1 Samuel 20:2 - Bible in Tzeltal de Oxchuc y Tenejapa

² La sjac' te Jonatán: —Ma jichuc ya sc'an te Diose, ma ba ya smilat. Ja' me x'ana' te ma'yuc bi ya spas ta stuquel nax, puersa me ya yalbon, manchuc me tulan sc'oplal o ma ba tulan sc'oplal. ¿Yu'un bal ma sc'an ya yalbon caiy te jtate? Ma wan —xi' te Jonatán.

Bible in Tzeltal Bachajón

² Mayuc; ma ba ya xlajat. Mayuc bin ya spas te jtat, teme bin muc' o tut, te ma ba ya yalbon. ¿Bin yu'un ya smucbon ta yo'tan te jtate? Ma hichuc ay, xchi te Jonatán.

1 Samuel 20:2 ပူးပေါင်းရင်းမြစ်များ

Génesis 44:7

La yalic: —¿Bi yu'un te jich ya awalbotique? Ma jichuc la jpastic te awabatotique.

Salmos 40:6

Te ja'at, ma ja'uc lec awo'tan yu'un milbil amajt'an, soc ma x'ac'an amajt'anin sit awalts'unubil, soc ma x'ac'an amajt'anin te scojt'ol ya yich' chiq'uel, ni ja'uc chic'bil majt'anil swenta stojol mulil. Ja'uc me to la ajambonix jchiquin.

Proverbios 29:24

Te mach'a la sjoin sba soc yantic te la xchapic elec', ja' ya scontroin te xcuxlejale; manchuc me yac ta yaiyel te ya x'ic'ot ta testigo, ma xyal stuquel.

Isaías 50:5

Te Cajwaltic la yac'bonix sp'ijil co'tan; ma ba la jtoy jba, soc ma ba la sujt'es jpat ta stojol.

San Lucas 20:16

Ya calbeyex te ya me xtal smil jilel te j'at'eletique, soc yantic me ya yac'bey swentain te ts'usubiltic yu'une —xi' te Jesuse. Te mach'atic la yaiyic stojole la yalic: —¡Ma jichuc ya sc'an te Diose! —xiic.

San Juan 15:15

Ma ba ya jp'isex xan ta abat, melel te mach'a abate ma sna' te bila ya spas te yajwale. Yan te ja'exe, jun co'tan jbatic, melel spisil cac'ojbeyex ana'ic stojol te bila yalojbon te Jtate.

San Juan 17:8

Melel la calbeyix yaiyic te bila awalojbone. La yich'iquix ta muc', soc c'otix ta yo'tanic te talemon ta atojol ta melele. La xch'uunix yo'tanic te ja'at la aticunon tele.

Josué 22:29

Dios me ya yac'otic ta libre yu'un te jtoybaeltic ta stojole, teme yu'un parte ya cac' jbajtic loq'uel yilel te bit'il la jpastic yan scajtijib majt'anil te ya jchic'tiquix majt'anil yilel a, teme majt'anil harina, teme yantic milbil majt'anil, te bit'il ay scajtijib majt'anil yu'un Cajwaltic te Dios cu'untic te ay ta yelaw te ch'ul awilal yu'une —xiic te jwolwanejetic yu'un te oxchajbique.

Josué 24:16

Jich yu'un te lume la sjaq'uic: —Ma me xyac'otic a te Cajwaltic te ya quijq'uitaytique, te ja' ya xba cac' jbajtic ta abatinel ta stojol te yantic diosetique.

1 Samuel 14:45

Pero te yajwal lum jich la yal: —¿Bi yu'un ya x'och ta lajel ta milel te Jonatán, te ja' la yac'otic ta buen tsalaw te jo'otic te israelotique? Ma'uc, ma xju' ya xlaj. Ja' testigo te Cajwaltic, ma xju' ya xyal ta lum ni jp'ijuc stsotsil sjol, melel te bi la spas te naxe, ja' la spas ta swenta yu'el te Diose —xiic. Jich la scoltayic ta milel Jonatán te yajwal lume.

1 Samuel 20:1

Te David loc' jajch'el ta anel ta Naiot ta Ramá, bajt' ta banti ay Jonatán, yu'un ay bi ba yalbey: —¿Bila jpasoj te jo'one? ¿Bila jmulinej? ¿Bila jmul jtaoj ta stojol te atat, te yac slebelon te ya smilon yu'une? —xi' te David.

1 Samuel 20:12

C'alal c'otic, jich la yalbey te David te Jonatán: —Ya cal ta jamal ta stojol Cajwaltic te Dios cu'untic te israelotique, te pajel o cha'wej, jich ora in to, ya me jtsatay quil te bila snopoj ya spas te jtate. Teme lec te bila snopoj ta yo'tan ta atojole, ya jticunbat ta alel.

1 Samuel 20:3

Pero te David c'opoj xan: —Te atat sna'oj te lec awo'tan cu'une. Ma sc'an ya yalbat awaiy, yu'un ya xi' ya x'ilinat yu'un. Pero ya calbat ta jamal ta stojol te Cajwaltic soc ta atojol, te mero tec' xanix ta acanil quiloj jba soc te lajele —xi'.

1 Samuel 9:15

Te c'alal pajel xanix ya xc'ot a te Saúl, te Cajwaltic ay bi la yac'bey sna' te Samuel: