1 Samuel 22:3 - Bible in Tzeltal de Oxchuc y Tenejapa

³ Jajch' bael tey a te David, bajt' ta Mizpa ta sq'uinal Moab. Jich c'o yalbey te muc' ajwalil yu'un Moab: —Ya calbat wocol, ayuc bit'il ya awic'bon jilel ta atojolic te jtat soc te jme'e, ja' to ya quil te bila ya spas mandal ta jtojol te Diose —xi'.

Bible in Tzeltal Bachajón

³ Loc' bahel tey a te David, baht ta Mizpa ta sq'uinal Moab, hich c'oht yalbe te ajwalil yu'un Moab: Ya calbat wocol te yacuc sjoquinex hilel te jme'jtat ha to ya jna' te bin ya spasbon te Diose, xchi.

1 Samuel 22:3 ပူးပေါင်းရင်းမြစ်များ

Génesis 47:11

Jich te José la sle bay lec te q'uinal la yac'bey te stat soc te sbanquiltaque. Ja' la yac'bey sq'uinalinic te Ramsés, jich nix bit'il albot yu'un te faraón.

2 Samuel 8:2

Soc la stsal te moabetique. La yac'bey sliman sbaic ta lum, la sp'is ta lazo. Cha'p'is te mach'atic la yac' ta lajele, jp'is te mach'atic ma ba la yac' ta lajele, asta ja' to loc' ta p'isel spisilic. Jich jilic te moabetic, u'uninotic yu'un David, soc la stoj spatanic ta stojol.

Éxodo 20:12

“Ich'a ta muc' te ame'-atate, swenta yu'un ya me xnajt'aj acuxlejal ta aq'uinal te ya cac'bat te Ajwalilon te Dioson awu'une.

1 Timoteo 5:4

Ja'uc me to, teme ay me'ba ants te ay yalatac, o teme ay smamataque, ja' me neel ay ta swentaic te alnich'anetic te bit'il ya sc'an ya yich' wentainel yu'unic ta stojol Dios, swenta yu'un tey sujt'esbil yu'unic ya xc'ot sjelol swocol te me'il-tatile. Melel ja' lec ta pasel, soc ja' bin nax yo'tan Dios yu'un.

Jueces 11:29

Te espíritu yu'un te Cajwaltic tal ta stojol te Jefté. Jich been ta sq'uinal Galaad soc ta sq'uinal Manasés, c'ax ta lum Mizpa te ay ta sq'uinal Galaad, yu'un ya yochintay te sq'uinal amonetique.

Rut 4:10

Soc ja'ex testigoex yu'un te ya quic' quinamin te Rut, te me'ba ants talem ta Moab. Jich ma xch'ay sbiil ta q'uinal te anima smamlal te Mahlón sbiile. Ma xch'ay sbiil ta stojol te slumale, soc ma'yuc bi ora ya xch'ay ta o'tanil yu'un. Ja'ex me testigoex cu'un —xi'.

Rut 4:17

C'alal la yil te spat-xujq'ue, jich la yalic: —¡Ayinix alal yu'un te Noemí! —xiic. La slebeyic sbiil, Obed c'ot yu'unic. Ta patil ja' stat te Isaí, soc ja' smam te David.

1 Samuel 14:47

Jich te Saúl ay ta ajwalil c'ot ta spamal te sq'uinal israeletique. La yac'bey guerra ta spisil ta bayuc te scontro, ja'ic te Moab, Amón, Edom soc te muc' ajwalil ta Soba, soc nix te filisteoetique. Ta bayuc bajt' te Saúl la yaiy tsalaw.

1 Samuel 22:2

Soc bajt'ic te mach'atic c'ux obol sbaic, te mach'atic ay sbetic, soc te mach'atic ma lecuc yo'tanic ta stojol Saúl, ja' jtsobwanej c'ot yu'unic te David. Ta spisil te jayeb la stsob te David, ay wan jbajc' ta jtul (400) ta spisilic te winiquetique.

1 Samuel 22:4

Jich la stejc'an ta stojol muc' ajwalil yu'un Moab te sme'-stat. Tey ainic soc a te jayeb c'aal te jalaj ta anjibal te David.

1 Samuel 3:18

Te Samuel la xcholbey yaiy spisil te bitic albot yu'un te Cajwaltic, ma'yuc la smuc ta yo'tan. Te Elí jich la yal ta spisil yo'tan: —Ja' Cajwaltic stuquel. Ac'a spas te bi lec ta pasel ya yaiye —xi'.