1 Samuel 22:2 - Bible in Tzeltal de Oxchuc y Tenejapa

² Soc bajt'ic te mach'atic c'ux obol sbaic, te mach'atic ay sbetic, soc te mach'atic ma lecuc yo'tanic ta stojol Saúl, ja' jtsobwanej c'ot yu'unic te David. Ta spisil te jayeb la stsob te David, ay wan jbajc' ta jtul (400) ta spisilic te winiquetique.

Bible in Tzeltal Bachajón

² Soc talic ta joquinel yu'un te mach'atic ay swocolic, te mach'atic ay sbetic, soc spisil te mach'atic pich'il yo'tanic, ha jtsobaw c'oht yu'unic te David. Ay wan jbahc' ta tuhl (400) winiquetic la sjoquin.

1 Samuel 22:2 ပူးပေါင်းရင်းမြစ်များ

2 Samuel 17:8

Ja'at nix mero ana'oj te ma xiwic te atat soc te swinictaque. Yo'tic mero jajch'em slab yo'tanic, jich c'oemic te bit'il sme' ja'mal oso te yich'oj pojel yalataque. Soc xan, te atate mero c'aem ta guerra, ma ja'uc sjoinej ya xc'ax ajc'ubal te swinictaque.

2 Samuel 5:2

Manchuc me ja' muc' ajwalil cu'untic a te Saúl, pero ja'at ta mero melel te la awic' bael ta guerra te Israel. Soc ja' nix te Cajwaltic te yalojbat te ja'at te ya awentain soc te ya x'ochat ta ajwalil yu'un Israel —xiic c'oel.

2 Reyes 20:5

—Sujt'an bael, albeya te Ezequías te jwentainwanej yu'un te lum cu'une: “Te Cajwaltic te Dios yu'un te antiguo ame'-atat David, jich la yal: ‘Jo'on la caiybatix te ac'ope, soc la quilbatix te ya'lel asite, ja' yu'un ya me jch'aybat te achamele. Li' ta oxeb c'aal ya me xju'ix ya xbaat ta templo yu'un Cajwaltic a.

2 Reyes 4:1

Ay jtul ants te la yinamin jtul j'alwanej yu'un Dios, bajt' ta stojol Eliseo, jich c'o yal: —Te jmamlale lajix. Ana'oj te la yich' ta muc' te Cajwaltique. Yo'tic talix ta jtojol te jc'an-betile, ya sc'an ya yic'bon bael smozoin te cheb calataque —xi'.

Proverbios 31:6

Ja' nax ac'a yuch'ic tulan uch'balil soc vino te mach'atic ma'yuc yipic soc te mach'atic pejc'ajem yo'tanique;

San Mateo 11:12

“Te c'alal tal te Juan J'ac'-ich'ja'e ja' to ta ora to, jajch' ta controinel yu'un te bit'il ay ta ajwalinel te Dios te ay ta ch'ulchane. In te mach'atic yich'oj sbaic ta muc' soc te yipique, yo'tanuc ya yu'uninic.

San Mateo 11:28

La'ic me ta jtojol ta apisilic ja'ex te lubenex yu'un te tulan at'ele soc te ijc'atsile. Jo'on ya cac'beyex acux awo'tanic.

Hebreos 2:10

Spisil te bitic aye ja' yu'un te Diose, soc ja' ta swenta te la yich' pasele. Jich la sc'an yo'tan Dios te ya sjoin ta utsilal spisil te alnich'anetic yu'une. Ja' swentail te ja' lequil Jcoltaywanej c'ot yu'unic te Jesucristoe, ta swenta bit'il c'ax bayal swocol.

Jueces 11:3

Jich yu'un te Jefté an loq'uel ta stojol te yermanotaque, ba ainuc ta bay q'uinal te Tob sbiile. Tey la stsob milawetic a te ya xloq'uic bael ta spasel bol at'elil soque.

Jueces 18:25

Te danetic la sjaq'uic: —Ma me xtoyat soc te ac'ope. Ja' me wocol teme ay ma xcujch' cu'untic te jo'otique, te ya jlajintic acuxlejal te ja'at soc te mach'atic ay awu'une —xiic.

1 Samuel 1:10

Te Ana jajch' ta buen oq'uel, mero xbiq'uit nax sti' ta oq'uel ta stojol te Cajwaltique.

1 Samuel 22:3

Jajch' bael tey a te David, bajt' ta Mizpa ta sq'uinal Moab. Jich c'o yalbey te muc' ajwalil yu'un Moab: —Ya calbat wocol, ayuc bit'il ya awic'bon jilel ta atojolic te jtat soc te jme'e, ja' to ya quil te bila ya spas mandal ta jtojol te Diose —xi'.

1 Samuel 23:13

Jich ora te David soc te swinictac te ay wan lajunwinic xcha'bajc' (600) ta spisilic, loq'uic bael ta Keila, ma ba la sna' banti ya xbajt'ic. C'alal la yaiy te Saúl te loq'uix bael ta Keila te David, ma'yuc bi la spasix, ma ba la stenix bael.

1 Samuel 25:13

Te David ora la yalbey tulan mandal te swinictac: —Tsaca awat'ejibic yu'un guerra ta apisilic —xi'. Te swinictac ora la xchuc ta xch'ujt'ic spuñalic ta spisilic soc te David. Jbajc' (400) winiquetic sjoinej bael, lajunwinic (200) jilic ta scanantayel te biluquetic yu'unique.

1 Samuel 30:6

Te David ma sna' bi ya yut sba scaj te yac ta alel te ya yich' xch'ojel ta ton yu'un te swinictaque, melel spisilic ilinem yo'tanic yu'un te bi c'oem ta pasel ta stojol te snich'nabique. Pero ja' la yipin yo'tan te Cajwaltic te Dios yu'une.

1 Samuel 9:16

—Pajel ta jich ora in to, ya me jticunbat tel jtul winic talem ta sq'uinal sts'umbal Benjamín. Ja' te mach'a tsabil ya xc'ot awu'un. Ya me awac'bey yich' yat'el ta swentainel te lum Israel cu'un, ya me amalbey aceite ta sjol. Ja' me ya scoltaybon loq'uel ta sc'ab filisteoetic te israeletique. La jna'beyix yo'bolil sba te lum cu'une, melel c'otix c'alal ta jtojol te sc'opique —xi' sc'oplal yu'un te Diose.