1 Samuel 2:5 - Bible in Tzeltal de Oxchuc y Tenejapa

⁵ Te mach'atic ay sobra swe'elic ta neelal to, yo'tic ya xbajt'iquix ta le-at'el swenta jxejt' pan; yan te mach'atic ay swi'nal ta neelal to, yo'tic ma'yuquix swi'nalic. Te ants te ma ba la yac' yal ta neelal to, yo'tic ac'botix tsobol yalatac yu'un Dios; yan te mach'a ay bayal yalatac, yo'tic ma'yuquix yutsil q'uinal ya yaiy.

Bible in Tzeltal Bachajón

⁵ Te mach'atic nojel sch'uhtic ya yac' sbahic ta jle-a'tel scuenta we'elil, yan te mach'atic ayic ta wi'nal, mayuquix swi'nalic. Te ants te ma x'alaj, ayinix huctuhl yal; yan te mach'a ay bayel yalatac, ay ta mel-o'tan.

1 Samuel 2:5 ပူးပေါင်းရင်းမြစ်များ

Salmos 113:9

Te ants te ma ba alajem ya yac'bey yutsil yo'tan ta alajel, ya yac'bey sjoin ta nainel te yalataque. ¡Bin nax yutsil te Cajwaltique!

Salmos 34:10

Te jc'ulejetic ya me xc'atp'ujic ta me'ba, soc ya me xwoclajic yu'un wi'nal; yan te mach'atic ya sle te Cajwaltic, spisil bila lec, ay me yu'unic stuquel.

Isaías 33:9

Te lumq'uinale yac ta lajel ya yaiy soc mel-o'tan, te Líbano yac ta c'anubel ta q'uexlal, te spamlejal q'uinal Sarón, c'atp'ujix ta jochol taquin q'uinal, te Basán soc te wits Carmelo, t'axalic jilel.

Isaías 54:1

Awunan yu'un yutsil awo'tan, ja'at te ma x'alajat, te ma'yuc awalataque; c'ajinan yu'un smuc'ul awo'tan, ja'at te jc'axel ma ba awac'oj awale. Melel te Cajwaltic ya yal: —Te ants te pijt'emix jilel, c'ax jich ya sta bayal yalatac a te bit'il te ants te ay smamlale —xi'.

Jeremías 15:9

Te me'iletic bayal yalatac ya xcom q'uinal yaiyic, ma xyich'iquix ic'; ya xq'uexawic soc ya xpejc'ajic, te xojobil c'aal ya sujtp'ej ta ijc' q'uinal ta stojolic. Teme ay to mach'a cuxul ya xjilique ya me cac' milotuc yu'un te scontroique. Jo'on Ajwalilon, ya cal te jc'ope —xi'.

San Lucas 1:53

Te mach'atic ayic ta wi'nale, la snojesbeyix xch'ujt'ic ta lequil we'elil; yan te jc'ulejetique, jochol sc'abic la sticunix bael.

San Lucas 16:25

“Te Abrahame la yal: “Jnich'an, na'a te lec nax c'axat ta q'uinale. Yan te Lázaro, ay bayal swocol c'ax ta q'uinal stuquel. Ta ora to, ma'yuquix swocol li'to. Yan te ja'ate, ayatix ta tulan castigo atuquel.

Gálatas 4:27

Melel jich ts'ibubil jilel ta Sjun te Diose: “Ac'a bujts'najuc awo'tan ja'at te ma x'alajat, te jtul ma'yuc awale. Awunan me yu'un te sbujts' awo'tane, ja'at te ma ba awaiyojbey xc'uxul te alajele. Yu'un te ants te ijq'uitaybile c'axem to xan ay yalatac ya xc'ot, c'ax jich te bit'il te yan ants te ay smamlale”, te xie.

Rut 4:15

Ja' me ya smuc'tesbat awo'tan, soc ja' me ya smac'linat te c'alal me'elatixe. Melel ja' yal te awalib te bin nax yo'tan awu'une, te jich c'oem yutsilal ta atojol te bit'il ayuc bayal awalataque —xiic.

1 Samuel 1:20

Tey ora ayix jilel yal a te Ana. La sta yorail, ayin te yale. Samuel sbiil la yac'bey, ja' yu'un te ja' sc'anojbey te Cajwaltique.

1 Samuel 1:6

Ja' yu'un te Penina, te ja' sjoy ta antsile, bayal la yuts'in soc la slaban. Jich la yac' ta mel-o'tan yu'un, te ma x'ac'ot ta alajel yu'un te Cajwaltique.