1 Samuel 2:6 - Bible in Tzeltal de Oxchuc y Tenejapa

⁶ Te Cajwaltic ya yac' lajucotic soc ya yac' cuxinucotic; ya yac'otic coel ta muquenal, soc ya yic'otic loq'uel tel ta muquenal.

Bible in Tzeltal Bachajón

⁶ Te Jehová ya yac' lajel soc ya yac' cuxlejal; ya yac' cohuc ta muquenal soc ya yac' loq'uel tal.

1 Samuel 2:6 ပူးပေါင်းရင်းမြစ်များ

1 Reyes 17:22

Te Cajwaltic la yich'bey ta wenta te sc'op te la yal wocol te Elías, la yac' cha'cuxuc te alalquereme.

2 Reyes 5:7

Te c'alal la yil te carta te muc' ajwalil yu'un Israel, la sjats sc'u' yu'un, swenta seña te la smel yo'tane, soc jich la yal: —¿Yu'un bal Dioson te ya xju' cu'un te ya cac'bey xcuxlejal, soc te ya xju' ya cac' ta lajel, te bit'il la sticunbon tel te jtul winic yu'un ya jch'aybey te xchamele? Tsajtaya awaiyic ta lec, ya me ana'ic te bit'il ya nax sle bi ya yut ya scontroinone —xi'.

Job 5:18

Teme ay ja' nix ya yac' ejch'ene, ja' nix me ya spots yan buelta; teme ta sc'ab ya xmajawane, ta sc'ab nix me ya xpoxtaybey.

Salmos 116:3

La sts'oton slazoil te lajel, la staon smel-o'tanil te muquenal, la xchucon te xiwel soc te xc'uxule.

Salmos 30:4

Ja'ex te junajem awo'tanic ta stojol Cajwaltic, c'ajintayaic ta c'ayoj, albeyaic yutsil te xch'ul-biile.

Salmos 68:20

Te Dios cu'untic ja' nax stuquel te ya xcoltaywan, ya xju' ya scoltayotic ta lajel.

Salmos 71:20

Manchuc me awac'ojbon c'axuc cu'un bayal bitic c'ux obol jba yu'un soc bitic la yac'bon bayal jwocol, pero ya me awac' xan yach'il jcuxlejal. Ya me acha'jachon xan tel ta sc'ubulil lumq'uinal;

Eclesiastés 3:3

Ay yorail milaw, soc ay yorail poxtayel. Ay yorail te bila ya yich' jinel, soc ay yorail te bila ya yich' pasel.

Isaías 26:19

Ja'uc me to, te animaetic awu'une ya xcha'cuxic stuquelic; te sbaq'uetalique ya xcha'cuxic. Te mach'atic wayalic ta lumq'uinal, ya xtijotic jajch'el, soc ya me x'awunic yu'un sbujts' yo'tanic. Melel jich ya aticun tel te luz awu'un ta stojolic, te bit'il ts'ujul ya xyal ta ajc'ubale; jich te animaetic ya me xcha'chicnajic loq'uel ta lum.

Ezequiel 37:12

Jich ay, pero c'opona ta jwenta jo'on, jich xawalbey: “Jich ya yal te Cajwaltique: ‘Lum cu'un, ya me jambeyex te amuquenalic c'oeme. Ya me quiq'uex loq'uel tel tey a, ya me caq'uex xan sujt'el ta slum-sq'uinal Israel.

Ezequiel 37:3

Te Cajwaltic jich la yalbon: —¿Ya bal yich' xan xcuxlejalic yan buelta te baquetic in to? —xi'. La jac'bey: —Cajwal, ja'at nax ana'oj atuquel —la cut.

San Mateo 12:40

Melel te Jonase ain ta xch'ujt' muc'ul ballena-chay oxeb c'aal soc oxeb ajc'ubal. Ja' nanix jich uuc te Nich'anile ya me x'ain ta muquenal oxeb c'aal soc oxeb ajc'ubal.

San Juan 11:25

Te Jesús la yalbey: —Jo'on cha'cuxelon soc jo'on cuxlejalon. Ja' te mach'a ya xch'uunone, teme ya xlaje, ya me xcha'cux tel.

Deuteronomio 32:39

Jo'on nax jtuquel te Diosone, ma'yuc yan dios pajalon soc. Jo'on ya cac' cuxlejal, jo'on nix ya xju' cu'un slajinel. Jo'on ya cac' ejch'en, jo'on nix ya xju' cu'un xpoxtayel. Ma'yuc mach'a ya xju' yu'un ya scoltay sba ta jc'ab jtuquel.

Apocalipsis 1:18

Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

1 Samuel 20:3

Pero te David c'opoj xan: —Te atat sna'oj te lec awo'tan cu'une. Ma sc'an ya yalbat awaiy, yu'un ya xi' ya x'ilinat yu'un. Pero ya calbat ta jamal ta stojol te Cajwaltic soc ta atojol, te mero tec' xanix ta acanil quiloj jba soc te lajele —xi'.