1 Samuel 2:7 - Bible in Tzeltal de Oxchuc y Tenejapa

⁷ Te Cajwaltic ya spasotic ta me'ba o ya spasotic ta jc'ulej; ya yac' yalucotic, soc ya yac' jajch'ucotic.

Bible in Tzeltal Bachajón

⁷ Te Jehová ya x'ac'awan ta pobre soc ya x'ac'awan ta jc'ulej; ya spehc'ambe sc'oblal soc ya stohytesbe sc'oblal.

1 Samuel 2:7 ပူးပေါင်းရင်းမြစ်များ

2 Reyes 9:6

Ora jajch' te Jehú, och bael ta yut na. Jich te j'alwanej yu'un Dios la smalbey te aceite ta sjole, soc jich la yalbey: —Te Cajwaltic te Dios yu'un Israel jich ya yalbat: “Jo'on ya jtsaat yu'un muc' ajwalil ya xc'oat yu'un Israel, ja' te lum cu'une.

1 Crónicas 29:12

Tey ya xloc' tel ta atojol te jc'ulejaltic soc te cutsilaltique. Ja'at atuquel ya awal mandal. Te awip soc te awu'ele, ay ta ac'ab. Ay ta awenta atuquel te mach'a ya awac' ta ich'el ta muc', soc te ya awac'bey yu'ele.

2 Crónicas 32:27

Te Ezequías bayal sc'ulejal soc bayal ay ta ich'el ta muc'. Tsobaj yu'un plata, oro, t'ujbil tonetic, perfumeetic, smajq'uil soldadoetic soc spisil ta jchajp te bitic bayal sc'oplale.

2 Crónicas 32:29

Soc la spas lumetic, soc la sta bayal chambalametic, wacaxetic soc chijetic. Dios ac'bot yu'un c'axem to xan te sc'ulejale.

Job 1:21

Jich la yal: —T'analon a julon ta balumilal yu'un te jme'e, t'anal ya xsujt'on bael. Ja' nix la yac'bon spisil te Cajwaltic, ja' nix la yich'bon sujt'el. Jelawen yutsil xch'ul-biil stuquel te Cajwaltique —xi'.

Job 40:12

Pasa me jiche, ac'a yalicuc ta swenta nax yu'el asit, tenbil ac'a jiluquic tey ta banti ayic te mach'atic ma lecuc yo'tanetique.

Job 5:11

ja' ya stoyesbey sc'oplal te mach'atic peq'uel ayique, te mach'atic ayic ta wocol, ya yich'ic coltayel yu'un;

Salmos 102:10

ta scaj awilimba soc sc'ajc'al awo'tan. La atoyesbon jc'oplal swenta yu'un ya ach'ojon coel ta patil.

Salmos 75:7

Melel ja' Jchajbanwanej stuquel te Diose; ay me mach'atic ya spejc'an, soc ay me yantic ya stoyes.

Salmos 75:8

Te Cajwaltic yich'oj ta sc'ab te svasoil te yilimba, jich c'oem te bit'il capbil vino te pajubene. Te bi ora ya sp'is stuquel te vino, spisilic te mach'atic amen yo'tanic ta lumq'uinal ya me slajinic yuch'el, ma'yuc jxujt'uc ya xjil yu'unic.

Proverbios 22:2

Ay mach'atic jc'ulej soc ay mach'atic me'ba ta q'uinal; ta xcha'chajbal ja' la spas te Cajwaltique.

Isaías 2:12

Ja' te bi c'aalil ya x'at'ej te Cajwaltic te Spisil ya xju' yu'un, ta yilbeyel yo'tan spisil mach'a jtoybaetic te muc' yac'oj sbaic soc yixtailique; ta yilbeyel yo'tan spisil mach'atic te toyol yac'oj sbaique, swenta yu'un ya me yich'ic pejc'anel;

Jeremías 49:15

Ya me cac' te ch'in lum ya xc'oat yu'un te lumetique; mero c'ax ilaybil me ya xc'oat yu'un te winiquetique.

Ezequiel 17:24

Ta spisil me te te'etic ta bayuque, ya me sna'ic te jo'on Ajwalilone. Jo'on me ya jts'et te mero toyba te'e; ja' me ya cac' muc'ubuc te ch'in te'e. Jo'on me ya cac' taquejuc te te' buen yaxe; ja' me ya cac' cha'yaxubuc te taquin te'e. Jo'on Ajwalilon te jich caloje, soc ya me jpas ta melel”, uta me —xi' te Cajwaltique.

Santiago 4:10

Bic'tajanic me ta stojol te Cajwaltique, jich me ya stoyesbeyex ac'oplalic stuquel.