1 Samuel 2:9 - Bible in Tzeltal de Oxchuc y Tenejapa

⁹ Te Cajwaltic ya me scanantay ta beel te mach'atic jun yo'tanic ta stojole; yan te mach'atic amen yo'tanic ya me xlajic ta yijc'al q'uinal stuquelic. Melel ma'yuc mach'a ya xju' ya yaiy tsalaw ta swenta nax te yip.

Bible in Tzeltal Bachajón

⁹ Ha ya scanantaybe yoc te mach'atic yu'un te ch'uhltesbilique, yan te mach'atic chopol yo'tanic ya me xlajic ta yihc'al q'uinal; como mayuc mach'a ya ya'iy tsalaw ta scuenta te yip stuquel.

1 Samuel 2:9 ပူးပေါင်းရင်းမြစ်များ

Job 18:18

Ya me yich' ch'ojel loq'uel ta saquil q'uinal, ya xco bael ta ch'ojel ta yijc'al q'uinal; ya me yich' tenel loq'uel ta balumilal.

Job 40:13

Muca jilel spisilic ta lum, maca jilel ta xchucjibal te banti ayic te mach'atic lajemique.

Job 5:16

ja' smuc'ul yo'tanic te mach'atic ma'yuc yipique, ja' ya smacbey yeic te j'amen-o'tanetique.

Job 5:24

Ya me x'esmaj abiluc ta ana, te c'alal ya awil te chambalametic awu'un, ts'acal me ya xc'o ata.

Salmos 1:6

Te Cajwaltique ya scanantay ta beel te mach'atic lec yo'tanique, yan te mach'atic amen yo'tanique sbelal ch'ayel ya xbajt' stuquelic.

Salmos 105:37

Te Diose patil la yic' loq'uel te lum yu'un, yich'oj loq'uel oro soc plata; ta spisil ta jchajp sts'umbal Israel, ma'yuc la sta falta.

Salmos 121:3

Ma xyac' xbilts'uj te awacane. Ma xway te mach'a ya scanantayate;

Salmos 121:5

Te Cajwaltic, ja' te ya scanantayat; te Cajwaltic, ja' te ya yaxintesat ta yu'el; ja' te teq'uel ta ats'eel ta scoltaybelate.

Salmos 121:8

Te Cajwaltic ya scanantayat ta spisil ta bayuc ya xbaat, te c'alal ya xloc'at bael soc te ya sujt'at tel; ta spisil ora ya scanantayat ta sbajt'el q'uinal.

Salmos 145:20

Te mach'atic c'ux ta yo'tanic te Cajwaltique, ya xcanantayot ta lec; yan te mach'atic amen yo'tanic ya sjinbey xcuxlejal stuquelic.

Salmos 31:17

Cajwal, ya cawtayat atuquel; ma xawac' spotson te q'uexlale. Ja' xawac' potsotuc yu'un q'uexlal te mach'atic amenique; muca jilel ta muquenal ta bay ma'yuquix ta aiyel stojol c'op.

Salmos 37:28

Melel te Cajwaltic ja' ya smulan te bila stojil ta pasel. Ma ba ya spijt'es te mach'a jun yo'tan ta stojole; yan te mach'atic amen yo'tanic ya slajin stuquel, jc'axel ya slajinbey sts'umbal.

Salmos 94:18

Te bi ora la cal: “Ya xbilts'uj cacan”, te xoone, te xc'uxul awo'tan, Cajwal, tal scoltayon te tulan ya jtejc'an jbae.

Salmos 97:10

Te Cajwaltic c'ux ta yo'tan te mach'a ya yilay te bila ma lecuque; ya scanantaybey xcuxlejal te mach'atic jun yo'tanic ta stojol; soc ya yac' ta libre te c'alal ya x'och ta sc'ab te mach'a amene.

Proverbios 16:9

Te ants-winiquetic ay ta swentaic te bila ya xchapique; ja'uc me to, ja' me ya xtojtesotic ta spasel yu'un te Cajwaltique.

Proverbios 2:8

ya scanantay te mach'atic ja' ya spasic spisil ora te bila stojil ta pasele, soc ya scanantay te mach'atic jun yo'tanic ta stojole.

Proverbios 3:26

melel ja' me ya yac'bat smuc'ul awo'tan te Cajwaltic, ma me xyac'at te ya x'ochat ta pejts'e.

Eclesiastés 5:17

Soc xan, te jayeb c'aal cuxul ta q'uinale, cuxin ta ijc' q'uinal, c'ux obol sba, soc bayal swocol te c'ax ta q'uinale.

Eclesiastés 9:11

Ta balumilal ay yan bila quiloj: Ma ja'uc te mach'a ya xju' yu'un animal te ya stsalawan ta animale, soc ni ja'uc te mach'atic ma sna'ic xiwel te ya tsalawanic ta guerra. Ma ja'uc spisil ora ay swe'el yu'un te mach'atic ay sp'ijilique, ni ja'uc jc'ulejetic te mach'atic ay snopjibal yu'unique, soc ni ja'uquic te mach'atic p'ijubtesbilic te buen maliybilique. Ta spisilic ta ch'in ajc' nax te jich ya xc'ot ta swentaique.

Isaías 27:3

Jo'on te Ajwalilon te ya jcanantay, spisil ora ya cac'bey ya'lel. C'aal ajc'ubal ya jcanantay swenta yu'un ma'yuc bi ya x'ac'bot swocol yu'un.

Isaías 47:5

—Ch'aban nax me ta naclej, ja'at te ach'ix Caldeaate, nac'a aba ta ijc' q'uinal. Melel ma'yuc mach'a ya yalbat xan: “Ja' mero me'il yu'un te nacionetique”, ma xiuc xan ac'oplal.

Jeremías 8:14

Te lum ya me yalic: —¿Bistuc ya x'ainotic li'to? Ya xbootic jpisiltic ta lumetic te tulanic sts'ajc'ule, repente ya smilotic ta jc'axel. Te Cajwaltic te Dios cu'untic ya yac'otic ta lajel; ya yac'botic cuch'tic ja' te capal soc veneno, melel yacotic ta spasel mulil ta stojol.

Jeremías 9:23

Te Cajwaltic ya yal: —Ma me toyemuc q'uinal ya yaiy te mach'a p'ije, ta scaj nax te sp'ijile; ma me jichuc ya spas te mach'a ay yipe, ta scaj nax te yipe; ma me jichuc ya spas te jc'uleje, ta scaj nax te sc'ulejale.

Nahúm 1:8

Ja'uc me to, jich bit'il snojel ja' ya smes bael spisil, ya slajin te mach'atic ya stoy sbaic ta stojole; ya xtaot ta ijc' q'uinal te scontrotaque.

Sofonías 1:15

Ja' me sc'aalelal ilimba, mel-o'tan soc woclajel, jinel ta jc'axel, ijc' q'uinal soc ajc'ubal, potsel ta tocal soc pimil axinal.

Zacarías 4:6

Te ch'ul abat c'opoj xan: —Ja' in to ja' te sc'op ya yal Cajwaltic ta stojol Zorobabel: “Ma ta swentauc bayal soldadoetic soc ma ta swentauc awip. Jo'on ta swenta Espíritu cu'un jtuquel”, xi' te Cajwaltic te Spisil ya xju' yu'une.

Números 6:24

‘Te Cajwaltic ac'a yac'bat bendición, ac'a scanantayat;

San Mateo 8:12

Yan te mach'atic sc'oplal ya x'ochic ta banti ay ta ajwalinel te Dios te ay ta ch'ulchane, ya me yich'ic ch'ojel bael ta ijc' q'uinal. Tey me ya xc'o yoq'uetay sbaic a, soc tey me ya xc'o sjets'ulay yeic a —xi' te Jesuse.

Romanos 3:19

Jna'ojtic stojol te bit'il spisil te bila ya yal te mandalile, ja' sc'oplalic te mach'atic ayic ta swenta te mandalile, swenta yu'un jich macal yeic ya xc'ot spisilic a. Spisil ants-winiquetic quechelic ta yich'el castigo yu'un te Diose.

Deuteronomio 33:3

Te Cajwaltic c'ux ta yo'tan te lum yu'une, ya scanantay te mach'a ya yac' sba ta sc'abe; ya me yac' sbaic ta ye'tal yacan, ya xch'uunic mandal yu'un.

1 Pedro 1:5

Ya me scanantayex ta yu'el te Diose ta swenta xch'uunjel awo'tanic, swenta yu'un jich me ya ataic te bila chajbanbil te ya yac'beyex awich'ic ta slajibal c'aale.

2 Pedro 2:17

Melel te lotil maestroetique jich c'oemic te bit'il pozo te ma'yuc ya'lel. Soc jich c'oemic te bit'il tocal te ya x'eanot bael yu'un te iq'ue. Chapal sc'oplalic te ya xc'o ainuquic sbajt'el q'uinal ta bay mero ijc' te q'uinale.

Judas 1:1

Jo'on Judason te abaton yu'un te Jesucristoe, soc ja' jbanquil te Jacoboe. Ya jpatbeyex awo'tanic ja'ex te ic'bilex yu'un te Jtatic Diose, soc te ch'ultesbilex yu'une, soc te canantaybilex yu'un te Jesucristoe.

Judas 1:13

Pajalic soc sbul mar te bayal sbolilal te q'uexlaltic sba te bila ya spasique. Pajalic soc eq'uetic te jowejemic ta beele te chapal sc'oplalic te ya xba ainuquic sbajt'el q'uinal ta bay mero ijc' nax te q'uinale.

Judas 1:3

Quermanotac te c'uxex ta co'tane, ay ta co'tan te ya jts'ibubeyex ta carta te bit'il ay sc'oplal te jcoleltic te pajal ay ta jwentatique, Ja'uc me to, la jnop te ja' lec ya jts'ibubeyex carta ta ora naxe. Yu'un ya jtac'uyex te ya me xc'opojex yu'un te xch'uunjel awo'tanic te jc'axel awac'ojiquix ta stojol Dios soc spisil te mach'atic ch'ul lum yu'un te Diose.

1 Samuel 25:26

Pero ja' nix te Cajwaltic te la scomat ta smalel ch'ich'e, soc te ma ba la yac'bat te ja'at nix ya asutbey spacole. Te bi ya xc'ot ta swenta te Nabal, te jichuc ya xc'ot ta swenta spisil acontro soc spisil mach'atic ya slebat awocol.