un Dios, la yac'bey consejo te David: —Ma me x'ainat li' ta anjibal ch'en ta banti ayotique. Jajch'an ta beel, baan ta sq'uinal Judá —xi'. Jich bajt' te David, c'ot ta toyem te'tiquil Haret.