1 Samuel 20:3 - Bible in Tzeltal de Oxchuc y Tenejapa

³ Pero te David c'opoj xan: —Te atat sna'oj te lec awo'tan cu'une. Ma sc'an ya yalbat awaiy, yu'un ya xi' ya x'ilinat yu'un. Pero ya calbat ta jamal ta stojol te Cajwaltic soc ta atojol, te mero tec' xanix ta acanil quiloj jba soc te lajele —xi'.

Bible in Tzeltal Bachajón

³ Te David la scha'hal xan ta jamal: Te atat sna'oj te lec awo'tan cu'un, hich wan ya yal: Ma me x'a'bot sna' ini te Jonatán scuenta yu'un ma ba ya smel yo'tan a, xchi. ¡Yiloj Jehová, soc cuxulat! jihm xanix ta ocal quiloj jba soc te lajele, xchi.

1 Samuel 20:3 ပူးပေါင်းရင်းမြစ်များ

2 Samuel 15:21

Te Itai la sjac'bey sc'op te muc' ajwalil: —Ya cal ta jamal ta stojol te Cajwaltic soc ta atojol te bayuc ya xbaat, manchuc me ya xlajat o ya xcuxinat, tey me ayon a te jo'on te awabatone —xi'.

2 Reyes 2:2

Te Elías jich la yalbey te Eliseo: —Jilan li' to yu'un ya sticunon bael ta Betel te Cajwaltique —xi'. Pero te Eliseo jich la yal: —Jc'axel ya cal ta jamal ta stojol Cajwaltic, soc nix ta atojol, te ma ba ya quijq'uitayat atuquel —xi'. Jich la sjoin bael c'alal ta Betel.

2 Reyes 2:4

Patil te Elías jich la yalbey te Eliseo: —Jilan li'to, yu'un ya sticunon ta Jericó te Cajwaltique —xi'. Pero te Eliseo la sjac': —Jc'axel ya cal ta jamal ta stojol Cajwaltic, soc nix ta atojol, te ma ba ya quijq'uitayat atuquel —xi'. Jich la sjoin sbaic bael c'alal ta Jericó.

2 Reyes 2:6

Jich cha'albot xan yu'un te Elías: —Jilan li'to, yu'un ya sticunon ta muc'ja' Jordán te Cajwaltique —xi'. Pero te Eliseo jich la yal: —Jc'axel ya cal ta jamal ta stojol Cajwaltic, soc nix ta atojol te ma ba ya quijq'uitayat atuquel —xi'. Jich bajt' xchebalic.

Salmos 116:3

La sts'oton slazoil te lajel, la staon smel-o'tanil te muquenal, la xchucon te xiwel soc te xc'uxule.

Jeremías 38:16

Ja'uc me to, te muc' ajwalil Sedequías muquen la yalbey te Jeremías, soc jamal la yal ta stojol te bit'il ay te yo'tane: —Ya cal ta stojol Cajwaltic, te la yac'botic jcuxlejaltique, te ma ba ya cac'at ta milel, soc ma ba ya cac'at ta sc'abic te mach'atic ya sc'an smilate —xi'.

Jeremías 4:2

jich me ya xju' te ya atabon ta alel jbiil ta smelelil, ta stojil soc ta swenta bitic lequic ta pasele. Ta swenta jbiil ya me xc'ot bendición ta stojol te nacionetic, soc ya me yalbonic lec jc'oplal —xi' te Cajwaltique.

Deuteronomio 28:66

Spisil me ora quechelat ta lajel ya awaiy. Ya me xiwat ta c'aaleltic soc ta ajc'ubal, ma me ayuc bi ora jun nax awo'tan ya awaiy ta acuxlejal.

Deuteronomio 6:13

Ch'uunaic me te Cajwaltic te Dios cu'untique, ja' nax me xawac' abaic ta abatinel yu'un stuquel. Teme ay bi ora ya ac'anic te ay bi jc'axel ya awalic ta jamale, ja' nax me xapasic ta swenta te Cajwaltique.

Hebreos 6:16

Jich bit'il te ants-winiquetique, teme ay bi bayal sc'oplal ta yo'tanic te bila ya yalique, ja' ya yac' ta testigo te mach'a cajal ay yu'unique. Swenta yu'un mero melel ya xc'ot te bila ya yale.

1 Samuel 1:26

C'opoj te Ana, jich la yalbey te Elí: —Pasa perdón, tatic, te bit'il cuxulat toe, talon ta atojol, melel jo'on te tey la jc'opon Dios ta ats'eele.

1 Samuel 17:55

Ta neelal to, te c'alal la yilic te loc' bael te David te ba sta sba soc te filisteo, te Saúl la yalbey te Abner, te general yu'un soldadoetic: —Abner, ¿mach'a snich'an te quereme? —xi'.

1 Samuel 20:2

La sjac' te Jonatán: —Ma jichuc ya sc'an te Diose, ma ba ya smilat. Ja' me x'ana' te ma'yuc bi ya spas ta stuquel nax, puersa me ya yalbon, manchuc me tulan sc'oplal o ma ba tulan sc'oplal. ¿Yu'un bal ma sc'an ya yalbon caiy te jtate? Ma wan —xi' te Jonatán.

1 Samuel 20:4

Te Jonatán la sjojc'obey: —¿Bi ya ac'an ya jpasbat ta atojol? —xi'.

1 Samuel 25:26

Pero ja' nix te Cajwaltic te la scomat ta smalel ch'ich'e, soc te ma ba la yac'bat te ja'at nix ya asutbey spacole. Te bi ya xc'ot ta swenta te Nabal, te jichuc ya xc'ot ta swenta spisil acontro soc spisil mach'atic ya slebat awocol.

1 Samuel 27:1

Pero te David la yal ta yo'tan: “Puersa ya sta yorail te ya smilon te Saule. Ja' yu'un te bila lec ya jpase, ya xboon ta anel ta sq'uinal filisteoetic, swenta yu'un jich me jun co'tan ya x'ainonix a, soc jich ma ba ya x'och sleonix ta sq'uinal Israel te Saule. Jich me ya xcolon loq'uel ta sc'ab a”, xi' te David.