1 Samuel 2:8 - Bible in Tzeltal de Oxchuc y Tenejapa

⁸ Dios ya stam ta lum te me'bae, c'alal ta xch'ayjibal c'a'pal ya sjaches te mach'a ay ta wocole, soc ya yac' snajc'an sba ta yolil te mach'atic muc' sc'oplalic, ya yac'bey ta yawil te mach'atic ich'bilic ta muq'ue. Melel te Cajwaltic ja' yu'un te bit'il ipajem te lumq'uinale, tey la snajc'an a te balumilale.

Bible in Tzeltal Bachajón

⁸ Ha ya shach mohel ta ts'u'lum te pobre, ya shach ta sch'ayojibal c'a'pal te mach'a mayuc bin ay yu'un, scuenta yu'un ya yac' shuhcan sba soc príncipaletic soc ya yac' x'ich'otuc ta muc'. Como yu'un Jehová te yich'o-ip te lumq'uinal, tey la snahcan a te bahlumilale.

1 Samuel 2:8 ပူးပေါင်းရင်းမြစ်များ

Génesis 41:14

Jich yu'un te faraón la sticun ta iq'uel te José. Animal nax la sloq'uesic ta chucjibal, la sjoxbeyic sjol, la yac'beyic slap yan sc'u'. Jich ic'ot tel stejc'anbeyic ta stojol faraón.

Génesis 41:40

Ja'at me ya awentainbon spisil te jnae, soc ya me awal mandal ta stojol te lum cu'une. Jo'on xanix te cajal ayon ta ich'el ta muq'ue.

2 Samuel 7:8

Soc albeya xan te cabat David, te jo'on Ajwalilon te Spisil ya xju' cu'une ya calbey: “Jo'on la jloq'uesat tel ta corral yu'un chijetic, jo'on la jloq'uesat ta smaquel chijetic, swenta yu'un ya x'ochat ta jwentainwanej yu'un te lum Israel cu'une.

1 Reyes 16:2

Jich la yal: —Albeya te Baasa: “Jo'on la jtamat jajch'el ta ts'ubil lum, la cac'at ta jwentainwanej yu'un Israel, ja' te lum cu'une. Pero, ja' nix jich la apas te bit'il la spas te Jeroboam: la awac'beyix sle smul te Israel, ja' te lum cu'une. La awaq'uix ilinucon yu'un te muliletic la apasixe.

2 Reyes 9:6

Ora jajch' te Jehú, och bael ta yut na. Jich te j'alwanej yu'un Dios la smalbey te aceite ta sjole, soc jich la yalbey: —Te Cajwaltic te Dios yu'un Israel jich ya yalbat: “Jo'on ya jtsaat yu'un muc' ajwalil ya xc'oat yu'un Israel, ja' te lum cu'une.

Job 1:21

Jich la yal: —T'analon a julon ta balumilal yu'un te jme'e, t'anal ya xsujt'on bael. Ja' nix la yac'bon spisil te Cajwaltic, ja' nix la yich'bon sujt'el. Jelawen yutsil xch'ul-biil stuquel te Cajwaltique —xi'.

Job 2:8

Ja' yu'un te Job, ba snajc'an sba ta c'ajc'al tan soc la stsac xejt'elul c'a'oxom, la sjux sba a.

Salmos 102:25

Ja'at la awac'bey yiptajib te balumilal ta xjajch'ibal; ja'at nix atuquel la apas te ch'ulchane.

Salmos 104:5

Ja'at la awac'bey yiptajib te balumilal, swenta yu'un mero ma stij sba ta yawil.

Salmos 107:41

Te me'baetic ya me xcoltayotic ta mel-o'tan yu'un; ja' ya yac' esmajuc sts'umbal jichuc chijetic.

Salmos 24:2

Melel te Cajwaltic, ja' la yac'bey yiptajib te balumilale, la yac' ta sba te maretic soc ta sba ja'etic.

Salmos 75:3

Te c'alal ya xnijc' te lumq'uinal soc ta spisil te mach'atic nainemic tey ae, ma ba ya cac'bey sjin sba te yiptajibe”, xi'.

Salmos 75:4

Jich ya calbey te mach'atic yich'oj sbaic ta muc' soc te mach'atic amen yo'tanic: “Ma me toyoluc xawac' abaic, ma me jtoyba-o'tanuquex;

Salmos 75:7

Melel ja' Jchajbanwanej stuquel te Diose; ay me mach'atic ya spejc'an, soc ay me yantic ya stoyes.

Eclesiastés 4:14

Manchuc me ja' ya x'och ta muc' ajwalil te querem, te loq'uel to ta chucjibal a te ya xmo ta muc'ul nactijibale, o teme mero me'ba a te mo ta muc'ul nactijibale, quiloj te ants-winiquetic ta balumilal te ya smulanbeyic yat'ele.

Isaías 22:23

Jich me ya xc'ot te bit'il muc'ul nactijibal swenta ich'el ta muc' te sts'umbal baele. Ya me cac' te tulan ya xjil ta yawil, jich bit'il te lawuxe.

Daniel 2:48

Te muc' ajwalil la stoyesbey xan yat'el te Daniel, la yac'bey bayal yutsil smajt'an. Soc la yac'bey yat'el ta ajwalil ta jsejp q'uinal te Babilonia sbiile. Ja' mero muc' jwentainwanej c'ot yu'un spisil te mach'atic bayal bi sna'ojic te tey ayic ta nación yu'unique.

Daniel 4:17

Ja' te castigo la yaq'uic j'il-q'uinal ch'ul abatetic in to, swenta yu'un spisil me winiquetic ya sna'ic te ja' Dios mero toyol ay yip yu'el ta stojolic te chajbalchajp ajwaliletic ch'ich'-baq'uetetique. Ja' ya yac' ochel ta ajwalil te mach'a ya sc'an yo'tane, ya yac' ochel ta jwentainwanej ta stojol jun nación te mach'a mero peq'uele, ja' te mero peq'uel yu'un te winiquetique’, xi' sc'op te j'il-q'uinal ch'ul abate.

Daniel 6:3

Ora chicnaj yat'el ta stojol te yantic cheb xan mach'atic la yich' yat'elic ta yilel te yat'el yantique, soc ta stojolic te jwentainwanejetic ta juju-jsejp te q'uinale, melel mero bayal sp'ijil yo'tan ta at'el la yilic stuquel. Ja' yu'un te muc' ajwalile, la snop te ya yac'bey swentain te ajwaliletic yu'un te nacione.

Hebreos 1:3

Ja' chican a te yutsil xojobil te Diose, soc ja' chican a te bi yilel ay soc yo'tan te Diose. Spisil te bitic aye ja' ipajemic a te yu'el sc'ope. Te c'alal ju'ix yu'un spoquel loq'uel a te jmultique, la snajc'an sba ta ch'ulchan ta swa'el sc'ab te Muc' Diose.

Santiago 2:5

Quermanotac te bayal c'uxex ta co'tane, aiya awaiyic stojol in to: ¿Ma bal ja'uc tsabilic yu'un Dios te mach'atic me'ba ayic li'to ta balumilale? Melel ja' sc'ulejalic ya xc'ot te ay xch'uunjel yo'tanique, soc te ya x'ac'bot ainuquic tey a ta bay ay ta ajwalil te Diose, jich te bit'il yalojbey sc'oplal spisil te mach'atic c'ux ya yaiyic ta yo'tanic te Diose.

Apocalipsis 1:6

soc la yac'otiquix ta ajwalil soc ta sacerdoteil te jich ya yabatinotic te Diose, ja' te Stat te Jesucristoe. Jelawenuc me yutsilal soc ayuc me tulan yat'el sbajt'el q'uinal stuquel. Jichuc.

Apocalipsis 22:5

Ma'yuquix ajc'ubal tey a. Ma xtuunix yu'unic te xojobil c'ajq'ue soc te xojobil c'aale, melel ja' sacuben q'uinal ta stojolic yu'un te Cajwaltic Diose. Sbajt'el q'uinal ya sjoinic ta ajwalinel te Diose.

Apocalipsis 3:21

Te mach'atic ya xju' yu'unic tsalawe, ya me sjoinon ta naclej ta banti te muc'ul nactijibal cu'une, jich nix te bit'il caiyoj tsalaw te jo'one soc te joinejix ta naclej ta bay smuc'ul nactijib te Jtate.

Apocalipsis 5:10

La awac'beyix yat'elic ta ajwalil soc ta sacerdoteil ta stojol te Dios cu'untique, soc ya me xmandalajic ta balumilal”, xiic ta c'ayoj.

1 Samuel 15:17

Jich la yal jajch'el te Samuel: —¿Ma bal mero peq'ueluc la awaiy aba jiche te ja'ate? Pero ochat ta jwentainwanej yu'un spisil ta jchajp te sts'umbal israeletic, te Cajwaltic la stsaat yu'un ochat ta muc' ajwalil yu'un te israeletique.